قصيدة مدح للشاعر/ غنيم الخبيش في قبيلة الدواسر

هذه القصيده للشاعر /غنيم بن سعد الخبيش، قالها بعد تجمع قبيلة الدواسر وجمع مبلغ 25 مليون لأعتاق رقبة محمد بن فهد الصخابره، فأعجب بفعلهم وقال هذه الأبيات

ياإله الكون ياللي على خلقك رقيب =قسمة الشعار خذنا خيار قسومها
يالكريزي كل ماقلت عزّ الله امصيب=العوايد وآل زايد يازين سلومها
أشهد أنه موقف(ن) حرج والمبدا صعيب =مرتكاله كود ناس(ن) تشوق علومها
يوم بني البيت جو من بعيد ومن قريب =من حضر قدام ربعه فهو زيزومها
أذّن المذن وصفوا على صوت الخطيب =جعل قوم(ن) تذكر الله يسد ثلومها
باللوازم والمواجيب ماواحد يغيب =كل نفس(ن) تعرف الحق هذا يومها
لاغريب(ن) فالليالي وذا الموقف غريب =مامشوه الا الدواسر بقوّ عزومها
من تعزوى فالدواسر ظنونه ماتخيب =ينجلي همّه وعينه تهنّا نومها
كل رجلن فيه حنكه وله راس(ن) صليب =غاص فالغبّه وسود البحور يعومها
ارتكينا للشدايد وساعدنا النصيب =يوم بقعاء وجّهة يمنا بسهومها
بيّض الله وجه من هو على الداعي يجيب=عدّ ماتبدا الليالي وعد نجومها

 

الله يبــيض وجـــه غنيــم الخبـيش مليوووووون ...

وصح الله لســانه ، والطيـب يسـتاهل الممـديح

لاهنت يالغــالي ,,

 

”	المشاركة الأصلية كتبت بواسطة سعد بن عبدالله الله يبــيض وجـــه غنيــم الخبـيش مليوووووون ... وصح الله لســانه ، والطيـب يسـتاهل الممـديح لاهنت يالغــالي ,,

يستاهل أبوسعد بياض الوجه..
والله لايهينك..وشرّفني مرورك...

 

”

المشاركة الأصلية كتبت بواسطة الدبلوماسي هذه القصيده للشاعر /غنيم بن سعد الخبيش، قالها بعد تجمع قبيلة الدواسر وجمع مبلغ 25 مليون لأعتاق رقبة محمد بن فهد الصخابره، فأعجب بفعلهم وقال هذه الأبيات ياإله الكون ياللي على خلقك رقيب =قسمة الشعار خذنا خيار قسومها يالكريزي كل ماقلت عزّ الله امصيب=العوايد وآل زايد يازين سلومها أشهد أنه موقف(ن) حرج والمبدا صعيب =مرتكاله كود ناس(ن) تشوق علومها يوم بني البيت جو من بعيد ومن قريب =من حضر قدام ربعه فهو زيزومها أذّن المذن وصفوا على صوت الخطيب =جعل قوم(ن) تذكر الله يسد ثلومها باللوازم والمواجيب ماواحد يغيب =كل نفس(ن) تعرف الحق هذا يومها لاغريب(ن) فالليالي وذا الموقف غريب =مامشوه الا الدواسر بقوّ عزومها من تعزوى فالدواسر ظنونه ماتخيب =ينجلي همّه وعينه تهنّا نومها كل رجلن فيه حنكه وله راس(ن) صليب =غاص فالغبّه وسود البحور يعومها ارتكينا للشدايد وساعدنا النصيب =يوم بقعاء وجّهة يمنا بسهومها بيّض الله وجه من هو على الداعي يجيب=عدّ ماتبدا الليالي وعد نجومها

صح لسان أبوسعد قصيدة جزلة وفي قبيلة تستاهل المدح والتمجيد
أشكرك أخي الكريم الدبلوماسي على ماتتحفنا به من جميل المشاركات التي تبيض الوجه
بارك الله فيك وكثر الله من أمثالك

دمت برعاية رب العزة والجلال

 

”	المشاركة الأصلية كتبت بواسطة محمد القباني صح لسان أبوسعد قصيدة جزلة وفي قبيلة تستاهل المدح والتمجيد أشكرك أخي الكريم الدبلوماسي على ماتتحفنا به من جميل المشاركات التي تبيض الوجه بارك الله فيك وكثر الله من أمثالك دمت برعاية رب العزة والجلال

ماعليك زود أخوي أبو خالد..
والله لايهينك على مرورك الجميل المشرّف...