يازمان البلاوي من بلاويـك شبنـا=من بلاويك شبنا يا زمـان البـلاوي
إن سكتنا مرضنا وإن هرجنا نشبنـا=في أعللنا من البلوى يحيـر المـداوي
صار دانا ومسموم الدوا مـن عربنـا=افحص الداء وبرّق بالدواء يالرخـاوي
من يعالج جربنا قبل يعـدي جربنـا=في بعضنا جرب حقد ٍ وحسد وشهاوي
إن صفّن القلوب وطوع العي طبنـا=الحساني تراهـن يذهبـن المسـاوي
كل ما قلت من عد ٍ قراح ٍ قربنـا=حال من بيننا والعد وحل ومـلاوي
يبست ارياقنا من بيرنـا مـا شربنـا=والعدود البعيدة دونها الذيب عـاوي
شعر / عبدالله بن علي بن صقيه