هبوب الشمال وأخطاء الرواه

كما قيل وما آفة الأحاديث الا رواتها

هذه القصيدة وقد غنت بعض أبياتها الفنانه الأردنية سميرة العسلي

قيل بأنها فلكلور أردني ونسبة لعدة أشخاص بينما هي

لرجل من ال روق قحطان يقال بأنه عبدالهادي

قالها عندما كانوا ال روق في شمال الجزيرة وقد يكون
هذا سبب تسميتها بالفلكلور الأردني

عديت في مرقب ٍ و الليـل ممسينـي = بديار غرب ٍ لعل السيل مـا جاهـا
اضحك مع اللي ضحك و الهم طاويني =طية شنون العرب لا قطـروا ماهـا
و راك ما تزعجيـن الدمـع ياعينـي =على هنوف ٍ جديد اللبـس يزهاهـا
هبت هبوب الشمال و بردها شينـيِ =ما تدفي النـار لـو حنـا شعمناهـا
ما يدفي الا حضن مريوشـة العينـي =و الى ظمينـا شربنـا مـن ثناياهـا
ياشبه و ضحـى فتـاة ٍ دلهـا زينـيِ = داجت على عقلة ٍ و الورد ما جاهـا
ياعل من شار بالفرقى عمـى العينـيِ = مخباط صمعا جليل الفخـذ يشظاهـا
جعله حسير ٍ كسير و راكبـه دينـي =و اتلى حلاله ذلـول ٍ راح يطلاهـا

ومنها بيت يقول

ياليتنا ما غزينا يالقحاطيني .=بديار كفر لعل السيل ما جاها

ومن الملاحظ بأن الشطر الثاني يشابه أحد شطور القصيدة



وأتمنى من من يعرف منا أي بيت إيراده

 

ومما قاله الرواه:



0

قيل ان قائل هذه الأبيات هو ( الدجيما ) وهو من أفراد قبيلة الثعاليه
من العضيان من الروقه من عتيبه .. ويقال انها لشاعر من العجمان
وزاد الشك بأنها لضويحي الهرشاني ويوجد فيها أختلاف


ويقول ضويحي الهرشاني :

عديت في مرقب ٍ و الليـل ممسينـي =بديار غرب ٍ لعل السيـل مـا جاهـا
اضحك مع اللي ضحك و الهم طاويني = طية شنون العرب لا قطـروا ماهـا
و راك ما تزعجين الدمـع ياعينـي =على هنوف ٍ جديـد اللبـس يزهاهـا
هبت هبوب الشمال و بردهـا شينـيِ =ما تدفي النـار لـو حنـا شعمناهـا
ياجعل من حيره يعطي عمى العينـي =تالي حلالـه رحـول بـس يطلاهـا
ياطير ياطيـر يارفـض الجناحينـي =ياللي بروس الهضاب الشقر مجناهـا
عينت لي باسفـل الديـرة وليفينـي =واحد تحـودر والاخـر زاد يقفاهـا
واحد لطيف الحشـا مبيسمـه زينـي =والثاني اللي يجـر القلـب بعراهـا

مع تحياتي

 

الأخت ريم السبيعي
حياك الله وافتقدنا مشاركتك في الفترة الاخيرة
عسى ان يكون المانع خير

اختي الكريمة اشكرك على الموضوع وعلى ايراد الأبيات
وتوضيح التشابه في ورود الأبيات في اكثر من قصيدة
ونسبتها الى اكثر من شاعر
وبأذن الله سوف ابحث وافيدك مع الأخوة القراء في حدود معرفتي
واتمنى من الأخوة الذين لديهم معرفة افادتنا عنها

 

الاخت ريم ,,, اذا ماخاب ضنى القصيده لضويحى الهرشانى , اعتقد انها له , بتأكد وارد . تقبلى تحياتى واحترامى .

 

الأخوة الكرام وجدت القصيدة منسوبة للشاعر عبدالهادي بن سعيد بن ثعلي الروقي العتيبي رحمه الله يقول فيها

عديت في مرقب والليل ممسينــــي = بديار غرب لعل السيل ماجاهـــــا
أضحك مع اللي ضحك والهم طاويني = طيت شنون العرب لاسربوا ماهــا
وراك ماتزعجين الدمع ياعينـــــــــــي = على هنوف جديد اللبس يزهــاها
هبت هبوب شمال وبردها شينــــي = ماتدفي النار لو حنا وقدنـــــــاهـا
مايدفي الا حشا مريوشة العينـــــــي = وإليا عطشنا شربنا من ثناياهـــا
أبو عيون اليا سلهم تناجينـــــــــــــي= ياقرد عين المشقا كيف يقواهـــا
ياشبه وضحا فتاة دلها زينــــــــــــــــي = داجت على عقلة والورد ماجــــاهــا
ياعل من شار بالفرقى عمى العينـــي = مخباط صمعا جليل الفخذ يشظاها
جعله حسير كسير وراكبه دينـــــــــي =وأتلى حلاله ذلول راح يطلاهـــــــــا

