موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة عـذب الكـلام

عـذب الكـلام شعر , خواطر , نثر

في مامضى يوم المجالس لها صيت


 
 
أدوات الموضوع انواع عرض الموضوع
قديم 06-04-2012, 09:03 AM   رقم المشاركة : 1
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

في مامضى يوم المجالس لها صيت




البارحه في راس مرجوم عدّيت=عدّيت في راسٍ طويلٍ هيالي
أشرفت يوم أني براسه تواسيت=أقنعت بالدنيا بشيٍ جرالي
هاضت علي هموم قلبي وغنّيت=سبايب اللي ما لطبعه عدالي
هذا زمان مشتت الشمل تشتيت=راحت مسرّاته ولا له توالي
متغيّرٍ وقته إليا أصبحت وأمسيت=إليا عطا قافي فلا له قبالي
في ما مضى يوم المجالس لها صيت=عَتْمه وكيفٍ في جديد الدلالي
حيث إنها مدهال لقبلت وأقفيت=مشرَّعٍ الباب دب الليالي
وإن غبت لو يومٍ عليهم تباطيت=تشوف ترحيبٍ وتنشيد حالي
واليوم عن جمعا التوالين عفّيت=بين العرب كني وحيدٍ لحالي
لا صار فيها ريح تتنٍ وكبريت=عقب السمر والرمث ريحه يلالي
مابه سوالف غير فن التواليت=سوالفٍ ما بين قيلٍ وقالي
مجالسٍ دفنت برمل السواريت=راحت وتوصف مثل وصف الخيالي
إليا طرت لي في كرى النوم فزّيت=مجالس الشيبان صارت أطلالي

لا من جلست بمجلسي ما تعدّيت=أثر الصديق اليوم جمع الريالي
كم واحدٍ لا هوب حيٍ ولا ميت=ما حط فرقٍ فالحرام وحلالي
تقول خبلٍ مير بالمال عفريت=مجالسه للبوم وسطه تلالي
إن جا لزومه جاك ينشد عن البيت=يجيك لو إنك عسير المنالي
وإليا قضى لازمْه ما عنّه أوحيت=يغيب غيبة من على الكون زالي
بصبر ولو إني بصبري تماديت=الوقت ما يمشي على كيف بالي
صلاة ربي عد ما شعشع الليت=على النبي ما مال فيّ الظلالي

الشاعر عبدالعزيز بن محمد العنقري

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس
 


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

 

الساعة الآن 06:56 PM.



Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved