تمر المقفزي وغازي بن عون

الشاعر غازي بن عون عاش في الخرمه
سنوات عمره مع اسرته بجوار قبيلة سبيع
عاش على المعزه والكرم والطيب
ول مزرعه في الوطاه
فيها انواع التمور والنخيل الجيده
يوم وفرة المياه وعذوبتها وكثرة الابار
وغزارتها من ضمن زراعته نخل المقفزي
يقول ابن عون الرويس العتيبي

ياهيه تمر المقفــــــزي مانبيعه = ياهيه مانجلب قدوع المساييـر
نرهي على زوارنا مـــن قريعه = وزوايده للطير ولشابر الخيـــر
لو شرت بالشور الردي مانطيعه = مانستمع في قول عذال وامشير
البذل مايرخي النفوس الرفيعه = والشح ماطول اشبور المعثيـــــر
اللي لجمع المال نفسه وضيعه = ملهيته الدنيا وجمــــــع الدنانيــر
للابد ماتاقـــــــع عليه الوقيعه =سود الليالي بالحوادث معاشيــــر
واتضيق بالنذل البخيل الوسيعه = ويرحل ويترك كل ماحاش للغيــــر
مايدري ان افات بقعاء سريعه = تفعل باهلها مثل عشب المخاضيـر
يعجب خضاره في ليالي ربيعه = ويدني صرامه بالليالي المناحيــــر

 

صح لسان الشاعر ولسانك

قصيــده جزلـه بكــل ماتحتويه من معانــي

 

”

المشاركة الأصلية كتبت بواسطة ريم السبيعي الشاعر غازي بن عون عاش في الخرمه سنوات عمره مع اسرته بجوار قبيلة سبيع عاش على المعزه والكرم والطيب ول مزرعه في الوطاه فيها انواع التمور والنخيل الجيده يوم وفرة المياه وعذوبتها وكثرة الابار وغزارتها من ضمن زراعته نخل المقفزي يقول ابن عون الرويس العتيبي ياهيه تمر المقفــــــزي مانبيعه = ياهيه مانجلب قدوع المساييـر نرهي على زوارنا مـــن قريعه = وزوايده للطير ولشابر الخيـــر لو شرت بالشور الردي مانطيعه = مانستمع في قول عذال وامشير البذل مايرخي النفوس الرفيعه = والشح ماطول اشبور المعثيـــــر اللي لجمع المال نفسه وضيعه = ملهيته الدنيا وجمــــــع الدنانيــر للابد ماتاقـــــــع عليه الوقيعه =سود الليالي بالحوادث معاشيــــر واتضيق بالنذل البخيل الوسيعه = ويرحل ويترك كل ماحاش للغيــــر مايدري ان افات بقعاء سريعه = تفعل باهلها مثل عشب المخاضيـر يعجب خضاره في ليالي ربيعه = ويدني صرامه بالليالي المناحيــــر

أختي القديرة ريم بيض الله وجهك على المشاركة الأكثر من رائعة
تقبلي خالص التحية

 

	شكرا لك يالعروان والله انك متميز اشكرك على المشاركه والكلام الطيب 0 0 شكرا لك يامحمد القباني انا اشهد انك مشرف متابع ومتميز بالطيب والاخلاق وحسن المتابعه

 

صح لسان الشاعر ولسان الراويه

والمقفزي من أجود أنواع التمور الى الآن لكن الشهره راحت للخلاص والنبت

ألف شكر ياريم السبيعي

 

اختي الكريمة ريم السبيعي بيض الله وجهك على ايراد قصيدة الشاعر الجزل
غازي بن دخيل الله بن عون الرويس العتيبي
وهو شاعر اعطى التراث الشعري نوعاً من القدرة الشعرية والتميز الخاص في تطويع المفردة لصالح المعنى في اطار يحس به المتلقي
وسوف انزل بأذن الله موضوع متكامل عن شاعرية غازي بن عون ومجالات الشعر المختلفة التي ابدع فيها

 

وجهك ابيض ياولد بداح
لك تقديري
واشكرك على تميزك
لك منى كل الاحترام ودمت سالم وغانم

 

يمال العافيه والخير والستر يااختى ريم السبيعى ,, قصيده اكثر من رائعه , لشاعر جزل , تقبلى تقديرى واحترامى لحرصك على ماهو جزل ومن اعماق التراث ,,, شكرا مليووووون .

 

الله يستر عليك ياحد الرهيف
تقبل تقديري
ولك ولاسرتك من اختك واسرتها
اجمل سلام وتحيه