القصه بإختصار شديد جداً ..
كانت أم الشباب جالسه تتصفح الإنترنت
.. وطبعاً الماسنجر شغال .. وفجأه جاتها رساله عباره عن إضافه
على طوووووووول ما كذبت خبر , و إختارت (( مواااااااافق ))
ويطلع لها واحد لزقه
الظاهر ساكن في مقهى إنترنت وكل يوم نفس السؤال تسأله
من وين جبت إيميلي ؟؟
ويقول لها : وصلني عن طريق إيميل من إيميل
و ماصدقته وكل يوم تتطاق هي وياه : قولي من إللي مرسلتك علي ؟
وهو يحلف : والله محد أرسلني يابنت الناس وعلى هالحاله كل يوم ...
طبعاً هي تقدر تصلح له بلوك بس ماتبي .. ليش ما أدري .. هذا إلي قاهرني !!
بعدها بفتره حست بالملل من تكرار نفس الطريقه معاه وقالت ليه ما أشوف وش وراه ؟؟
وردت عليه السلام لإن بالعاده كل يوم هو يسلم وهي تطنش !!
على فكره .. أنا مايقهرني إلا إذا أضافني واحد ودخل بدون مايسلم وعلى طول مين معاي ؟؟
المهم مع الوقت إكتشفت إنه ولد أخلاقه عاليه ومحترم لآخر درجة
صارت هي وياه سوالف كل يوم وأنواع الهبال وصار يعرف عنها كل شي حتى إسمها ورقم فنيلة أخوها
ويوم من الأيام اختفى عن الماسنجر وماجاء ؟
غريبه وينه مو من عوايده .. هو عليه شبكة عنكبوت من كثر ماهو مرابط على الجهاز !!
وبعدين ماعطاها خبر إنه بيسافر أو بيغيب لظرف !!
بعد فتره طلع لها على الماسنجر وقال : أنا كنت تعباان وماقدرت أفتح النت ..
قالت له البنت : وليه ماحاولت ترسل لي ؟.. أنا تعبت من التفكير وقامت الهواجيس تلعب براسي ..
قال: تبين الصدق يابنت الناس ؟
قالت: أكيد ؟
قال: أنا كنت أبغى أشوف غلاتي عندك وأنتي بتفتقديني أو لا ؟
البنت ضاق صدرها من طريقة تفكيره ...
وقالت : ماتوقعتك كذا تستهبلني ..
وزعلت عليه وهو يراضيها ويحلف لها أنه يحبها ومو قصده يزعلها
وحتى إنه ناوي يتقدم لها
طارت البنت من الفرحه يوم درت أنه بيتزوجها ..
بس قال لها : أنا عندي مشكله ؟
قالت : شنهي ؟
قال : شلون أقول لأمي عنك ؟
خايف تسألني شلون عرفتها ومنهي بنته ؟ وقتها شلون أتصرف ؟ ..
قامت تفكر وتعصر مخها وقالت : مافيه إلا إني أتعرف عليها شخصياً إلين أخليها تعجب فيني وهي بنفسها اللي تخطبني لك
قاموا يفكرون شلون تتعرف على أمه ؟
طرى على بالها أن أبوها وأمها بيحجون هذي السنه
قالت : وش رايك تودي أمك للحج بنفس الحمله اللي بيروحون فيها أهلي وأنا أبـ أقنع أهلي إنهم ياخذوني معاهم ....؟
ومن يومها وهي تحن على أهلها أبغى أحج معكم .. أبغى أروح .. مالي شغل .. أبغى ..؟
قالوا لها : ماعندنا مانع والحج فريضه على كل مسلم وودنا إنك تروحين وتقضين فرضك
إنبسطت وقالت له : إن أهلها بيخذوها للحج معهم والدور عليه ألحين عشان يخلي أمه تروح للحج
وأول ماوصلوا لمكه وهي تتشوف لها في السكن اللي هم ساكنين فيه وكل وقت وكل صلاه وهي جنبها وبالليل تساعدها بقراءة الدعاء... ولما جاء يوم عرفه راحت تجمع لها الحصى وتقول لها هذا الحصاه أكبر وتعور إبليس وتعطيها .. ولما راحوا يرجمون كانت معها بكل خطوه من خطواتها .. ولما جاء آخر يوم من أيام الحج وكانوا بيطوفون الوداع راحت تسلم عليها وتحضنها وتقول لها والله إني أحبك زي أمي وإني أرتحتلك ياخاله وتهل من دموع التماسيح ..
وراحوا للمطار عشان يرجعون لديرتهم ..
ولما وصلوا أستقبل الولد أمه وأبوه من المطار وقعد يسئلهم عن حجهم وعسى ماتعبتوا ومن هذا الكلام
وبعدها قال : يمه عسى إرتحتي بحجك ؟
قالت ياولدي والله إنه أحسن حج ذا السنه الله يخليك لنا
قال : عسى الناس اللي معك طيبين وإرتحتي لهم ؟
قالت : والله ماعليهم خلاف .. ناس أجاويد
بس والله ماضّيق صدري إلا بنت كانت معنا نشبت بحلقي هناك
الله يعيين اللي بياخدها
ههههههههههههههههههههه تحطيييييييييم ههههههههههههههههههههه
مين اعطاك ايميلي؟؟
العرض العادي
