أنا بـدوي واحب طاري البداوه =يامعذربين البدو مافيكم إحساس
قالو بـدو قلت الصفى والنقاواه =يازين شوفتهم على الضوء جلاس
قالو بـدو قلـت اـلكرم والنخاوه =وأفعالهم فى ذمتى ترفع الراس
قــالـو بـدو والـبر فيـه الشقاوه =قلت الوناسه عندهم فوق الاطعاس
قالو بدو ونشوف فيهم قساوه =قلت الخشونه يامعذرب لهم ساس
ابن البداوه صلف ما به رخاوه =اليا زهمته جاك ماهوب يحتاس
بينه وبين الاش حرب وعداوه =وحلفه مع أهل الطيب والاش ينداس
شف لك من البدوان واحد وخاوه =حتى تفرق بين مطلق وعباس
وان كان ما صدقت عالج وداوه =قلبك مريض وفيه حقد ٍ وسواس
فى مجلس البدوان تلقا حفاوه =وترحيبهم لضيوفهم ماله اقياس
يقدمون الطيب من عود جاوه =في سلمهم طيب ومعزه ونوماس
هذي فقط نبذه عن أهل البداوه =حبيت اوصلها لاجل تاصل الناس
العرض الشجري
