بسـ ¦♥¦ ـــم الله الرحمـ ¦♥¦ ـــن الرحـيــ ¦♥¦ ـــم
¦♥¦ السلامـ عليكمـ ورحمـ هـ اللـ هـ وبركاتـ هـ ¦♥¦
يالله عسـى نـوٍ دعانـي رفيـفـه
شوفه يزيل الهـم ويسـر الأعيـان
ينثـر هماليلـه ويـرزم رزيـفـه
ويسقي ثرى دار الشيـوخ النهيـان
دارٍ لهـا بيـن الضلـوع النحيفـه
حب وغلا وإحساس شاعر ووجدان
من حب شيخ المجد درعه وسيفـه
زايد عسى له جنة الخلـد مسكـان
يزورنـي ف كـل الأوقـات طيفـه
واقول ياربـي تجازيـه الأحسـان
وياعـلّ عيـنٍ مابكتلـه كفيـفـه
وياعـلّ قلـبٍ ماحزنلـه للأحـزان
واليوم في عهد الخليفـه .. خليفـه
ورث الندى فرز الوغى طير حوران
يرقى بمجد ابـوه مجـد ويضيفـه
وزاد البلد نهظه وزاد العرب شـان
فارس وفيديـه المراجـل عسيفـه
مثل الفرس فيدين شالـح وراكـان
واثقل حمول الناس عنـده خفيفـه
ياقـوم ياحمـلٍ يشيلـه بليـهـان
هذا وانا شاعـر وروحـي ظريفـه
وارقى جبل ماأرقى على قرن شيطان
(وسوالفي عند النشامـا طريفـه )
شطرٍ شربته لأبيض الوجه فجحـان
ولي لابةٍ يـوم السنيـن المخيفـه
امجادهم لكتـاب الأمجـاد عنـوان
وبيوتهـم مثـل الجبـال المنيفـه
وإديارهم من بـاب مكـه لدسمـان
مطير ربعـي عيـد قلبـي وريفـه
وكل القبايل كفو من غيـر حقـران
كيفي سعـودي والسعـودي بكيفـه
من شعب ابو متعب طليقين الأيمـان
فينا كـرم حاتـم وتقـوى حذيفـه
وفي دارنا ختـم النبـوه والأديـان
ونفوسنا من فضـل ربـي عفيفـه
وقلوبنـا مليانـةٍ صـدق وإيمـان
ورجالنـا لويذبـح ابنـه لضيفـه
اسهل من إنه يرجع الضيف جوعان
ولي بالكويت اهل ومكان ووظيفـه
وربع وبني عـم وحبايـب وخـلان
واعشق قطر عشق الوليف لوليفـه
واغلي هل البحرين واغلي هل عمان
كنـي مقسـم بينهـم بالنصيـفـه
وإلا إن ذاتي ناس في هيئة انسـان
ومن ربعي الشعار ما أوجست خيفه
لأنا تجمعنـا علـى عـزّ وإخـوان
اهـم شـي منافستـنـا شريـفـه
واللي اهم ماينظلم كان مـن كـان
وإلا اللقـب ماجيـت ادور وصيفـه
وأن ماحصل ماني على شي ندمـان
يكفي وصلت اليا القلـوب النظيفـه
جمهور من كل القبايـل والأوطـان
الله يعـز الـدولـه المستضيـفـه
ويعـز ابوخالـد سلايـل كحيـلان
مشكـور يـاراع اليميـن الذريفـه
لأنك جمعت قلوب وعقـول وابـدان
ومشكور ياشعب الخليفـه.. خليفـه
ياللـي مقادمكـم محمـد وحمـدان
العرض العادي
