حلم عاشق نجد

صباحــكــم موليــنـكــس يحسبه اكله حلوه

يالله انك تحيي من زار وكثــر
من زار وخفف في البيــت
بس هنا نحب من زار وكثــر

شوفو .. هي وحده من الثنتين
يا انكم ترحبون بـــي
يا انكم تقرون الموضوع
يا انكم لاحد يحش فين <<<<< بوه مترجم بالله

-------------------------------------
---------------------------------
----------------------------
------------------------
-----------------
------------
--------
-----
--
-

هذا الله يسلمن ويسلمكم موضوعن لكم عليه
عندما تــتــعلق فيــك خالتن من الخوال ..
فانك عز الله رحــت في خرايطها ان لم يكن في خراطيشها
المهم مرتن من المراريــت وانا على الهايلوكس
رحت لسوق الهــرم ابشتري ترنق <<< عليك سوق صراحه شخصـيه والله من زين الشكل وإنت مشخص بالترنق يا( عاشق نجد ) :a042:
ايه تعرفون ( عاشق نجد ) ما يشتري الا من الهرم او سوق حجاب
الناس مقاماات و يا حبيلي وانا طاقن الشوورت المشجـر
هو انا دخلت مع الباب ولا ما دخلت
الا تجيني هذيك اللي حاطه مناكيــر في براطمها ..

^
^
المذكوره حينما رأتــني لأول وهله حلوه صح لأول وهله
طاح الطشــت من كثرة ما خقــت معي
وتقعد تناظرن وتبقق بي صفقونن إن عرف معناها ولد امير الشمل
الزبدة
معها جوال العنيد وتقولي ارسل ركــم بلوتوث
وانا مبقق عيوني بوجهها :a046:

وشو ركــم بلوتوث
قالت ركم جوال

عاد انا اول مره في حياتي تجينن وحده تخقخق معي
بس يوم قعدت افكر فيها
الا وإن وزنها عشرين الف كيلو
وطولها مترين
قلت يا عاشق نجد هذي بتصير عندها وجبــة طفــل
قلت شوفـــي يا بنت الاجاويد حلوه بنت الاجاويد

قلت انا ما اواديك ما اواديك ما اواديك
ولا احبك
ناظرتن وقالت لي
ياخي تكلم عربــي حتى التكرونيه تتريــق علــي
واطلع لها هاك الخاتم اللي يوقع عليه الارنب واسوي نفسي تقل مرتبط
قلت صراحه يا كوينيه انا مرتبط حلوه كوينيه صفقونن إن عرفها ولد امير الشمل
قالت مرتبط وإلا جزء من النص مفقود <<< حتى التكرونيه قامت تذب علي :a045:
قالت شف يا شبــيــه المنتشري
انا اذا هبــيــت واهــد .. خلاص اخــق معه بكل قوتي
وصراهــه صراهـــه صراهــه .. انا هبــيتـك ورهـــت في خرايطها معــك
ومستهـــيــل اتخلى عنــك لهــظه وهــده ..
بلعت ريقي وقلت يا والله اللي رحنا فيها
وش موقفي قدام العيال واهل الإستراحة الربدي وشلته
وش موقفي قدام الامم المتحده
وش اقولهم لي قالولي ورنا صورة خويتــك :a116:
ارز صورة هالركــبه ذي ..
لا مستحــيــل :a046:
نـــو وي
ايزي نت يسمع بالانجليزي على بالي مطقطق انجليزي ثانوي ومقبول :e0025:
والتــفــت يميــن يسااار
ابي النحشه
وما امدان اعــط الا هالطشت اللي جاين في وجهــي
وافــز فزت الهايلوكس كذا واناظر
الا الوالده تناظرن وتقولي قــــم صـــل جعلك الصــل
تراك موذينا انت ويا وجهــك هاللي كنه وجه بربري حتى الوالده تذب علي
واناظر امــي .. قلت يمه يعني انا كنت احلم
قالت وش قاعد تقول ووش تبربس يامال الطحينيه اللي تلعب في وجهك
وانط من الفرحه واخمها واحب رويسها ..
وتناظرن ولسان حالها يقول
قم تروش انت ويا ريحتــك المخيــســه
والحمد لله طلــع حلـــــــــم :n065:
كل هالزحمة طلعت حلم
عاشق نجد

