هبت رياح الصيف وتغير الجو=وانا وليفي مايداني سمومه
( ماعليش اسمحوا لي داخل جو مع عزازي )
الله يرحمك ياعيسى الإحسائي
هذا الله يسلمن ويسلمكم
يوم في حياة عاشق نجد مع شلة الأنس الأفاضل
مناحي : السوااق وحاصل على درجة دكتوراه في النصب
عويد : راعي سوالف صدقيه ورجالـن تكانه ( ماعليك زود ياعاشق نجد )
وليد : هذا رايح غلطه بيننا
عاشق نجد : محدثكم من خلف الشاشه ( مشكلللللة التواضع )
المهم والزبدة ياطويلين العمر ايام كنت بزر بالمدرسه :a02010:
(على طريا المدرسه هو لحد الان فيه ناس تدرس بالمدرسه خخخخخخخخخخ )
تحطييييم :c040:
نسيت اني متخرج بمقبول من الثانوي يالله لك الحمد بس مالقيت وظيفة
نرجع لمحور حديثنا .. تعرفت على هالحلوين المذكوره اساميهم باعلاه جمعتنا المحبه والاخوه الكاذبه
والدجه وقرادة الحظ كنا ثنين وعشرين ساعه مع بعض وساعتين اقضيهم لحالي لمحاسبة نفسي ( لايروح فكركم بعيييد ) محاسبة نفسي عندي يعني اشووف وش سويت مقالب اليوم وش سويت طعات على قولت الدشير ومادامنا بمحاسبة النفس طرت لي نكته يقول هذا فيه واحد يسال محشش انت دايم تحاسب نفسك ؟؟
قال بعض المرات احاسبها وبعض المرات قطه :c040:
وين وصلنا ايه وكنا قراااب مع بعض لدرجه انا مفصلين ثوب نلبسه كلنا علشان ماتفرقنا الظروف
بيوم من الايام اتفقنا انا نطلع كشته للبر يوم الخميس ووزعنا الاغراض على بعض
انت يامناحي عليك السيارة والبنزين
وانت ياعويد عليك الفصفص والحطب
وانت ياوليد عليك الخيمه والذبيحه والعزبه وكل شيء ننساه انت تذكره وتجيبه ماقال لكم عاشق نجد إن وليد رايح غلطه بيننا
وانا اعوذ بالله من الشيطان الرجيم من كلمة انا علي قطة الوجه
جت ليلة الخميس - مدري كيف يحسبونها يعني يوم الربوع بالليل للي مافهم وخاصة ( ولد امير الشمل هو وبعراته اللي معه بالصندوق ) وتجهزت للطلعة اللي كانت طبعا غير على وزن ( جدة غير ) علشانها اول طلعة بر لحالي بدون اهلي وانا اللي اجهز لك الملابس والفروه والعلوم السنعه مابي البرد يدخلن لبست لبسن صرت ضد الرصاص مهوب البرد وبس
المهم مع صلاة الفجر وانا جاهز وماخذت شوي الا مناحي يدق علي دقه ويفصل ( مشكلة بطاقات سوا ) وين الاتصالات النايمة المهم لا يكثر نرجع لموضوعنا
دقة من مناحي ويفصل هذا معناها بيننا يعني اطلع تراي برا ( الشفرة ) وانا اللي افز فزت الهايلوكس واطلع الا والشباب كلهم جاهزين وجايبين ذاك الخروووف اللي وش تقول كنه بعير من بعيرات ( ولد امير الشمل ) من كبره واركب معهم وننطلق وياويلك يالبر وماجت ساعه ونص الا حنا بالموقع على بعد 250 كيلو عن الديره ( شمال نفود الثويرات ) ماهو بصاحي مناحي مخلي الشاص لومينا :c040:
