ياشينها لاطاح دمـع الأكـابـر
ياهي كبيره في عيون العصافير
هذا الزمن بعيون الأيتام غابر
وفي عين من عاش الترف . هالزمن غـير
ياللي طعونك تقتلك لاتكابـر
لاتعتذر مليت كذب المـعـاذير
شفني وتعرف كيف لاقيل صابـر
شفني وتعرف وش تعني مقاديـر
أضحك وفيني للمواجع مقـابـر
أبكي وضحكي ذنب والدمع تكفيـر
أكتب و دمعي صار حبر المحابر
ويخون في صدري . للأوجاع تعـبير
أنـا أنـا على مثل منت خابـر
بس الزمن له بأكثر الخلق تأثـير
عابر شمالي شح بي وقت عـابـر
واشح بدموعي عن الناس ياميـر
أهمس و صوتي تشتهـيه المنابـر
ويضج صدري طعنتين ومساميـر
الحب لابو الحب مقطوع دابـر
ماهي قضية. خنجرين ومخاسـير
شي إنكسر ماله مع الوقت جابـر
وخل الجروح اللي بصدري مسايير
ماقلت لك هالحزن فيني مثابر
وصدري قفص حزني وقلبي به الطير
بالله قل لي كيف ودك أكابـر
كيف أعتذر و أحكي عن الدمع تبرير
ماقلت لك لاطاح دمع الأكابـر
ياهي كبيره في عيون العصافير
مما راق لي
العرض الشجري
