النت ده حاجه عجيبه خلاص..تعرفت فيها على بنت
راسلتها في الميل..وبدى قلبي ليها يميل
غابت عني ايام وليالي..دورت عليها في كل مكان
وكتبت ياناس ياهو(yahoo)و(google)دورت عليها في
حبيبي تايه وين القاهو؟..ولا حد رد عليا
نصحوني ناس الخبرات..قالوا لي دور عليها في الشات
الشات ده مليان بنات من كل الالوان والجنسيات
دخلت الشات..ودورت من بين القنوات
مالقيت نكها من بين النكات
كلمت لي زول من اليابان خبير في الكمبيوتر فنان
(قلت ليهو:هو آر يو؟ قال لي: شنق ينق ) فاين ثانكيو
قلت ليهو: أنا من السودان.. مشتاق لحبيبتي ولهان
وده النك نيم ليها دلني عليها يازول
اخذ مني الزول النك وقعد يتكتك تك تك تك
!لحد مالقاها
قال ليشونق يق يق يو) تلاقيها في الآيسيكو
(دخلت ليها في الآيسيكو)
ولقيت حبيبي اللي ضيعتو
وبكل لهفه وشوق كلمتو
قالت لي: بدك شو؟
قلت ليها: انتي البنت اللي ادور عليها من زمان
قالت لي:أنتا من ايا مكان؟
قلت ليها : انا من السودان
وراسي مثل الرمان
وكرشي شوي مليان
ولوني افتح من الخنفسان
قالت لي: شو افتح من الخنفسان
مامعئوله هيك انسان
انا بدي راجل فهمان ابظاي مثل السوبر مان
ولونه ابيض فتحان.. مافي منو في البلدان
ولاني حلوه ومن لبنان
وبمشي مثل الغزلان
وطرفي حلو نعسان
ووجي ينور مثل الشمع دان
مابأبل أتجوز من السودان
ولا أفريقيا ولا بلوشتنا
بدي ويحد فتحان .. أبيض مثل الاسنان
ممكن يكون من لبنان والا من شرق اوروبا والا حتى من كردستان
لاني حلوي وبيضه .. من هذول اخلف صبيان
الزول بقى يقرا الكلام وهو زعلان
جالو اكتئاب وصار تعبان
كره حياته وصار ندمان
ترك النت وهو غضبان
وراح يدور على عروسه سمره من كسلا وام درمان
العرض الشجري
