ملحمة الشاعر الكبير بن محيلب

يقول من جاله على الشعر ميراد=ورد الحيام اللي عن الماء تذادي
وليا أقرعت في الصدر ماهيـب تنذاد=هذيك نقهرها والأخرى تقادي
وعن غير يمه عوس ماهيب تنقاد=تقطع مصاريـع الرسن بالأيادي
وللمرشد أسمع وأتحرى للارشاد=ولا كل مـن يرشد يدل الرشادي
ومن لاخذا عبره من الوقت ما فاد=يروح عمره شايـب ٍ ما استفادي
وأنا ليـا جتني هواجيسي اضماد=بيحت مكنون الضمير الحشادي
كنه يجاوبني ليـا انحيت نشاد=يا الله داعي خير ياللي تنادي
من هاجس ٍ في الصدر سرداد مرداد=حرك على عمدان تهم الجرادي
ولا أحلى من المعنى على الدال والضاد=قول يعبر والمثايل جدادي
ولا تنتعبر قصة ٍ مالها اسناد=ولا حكم للي ما عليه استنادي
ولا ينتغالط بين شعبان وجماد=شعبان وضعه يختلف عـن جمادي
وجعل الحيا لا جا من الغرب منقاد=يسقي وطن عـزوة قصير المهادي
ديرة سبيع أهل النفايل والأمجاد=عز الصديق وكسر عز المعادي
بني عمر لا قيل رده ومعواد=وألاد عامر مقحمين الطرادي
بـ أذكر قليل ٍ من كثير ٍ بالأفناد=وهذا الدليل اللي عليه اعتمادي
تاريخنا أبيض من ثمود ومن عاد=بالأمن وإلا فـي سبيل الجهادي
والعشر منا هي وأهلها بالأعـداد=من معجزات العصر عشر ٍ عدادي
نقرة سنام اللي على حد بغداد=فيها عمار أهل الركايب تقادي
وأما السبية جت على زند وزناد=ولا زانت إلا عقب ضرب الركادي
تخطيط شيـخ ٍ تعرفه كل الأجواد=عساف شيخ سبيع سمح المبادي
شيخ القبيلة دون شك ٍ وترداد=وعقادة تتعب غزال الشدادي
وكم شيخ قوم ٍ لا نوانا بمهجاد=سلايـل الغلباء لعزه نفادي
ويعتز من حنا له أعوان وأحفاد=وللي يعادينا نغزل القـيادي
ولنا بكون .... كون معتاد=أكبر وهي له عندنا شي عادي
الله يرحم شايب ٍ تحت الألحاد=عجران في قوله يدل القوادي
.... اللي جت على حمر الأنفاد=عند البكار ومقرعات التوادي
بني فهيد شهودها جوهم عناد=وأرخوا الأعنة قدم وجه الجرادي
وهية .... تشيّب بالأولاد=بين الفتايل والنمش والهنادي
ومن لا يصيد الناس ماهوب ينصاد=وانا الفـدا نصيد والا نصادي
ومثل المسمى .... وعلوم ٍ بعاد=ويطول شرح السالفة بإمتدادي
سوالف غنا بها كل قصاد=وإبن شليه قالها لإبـن ....
لاخان فينا خاين يقشع الشاد=عليه منا كسر عز وسوادي
وفي شيخنا علي المجدع لنا اكـاد=وعيب ٍ على اللي ما بقوله وكادي
آلاد العزيزي ميبسة سود الأكباد=وآلاد جابر لا حدا كل حادي
ما عاد رد العلم للقوم رداد=تسعين لحيه جو عشاء للحنادي
ومن اعترض ما بين سايم وحداد=حنا نزاود فيه يوم المزادي
وننزل بلا منة حامد وحماد=ويشوفنا بالعين دنس الثنادي
رام العوافي عقب ذاك التهداد=وإن شاف ماله دور شد الحيادي
والغيض منه الضيم والا التصداد=وقهر الرجال أكبر حياة الزهادي
والتصفية من عقب تسديد الأقصاد=والعلم واحد والدوادي دوادي
حريبنـا ما يهتني بأكل ورقاد=ويضيق به منا وسيع الحمادي
مثل .... اللي حصل فيه جلاد=لولاه طمعت في وطنا البوادي
وكم عجة ٍ كدّر بها كون وطراد=لاحركت خشم الفتيل الزنادي
ومـثـل .... فعلنا بالعدا زاد=بلا على العزة بشد العضادي
وكم فارس ٍ لا أقبل ولاهوب حواد=نرميه عنها لا قبلت به ترادي
لا دندن الماء والحمر بـين الأذواد=يا ما طرحنا من شجاع وجوادي
وحنا هل الحاير هل الغـرس وشـداد=وليا غضبنا يمتلي كـل وادي
هذي بروج .... في روس الأرجاد=ما نتقي فـي حر وإلا بـرادي
في الديرة اللي مالنا غيرها بـلاد=أقدم بلد لسبيع ذاك البلادي
ملك ٍ لنا بالسيف من عصر الأجداد=ومن دونها ما نستمع قول عادي
.... ننحاها ورا حد الأكراد=ومن جاء يبي الحاير هله له عفادي
.... يـوم امتلت كبده أحقاد=حطت يمينه تحت رأسه وسادي
من ضرب أخو قوت هجد كل حشاد=إبـن شبيب اللي علومه بعادي
أما حصل فعل على روس الأشهاد=والله يلومك يالذليل الربادي
واللي مقيم مقيم ويشد شداد=ولا للحبيب من الحبيب انفرادي
حب الوطن يجري مع الدم والزاد=والعين من دونه تعيف الرقادي
دار ٍ بها للجار ملجاء ومقعاد=واللي مـن أقرابه حدته الحوادي
منا ومعنا ما نوى قشع الأوتاد=كنه ولد عم ٍ وبقران حادي
واللي قصيـره شايـف ٍ منه الأنكاد=يصبر ليا لحقه بعض الإنتقادي
حيث السوالف فيه دراس وجداد=ويقصر من الفنجال خثر القنادي
ياللي لبعـض النـاس والمـال عباد=وعبادك لغير معبودك فسادي
والشكر لله والثـناء والتحماد=ولا نيب ناسي فضـل رب العبـادي

