وصلتني هذه القصيدة عبر الخاص من أحد أعضاء هذا المنتدى بارك الله فيه وأشكره على ذلك
القصيدة والأبيات الآتيه للشاعر القدير علي بن سلطان الضويحي السهلي (عضو معنا )
أخونا الشاعر علي أراد أن يهدي قصيدته لأهل المنتدى خاصة ولجميع أبناء القبابنة
وهي غير مستغربه منه فهو بحق من الشعراء المرموقين الذين لهم اسهامات كبيرة
في مجال الشعر ونحن بدورنا نيابة عن أعضاء المنتدى وعن رجال وأبناء القبابنة
نشكره الشكر الجزيل وبيض الله وجهه على هذه القصيدة
ياسلامي ياهل المنتدى نسل الكرام=يارجال ٍ تفتخر في فعول جدودها
كل قباني لزوم ٍ يشارك بإنتظام=مع بني عمه علوم الرجال يقودها
للتواصل والتفاهم نبي شغل ٍ تمام=سالفه وإلا قصيدة يبين قودها
عن بني قبان من قال حجه مايلام=لابة ٍ دايم تنومس فعول فهودها
اكتبو واقروا وجيبوا لنا زين الكلام=واقطفوا بين البساتين زين ورودها
واحذروا ياربعنا من طريق الإنهزام=وانبذوا ناس ٍ يزيد الحسد بكبودها
التحيز بين الأنساب مبدىء للخصام=والتحالف بالقبايل يزيد بدودها
نحمد الله راح وقت الجهل والإنقسام=عايشين بعز بسهودها ومهودها
يوم حفظ الأمن برجال الوطن طاب المنام=اهتنت نفس المواطن وزاد ركودها
وفاخرت كل القبايل بماضيها دوام=كل قوم ٍ تذكر فعولها وعدودها
في بلدنا الحمد لله شرع الله يقام=حفظت الأعراض والأمن دوم يسودها
ماعلينا لو تحاول خفافيش الظلام=شلة ٍ بان المرض والجرب بجلودها
شلة التكفير والشر ............ =لا حد ٍ ينغر بأفعالها ووعودها
السعودي دوم مرفوع رأسه مايضام=في ذرى آل سـعـود زيزومها وسعودها
دولة ٍ تحكم بشرع الله وضبط النظام=نوّرت بالعلم سادت بفعل اسودها
واختم الموضوع بأفضل صلاة وسلام=للنبي شفيع الأمة نهار ورودها
العرض الشجري