وفيها بيت او بيتين غير البيوت الي اوردتها الأخت ريم السبيعي

وقيل ان ترتيبها كمايلي

عديت في مرقب (ن) والليل ممسيني = بديار غرب لعل السيل ماجاها
اضحك مع الي ضحك والهم طاويني =طيه شنون الطلب وان قطروا ماها
وراك ماتزعجين الدمع يا عيني = على هنوف جديد اللبس يزهاها
هبت هبوب الشمال وبردها شيني = ماتدفي النار لو حنا شعلناها
ما يدفي الا حشى مريوشه العيني = وليا عطشنا شربنا من ثناياها
لعل من لامني يعطى عمى العيني = والا بشلفا جليل الفخذ يشظاها
عله فقير حقير وراكبه ديني = واتلا حلاله ذلول (ن) راح يطلاها

ايضا ذكر كتاب ديوان الأكابر ان القصيدة للشاعر المطيري عبدالله القريفة وذكر آخرون انها للشاعر الغنامي وذكر اخرون انها لدخيل الله الدجيما العضياني وقيل انها للشاعر ( عبدالهادي آل سهل ) رحمه الله .. ويستشهدون في ذلك بتشابه الأسلوب في النظم ..و انه عاش سنين طوال في شمال الجزيره العربيه مما جعل اهل الشمال يحفضون الكثير من قصائده ..وقيل انها للشاعر فهد بن عسكر ال سكبان ال ضاعن العجمي واولاده واحفاده يثبتون الشي هذا من كلامهم ومحتفضين بالقصيده
ولكن
القول القوي انها للشاعر عبد الهادي بن سعيد بن ثعلي الروقي ومما يستشهد به على صحة نسبها لا بن ثعلي انه شارك في عدة حروب مع الدوله العثمانيه في اواخرها ..واستشهدلك على ذلك انه وصل تركيا يوم يقول

ياهني ...... عن البرد في دار = ماذاقت الغربه وبرد الشمالي
ماحاربت روما عليهم كمندار= طوال الشوارب داقمين السبالي

والقصيده اطول ولكنها لاتحضرني.وهذا مايدل على انه عانا من برد الشام ... وهو غريب على الشام

والله اعلم وسلامتكم

 

مشكوره على المواضيع القيمه

 

شكرا لك يابن بداح
موضوع قيم ومناقشه اطيب
اشكرك على مساهمتك
في هذا الموضوع
ولي ملاحظه على توقيعك
اظن الابيات كما يلي

ياربعنا من شاف لي بداح = هو حاضر والشر غايب
مايمشي الا في يديه سلاح = والسيف شلاع الضرايب

هكذا رماح او سلاح يستقيم البيت والاحديه
المهم لك تقديري
حد الرهيف تحياتي لمشاركتك
ومساهمتك
ويازين الروض اللي انت جالس فيه
لك كل احتراماتي

 

”	ولي ملاحظه على توقيعك اظن الابيات كما يلي ياربعنا من شاف لي بداح = هو حاضر والشر غايب مايمشي الا في يديه سلاح = والسيف شلاع الضرايب هكذا رماح او سلاح يستقيم البيت والاحديه

اختي الكريمة هذا التوقيع من قصيدة قديمة جدا لها اكثر من 120 سنه قيلت في جدي غفرالله له ويبدو انها من القصائد التي تكون مقفاه في عجز البيت فقط ولي ملاحظة (ياربعنا من شاف لي بداح) اضفتي لي وهذا يكسر البيت ويختل وزنه والصحيح هو كما كان (ياربعنا من شاف بداح)
شاكرا لك ملاحظتك ولك مني كل تقدير على مساهماتك ومشاركاتك

 

”

المشاركة الأصلية كتبت بواسطة ريم السبيعي شكرا لك يابن بداح موضوع قيم ومناقشه اطيب اشكرك على مساهمتك في هذا الموضوع ولي ملاحظه على توقيعك اظن الابيات كما يلي ياربعنا من شاف لي بداح = هو حاضر والشر غايب مايمشي الا في يديه سلاح = والسيف شلاع الضرايب هكذا رماح او سلاح يستقيم البيت والاحديه المهم لك تقديري حد الرهيف تحياتي لمشاركتك ومساهمتك ويازين الروض اللي انت جالس فيه لك كل احتراماتي

مرحبا أختي القديرة ريم
مشاركة رائعة وهذه القصيدة كما تفضلتي غنيت من كذا فنان
وللأمانة كثر الحديث عن من قائلها ونسبت لكم شاعر ولكن بقيت محفورة في الأذهان
لدى المتلقي كنت أتمنى أن أجد الإجابة ولكن أعتذر عن معرفة قائلها
أما بالنسبة لموضوع توقيع ولد بداح والأبيات المدونة به من وجهة نظر خاصة أعتقد أنه لا غبار عليها
وهي موزونة والله أعلم
تقبلي تحياتي وتقديري

 

انا اقول انها غير موزونه
وش رايك يامحمد
في الشطر الاول
انت شاعر متميز
لك اللحن والقافيه

 

الأخت ريم ارجو ان تلاحظي الشدة المفتوحة على اخر صدر البيت الاول
قد تكوني نطقتي بداح وهي بدٌاح

 

تحياتي لك
ياولد بدّاح
وكل المشاركين في هذا الموضوع

 

رائعه يالسبيعيه
موضوع قيم وابيات جيده
مشكوووووره

 

شكرا لك يامتابع نت
مرورك اعتز به لك تقديري