يا هبوب الوسم لـ سعد بن ثلاب

بمناسبة قرب الوسم ومعه يقرب موسم الأمطار اخترت لكم من موقع شاعر التوباد سعد بن ثلاب ال ثلاب القباني هذه القصيدة اتمنى ان تحوز على رضاكم بعد رضى الله سبحانه وتعالى

هبوب الوسم

يا هبوب الوسم هبِّي بالبـــرادي =مـا وراك من الهواء لا تذخرينه
كود نسناس الهوا يحيي فـــوادي=تفرح عيوني عقب ما هي حزينه
لا انشغل قلب الفتى حرم الرقـادي =عزتي للي تعنَّى في سنينــــه
في سواد الليل للذيب اجتـــلادي=ومن لقى له حاجةٍ تروب عينــه
الله اللي يرزقك من كـــل زادي =وما كتب للعبد في عالي جبينــه
من قلبٍ ضاق من شوف البـلاوي= ما يبي صوت البواري والمكينــه
صجَّوا اذني بالمسجّل والــروادي =والعراوي في السكك تسمع حنينــه
في الضحى في راس الأشقر صرت بادي=يوم قلبي ما قدرت اكتم ونينـــه
ما حلا شوف الشجر في كـل وادي=وكل شِعبٍ مع مسيله حادرينـــه
ما تشوف إلا الرقيطي والســوادي =والحجل مع كل ريعٍ شايفينـــه
ذي عطايا الله تو ثرهــا جـدادي=والفحل خلف البيوت مقيدينــــه
زين بني البيت في الأرض الحمادي=زين بَنْيه من شَعَر مهوب طينَـــه
مددت لطنــاب ثم دقت اوتــادي=قُوِّم ارواقه ونصفه حاجبينــــه
حوله ارجالٍ يصيــدون القـوادي=ما يعرفون المثاثا والرطينــــه
زين شوف الصيد في لرض الريادي=لا التفت خويكم يقول : وينـــه ؟
ما حلا لامن كفخ طير الهـــدادي=عقب ما للطير حِلّ مبرقعينــــه
يوم نفسي ما تحب إلا البـــوادي=زين شوف البر يا هل العرف زينـه
كود نسناس الهوا للنو قــــادي=بامر ربي والرعد تسمع دنينـــه
لاح برقه وانتثر وبله وجـــادي=سالت الشعبان والوادي بحينـــه
جعل يسقي ديرة الشيخ الجــوادي =خادم البيتين : مكة والمدينــــة
من ورا نجران وحدوده وغــادي =لين طريف والباطن ولينـــــه
حامي البيتين كل أمره ســـدادي=" أبو فيصل " طوَّل الله في سنينــه
يا الله إني طالبك يا خير هــادي =من بغى له حاجةٍ الله يعينـــــه
رب وفقنا على درب الرشـــادي =وكل واحد لا تحرمه من جنينـــه
ختمها صلوا عدد زوف الجرادي=للنبي اللي توفّى في المدينــــه

موقع الشاعر : http://www.abn-thlab.com/

اخوكم القباني

 

أخوي الغالي القباني
يعطيك ألف عافية
على نقلك لهذه المشاركة والتي سعدت بها كثيراً
كيف لا وهي من شاعر ولاأروع شاعر بلد الحب والنخيل ( الغيل ) شاعر التوباد
الشاعر الغني عن التعريف
شكراً لك أخوي القباني والشكر موصول لشاعرنا القدير سعد بن ثلاب القباني
مع قبول خالص تحيات
أخوكم
محمد القباني

 

ياهلا بك ياولد العم فالفضل يعود بعد الله الى تواجدكم الطيب والمثمر في جمع شعر شعراء القبابنه والشاعر سعد بن ثلاب غني عن التعريف له صولات وجولات في الشعر الغزلي
شاكر ومقدر ردكم الجميل ..

القباني

 

أخوي الغالي

القباني

يعطيك ألف عافية

على نقلك لهذه المشاركة

 

تحياتي
والقصيده جزله

 

رفعت لتناسبها مع الوقت .. ونسأل الله ان يجعل مواسمنا أمطار وخير وبركة

 

صح لسانك يالشاعر قصيدة معبرة وجميلة

 

أخوي الغالي

القباني

يعطيك ألف عافية

على نقلك لهذه المشاركة