مقياضنا من جال طلحاء إلى الغيل

يا ديرة الأمجاد بشراك بالسيل=سقاك ربي من حقوق الخيالي
رب ٍ كريم ٍ يوفي الكيل بالكيل=الواحد المعبود محصي الرمالي
فيض المشاعر بالقوافي عن الميل=غب المطر في جو طلحاء صفالي
ديرة بني قبان ذباحة الحيل=أهل العلوم الوافيات الجزالي
حنا قمرها في الدجى لا أظلم الليل=هي أمنا هي ظلنا والظلالي
ديرة بني قبان جيل ٍ بعد جيل=اللي حموها وأرخصوا كل غالي
تشفيك فزعتهم على ضمّر الخيل=فوق المهار المكرمات الغوالي
يوم الوغاء يردون ورد المغاليل=حريبهم يسقوه سم ٍ زلالي
من كان جرب حربهم يشكي الويل=ما عاد ميّز بين مر ٍ وحالي
مقياضنا من جال طلحاء إلى الغيل=ومرباعنا معروف بأقصى الشمالي
أقولها ومنزل الحق تنزيل=أمدح بني عمي وهم رأس مالي
طيب القبايل حق من غير تظليل=وبطيبهم نفخر ونرقى المعالي
وصلاة ربي عد ما قايل ٍ قيل=على نبي الحق أول وتالي

الشاعر / عفاس بن سعد بن عمير القباني