ماهو شعار مهرجان ديار القبابنه لهذا الصيف .

بسم الله الرحمن الرحيم


اخواني واخواتي في ديار القبابنه بما ان سوق الاسهم اثر على السياحة الخارجية ورأي كثير من رجالات الاقتصاد ان يكون الصيف مع اهلنا احلى سوف نختار شعار لكل ديرة من ديار القبابنه .


الغيل ستارة حراضة الفرشة مثعب

الغيل :: لا تروح ماليزيا ولا الشام الصيف في الغيل أخر تمام

والبقية عليكم

 

القباني
فكره رائعه لتشجيع السياحه الداخلية على الرغم ان الكثيرين مفلسين بسبب الاسهم يعني ماعندهم فلوس لسفر خارج المملكة فيمسكون ارضهم ابرك لهم واي عرس او مناسبة للقبابنة لايفوتونه منها تعارف ومنها اجر وعلم غانم
..............
شعار الفرشة
ارحبو مليار في الفرشة احلى الديار

 

شعار الستاره


لا تضيع فلوسك خساره ,,, مالك الا الستاره


شعار حراضه

في حراضه كلن يجمع اغراضه

 

(((((لاجيت الفرشه لزم (ن) اتعشى )))))

 

وانا سمعت ابوخالد بيصير مرشد سياحي بيحول القراندي الى باص لونه احمر ..

 

بالنسبة للغيل /

فكان شعاره وقت الامطار اللي فاتت

[size=5]((لاجاء السيل فرح للغيل ))[/size]

الستارة /

بلا مشاوير وخسارة خل صيفك بالستارة


والبقية تتأتي تبعا


وهذي بيتين لواحد مطفر يقول /


قالت باصيف بين لندن ومـــــدريد000 وانتة حبيبي وين ناوي تصيف

قلت اسمحي لي بالعذر والتناهيد000الله يخلي غرفتي والمكــــــيف

 

في الفرشه تعال نملى الكرشه :a050:

في الغيل يحلى البرميل :a038: <<<<<<<<<<<< برميل المندي

 

أحبتي الكرام
كل ٍ على همه سرى وأنا على همي سريت

يعطيكم العافية جميعاً .. شعارات فيها الطرافة لكن تقبلوا مني هذه المقطوعة الشعرية المتواضعة

يحقك لك يابو العيون النواعيس=تجوب الديار وتقتني ماتمنا
وتقضي نهاية عطلتك وسط باريس=وأنا كثير إن رحت مصايف وطنا
ما خالجك بالليل هموم وكوابيس=واللي غني مثلك لزوم يتهنا
بعكس الذي دايم جيوبه مفاليس=ولا له قصور ٍ كما لك تبنا
يملك طموح ماله حدود ومقاييس=لا شك وقته بالقساوة تجنا
ويمشي مع العالم وهو خالي الكيس=وليا طرت له حاجة ٍ جر ونا
مابين لوعات الزمن والهواجيس=وإن هو شكى للغير رد ما أشتحنا
يصير في عين البشر كنه إبليس=ويصرفونه بين منا ومنا
وإنتا ولا مرّت بدربك عواكيس=تمشي لك الدنيا بذوق ٍ وفنا
ويحق لك يابو العيون النواعيس=تجني ثمر دنياك على ماتمنا

محمد القباني

 

وتقضي نهاية عطلتك وسط باريس***وأنا كثير إن رحت مصايف وطنا

والله بعد فيك عراشه يابوخالد كان صيفك في مصايف وطنا :e0025:
البلاء /(( الله يخلي غرفتي والمكيف)))

صح لسانك يا ابو خالد
واناشالله (تجني ثمر دنيـاك علـى ماتمنـا)

ونواصل شعارات بلدان القبابنة

المثعب /

لو تلف وتتعب ما راح تلاقي مثل المثعب

 

الجود من الماجود ... في دحلة البارود :c015:

هيهات هيهات ... مافيه احلى من مرضات :f055:


:e045:

 

:c040: :c040:
هيهات هيهات ... مافيه احلى من مرضات
صراحة شعار حلوو

 

صح لسانك يابوخالد وثبتها لوسمحت فى منتدى الشعر الشعبى .

 

صيف الأحساء ... ألطف الجلساء.... في كل صبح ومساء مع تمر ورز وحساء ...

الرياض اقعد مع أحلى مقياض ...