يوم نزلنا الا الساعه سبع ونص وثلاثه وثلاثين ثانيه علشان تدخلون جو مع القصه وننزل الاغراض ونبدا بالخيمه وجلسنا لين الساعه احدعش وحنا ماخلصنا اخر شيء سوينا اجتماع عاجل ( لوقف الحرب على لبنان ) وشلون نبني الخيمه احد يقول نرجع احسن والثاني يقول مامعكم كاتالوج لها وتجي على بالي فكره جهنيمه انما ايه وهي ندور بدو حولنا من ربع ( ولد امير الشمل ) ونتسلف منهم كم واحد يبنون لنا الخيمه
وماصدقنا خبر قمنا نفر حوالينا على الهايلوكس ( في دمي الهايلوكس ) داخله غلط قصدي على الشاص حق مناحي لين طحنا بناس نشاما يوم وصلنا لهم قال عويد خلوهم انا ابتفاهم معهم قلنا خلاص بس لاتفشلنا جبها باسلوب وندخل عليهم ويرحبون ويهلون فينا ونجلس ببيت الشعر اللي وش زينه ويصبون لنا القهوه وبحركه سريعه يشر لنا عويد يعني لاتشربون القهوه انا ووليد نزلنا الفناجيل والكمخه مناحي قعد يشرب وش هالثور ذا اللي خرب الخطه وماصار لنا مجال نشرب حتى حنا القهوه ورضخنا للامر الواقع وشربنا فناجيلنا بكل دلاخه واشر لعويد يعني شف لنا خطه غيرها ومادريت الا عويد ينقز قدام الشيخ ويقعد ويقول : ياقاضي ياقاضينا ياللي بالحق ترضينا جيتك هدي قدي وافلح من صلى على النبي ( بالغصب حفظتها )
قال الشيخ وش عندك ياخو العرب قال نبي فزعتكم ويخبط الشيخ على صدره مثل طرزان ويقول ابشر بعزك كم تبي فارس يروحون معك قال عويد : ثنين يكفون
ناظر لنا الشيخ مثل اللي يقول انه متحسف على هالفزعه
المهم ركبوا معنا هالفرسان صرنا ست اشخاص بغماره وحده كيف مدري :c040: ويستلمهم مناحي طول الطريق نصب
مره يقول انه هو اللي اغتال جون كندي ومره يقول انه صاحب بنك البلاد وخذ من هالسوالف وهم على نياتهم مصدقين
مالكم بالطويله ... وصلنا لموقعنا وساعدونا بنصب الخيمه ويوم خلصوا عطيناهم عشرة أريل وقلنا ارجعوا بتكسي ( نذاله ) وجلسنا بالخيمه ووناسه ولعب بلايستيشن وفله على الاخر ويوم صلينا الظهر ويقوم وليد ويقشر الخروف ونصلي العصر لاحظوا الوقت يمر بسرعه ومع مغيب الشمس والغداء جاهز ولاتسالوني عن الغداء غمضت عيوني وقعدت اكل (علشان مااتذكر اللي اكلته اذا كبرت ) وبعد العشاء
( فاصل ونواصل )
تصدقون اني تعبت من الكتابه :a02010:
مابقى الا انا ووليد ومناحي صاحين جسدا ونايمين الله من الدلاخة
ويقعد مناحي يسولف لنا ايام كان بلبنان ويقول ياعيال ياهناك طبيعه وناس تقل برا السعوديه ويذكر بطولاته وصولاته وجولاته بارض لبنان لين قضت فلوسه
ورجعوه بطايرة شحن :c040:
وخذ من هالسوالف لين داخت روسنا زياااده واذ بالنوم يتسلل الي ويخطفني ( من زينك ياعاشق نجد ) وادخل في ذاك السبااات الطوووووووويل ...
وانا في عز النومه واحس فيه شيء قاعد يلعب بشعري باصابعه (وائل كفوري على غفله ) قلت هذا المخرج يبيني اكتبها كذا وهذاك اخر خبري بالبر ماصحيت الا ببيتنا يوم سألت اهلي وش اللي صار قالوا مالقون الا بعد اسبوعين متعدي اليمن وطايح وحرمت بعدها اني اطلع للبر مره ثانيه ايه اضحك يا ( ولد امير الشمل ) هذا يومك تتطنز على اوخييك
عاشق نجد
The End
:c040:
العرض العادي
