يبقى الغلا لو فرقتنا المشاريه

يبقى الغـــلا لو فرقتنا المشاريه=والشرهة اللي بالخواطر تروحي
كل يعاتب بعض الأحيان غـاليه=والحب يبقى فوق كل الجروحي
الحب لو شانت علينا ليالــــــيه=نصـبــر وفي سر الغـــلا مانبوحي
طبع الوفا بقلوبنا ما نخــــــــــــــليه=يسري بروحـــه مثل ماهو بروحي
حبي على باله ولو كنت جافيـه=وهو على بالي وحبه طـــموحي
قلبي ولو صديت وابعدت بيــديه=وبنظرتي شوق اللقاء له وضوحي

الشاعر المبدع / سليمان السلامه

 

ابيات معبرة جدا
احيانا يابوخالد قد يقول غيرك ماتريد ان تقوله انت
ولكنك تعجز عن التعبير عنه
تسلم يالغالي وماقصرت

 

صح لسانك يابو خالد ولسان الشاعر

 

”	المشاركة الأصلية كتبت بواسطة ولد بداح ابيات معبرة جدا احيانا يابوخالد قد يقول غيرك ماتريد ان تقوله انت ولكنك تعجز عن التعبير عنه تسلم يالغالي وماقصرت

صحيح ولد بداح كلامك من ذهب يعطيك العافية على المرور

 

صح بدنك العروان

 

حبي على باله ولو كنت جافيـه
وهو على بالي وحبـه طموحـي

رائع سليمان
وشكرا يامحمد

 

صح لسانك ولسان الشاعر ,, مع الشكر بوخالد .

 

كل يعاتب بعض الأحيان غاليـه
والحب يبقى فوق كل الجروحـي
الحب لو شانـت علينـا لياليـه
نصبر وفي سر الغلا مانبوحـي

قصــيـده جداً رائعــه ومعــبره
بــالفـــعل شاعر مبـدع

محمد لاتحرمنا من قصائدك اللي لك انت

 

”	المشاركة الأصلية كتبت بواسطة ريم السبيعي حبي على باله ولو كنت جافيـه وهو على بالي وحبـه طموحـي رائع سليمان وشكرا يامحمد

لك تحياتي ياريم ومشكورة على المرور

 

”	المشاركة الأصلية كتبت بواسطة حد الرهيف صح لسانك ولسان الشاعر ,, مع الشكر بوخالد .

صح بدنك حد الرهيف لاهنت على التواصل

 

”	المشاركة الأصلية كتبت بواسطة نايف القباني كل يعاتب بعض الأحيان غاليـه والحب يبقى فوق كل الجروحـي الحب لو شانـت علينـا لياليـه نصبر وفي سر الغلا مانبوحـي قصــيـده جداً رائعــه ومعــبره بــالفـــعل شاعر مبـدع محمد لاتحرمنا من قصائدك اللي لك انت

مشكور نايف
غالي والطلب رخيص