الشاعر / فراج بن حمود بن محيلب السبيعي

 

صح لسانك ولسان ابوحمود شاعر سبيع والعزه , وابوحمود شاعر كبير ودنا انك تتحفنا بقصائده بمواضيع أخرى اخى ابوخالد ,,تحياتى

 

صح لسان الشاعر

 

”	المشاركة الأصلية كتبت بواسطة التنديل صح لسان الشاعر

صح بدنك أخي الكريم التنديل

 

”	المشاركة الأصلية كتبت بواسطة حد الرهيف صح لسانك ولسان ابوحمود شاعر سبيع والعزه , وابوحمود شاعر كبير ودنا انك تتحفنا بقصائده بمواضيع أخرى اخى ابوخالد ,,تحياتى

صح بدنك أخوي الكبير حد الرهيف وإن شاء الله نلبي طلبك

 

الله لايهينك يابوخالد وصح لسان ابوحمود والله والف نعم في العزة عيال عم واهل

 

صح اللسااااااااااانك

ابوخاااااالد

واللسااااااااان الشاعر / فراج بن حمود بن محيلب السبيعي


تقبل تحيااااااااااااااتي

 

”	المشاركة الأصلية كتبت بواسطة بدر القباني صح اللسااااااااااانك ابوخاااااالد واللسااااااااان الشاعر / فراج بن حمود بن محيلب السبيعي تقبل تحيااااااااااااااتي

صح بدنك أخوي بدر ومشكور على المرور

 

صــــــــح لسانكـ وووولسان شاعرررها


سلايـل الغلـبـاء لـعـزه نـفـادي

وونعم والله في تاج راسي سبيع الغلبا

 

”	المشاركة الأصلية كتبت بواسطة بن الغلبا صــــــــح لسانكـ وووولسان شاعرررها سلايـل الغلـبـاء لـعـزه نـفـادي وونعم والله في تاج راسي سبيع الغلبا

صح بدنك أخي بن الغلبا وأشكرك على التواصل