 

اضحك الله سنك يا عاشق نجد
وين تجيب هالسوالف......سم بالله واقدع من رطب القصيم(السكري) وتقهو قهوتنا اللي خابرينها وخل عنك القهاوي الثانيه.....أمزح معك(أمون)

لادقبان

 

الله يرجك ياشيخ والله انك رهيب
صرت مثل الهليل اول ماشوف في جريدة الرياض كريكاتيره ( عساك تفهما )
الحقيقة ياعاشق نجد اسلوبك شيق وطرحك من النوع الهزلي المرغوب فيه
بالتوفيق والحقيقة ينتظرك مستقبل بس لاتكبر علينا وعلى الهايلوكس
الا على طريا الهايلوكس ماعمرك ركبت بعير معك مثل ولدامير الشمل

 

هههههههههههههههههههههههه

بسم الله عليك ياعـــاشق نجـــد

نصيحـــه لك قلـل من الدوران ولاتكثر من اكـــل الكليجــــا والمراصيـــــع

 

هلا باليمون
قصدي باللي يمون
لاد قبان الله مير يسلمن ويسلمك
ضحكة ضروسي ياشيخ
مرورك به طعم البرحي

 

ولد بداح
وش بكم على الرجه انت الله يرجك ياشيخ
وولد امير الشمل الله يرجك رجة صميلن
الدعوى بها رجه
الله مير يسلمن ويسلمك
انت ارهب
هالحين اقول هايلوكس غمارتين ( يعني مابه صندوق )
ماهي مثل هايلوكس ولد امير الشمل غمارة وحدة ومكيّف
بالله وين احط البعير فيه
اركبه على يمناي واخليه يفتح القزاز ويطق اللطمه على شان مابه مكيف :c040:

 

عاشق نجد

ههههههههههههههههههههههههههههههه

الله ياخذ عمرك انت وسوالفك هاالمحق اتصدق انني يـوم قريت حلمك نقت عليك اول شي احسبك متحلم في خالتك
اشوي للي جالسن جنبي ايهبدني علا اظهري ويقول لعنبوك انت ضايع وضايع دليلك قلت له ليش,,,,,,,
قال يامهبول الرجال متحلمن في قينه قلت وشهو قال كمل الحلم وتفهمه والله يوم كملت الحلم ونا طيح على اظهري فاطسن من الظحك وعيوني متغورقه من الدموع اتصدق اني ابى اعلف الغنم وماقدرت من الضحك حسبي الله عليك ذاك اليوم
تراك صادق الكلام الي قلته مافهمته لا انا ولا الي جالسن معي الى بنشدك الخقحقه ياالله اني كتبته وش هي وصفقن وبقبق
عندي رمعه في الخقحقه هي مثل قولت فلان ذرق لاحصل هوشه
بعدين الربع وشفيهم شايلين علا موتري ماتقولي

 

العروان
الله مير يسلمن ويسلمك
وشبك تسمي شايفن جني
وبعدين ماناب ادور كثير من الرياض للقصيم بس
بالله هذا دوران بعيونك
وشبه الكليجا والمراصيع هذي ياوخييي
اكله ماهنا احسن منه
وإلا تبي من كبسات ولد امير الشمل
الله يرجك رجت صميلن :c040:

 

عاشق نجد
تمنياتي لك بأحلام سعيدة
مشكور على المشاركة

 

تراها حلوم ليل ياعاشق نجد , وحلوم الليل انت عارف ؟هه هه هه ,,, على القوه

 

إخوتي
ولد أمير الشمل محمد القباني حد الرهيف
الله مير يسلمن ويسلمكم
مامعي لياقة من شان أحط كل واحد بصفحة وسامحونن والله إنه
ماعليكم زود شرفتونن بحضوركم