مساء الورد من عاشق نجد

أحبابي المشرفين
أخواني وأخواتي الأعضاء
الله مير يسلمكم ويسلمن معكم
الحقيقة لكم وحشة جميعاً صغيركم قبل كبيركم
أدري إني غالي عليكم مثل ما أنتم أغلى وهذا دلالة على الألفة والمحبة الصادقة
بيننا جميعاً غبت عنكم فترة ليست قصيرة ولكن لظروف الإختبارات تخبرون بثالث ثانوي
وشادن حيلي عسى ماينقطع أبي درجات ومعدل يبيّض الوجه علشان الجامعة الله يخلف وإلا مالي إلا
العسكرية ويمكن ما يقبلونن بالجامعة ولا العسكرية إذا المعدل لكم عليه لأنكم تعرفون هاليومين اللي ما عنده
واسطة يروح فيها المهم أبشركم جبت نتيجة زينة وباقي الفصل الثاني بس إدعوا لي تكفون لا تخلونن وخلوا
مويماتكم يدعون لي ترى فيهن بركة ودعواتهن مقبولة إن شاء
عطلنا الربيع وما أدراك ما الربيع ما صدقنا نعطل وندق سلف أنا وولد الجيران عبود رحنا لم حايل يا بعدي
رشينا الهايلوكس بهاك الرشة اللي يحبه قلبك وأخذنا العدة ووينك يارالي حايل تطعيس بالنفود
من نفد إلى نفد ما صدقنا وربيع ما شاء الله عليه وأمطار وبيني وبينكم أكلنا البرد يومين ورجعنا ثم نكسنا لم القصيم
وحضرنا مهرجان الغضا ويومين كذلك ومنها للعاصمة الحبيبة
أشغلتني الدنيا الله يعينن عليها بخير
المهم أنتم عساكم بخير وأحوالكم زينة
وأبي منكم العذر وأبشروا بالمشاركات والردود الطيبة
ولكم كل الشكر والتقدير من
أوخيّكم
عاشق نجد

 

عاشق نجد
بشر عسى المعدل ممتاز مع مرتبة الشرف ( مقبول )
ماشاء الله عليك من الرياض على حائل ثم القصيم وراك
مادقيت سلف يم البحرين يذكروووون جوها ذاليومين يهبل
والفقع يقولون بالخياش على قفى من يشيل ويحلفون ان الزبيدي
كبر روووووس الخرفان ( البربريه )
الله يعين على الدنيا بخير وكلنا مقصرين في منتدى القبابنه من عدم
التواصل معهم وانا بالذات بخيييييييل بالحييييل لكن عسى ربي يعيننا
على التواصل مع الربع (( والربعات ))
وكل عام نقنص للبحرين زبيدي

 

يادفع البلا توك طالب شد حيلك جعلة ماينقطع ولاتنسي تمس علي عمرك
ياعاشق نجد انت ماتقولي انت من اللي يقلبون السيارات
يازيزوم ضيق يمال الضيق مالقيت الا زبيدي البحرين عجججججججيب
تبون الصدق ولا ولد عمه المنتدي كسلان والأعضاء والمشرفين غايبين

 

8
8
8
هذا شايل حمله علينا


العاشق بنجد
الله يحييك يالغالي نورت المنتدى بتواجدك وحلو ان الواحد يغير جو بس الله يهديك نسيت ان لك ربع ويمكن يخاوونك



الله يديم المحبه

 

حياك الله وشرفت ولاكلفت

بس وينك وين النجاح ونت طول الليل ونهار فاشحن فوق البرواقا الي صفاره تقول
صفارشريتن ناجحه ومن شافه قال سبحان من يحي الموتى وهي رميم
على فكره ترى عندى لك صوره ونت متشقق فوقه اذا مانجحت بحطه توقيع لي

 

الله يوفقــــــــــــــــــــ يا عاشق نجد ـــــــــك
وانشالله نفرح بمعدلك الممتاز أخر السنة ،،،، وترى يمدحون المدارس الاهلية
وما شالله عليك وعلى ولد جيرانكم عبود انا اشهد انكم حللتوا إجازتكم
.
.
وبالنسبة لزبيدي البحرين
ذكرتني سالفة اللي يسألونه ليه رحت للبحرين قال ابد بغيت أجيب عمال !!! ==> أمحق تصريفه