موقع القبابنة لوحة تحكم العضو البحث تواصل مع الإدارة  




العودة   منتديات القبابنة منتديات القبيلة شعراء القبيلة وماقيل فيها

شعراء القبيلة وماقيل فيها سيره , قصائد , قصص ، شعر

مساجلات شعرية


إضافة رد
 
أدوات الموضوع انواع عرض الموضوع
قديم 03-08-2018, 07:01 PM   رقم المشاركة : 1
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

مساجلات شعرية

من المساجلات الجميلة والتي وصلتنا عبر الواتس هذه الأبيات والقصائد الرائعة
حيث كتب الشاعر/ سعود بن عبدالعزيز بن غنيم بيتين موجهة لمحمد بن مطلق القباني (ابو يزيد) يمتدح فيهما الشاعر/ رشيد بن مساعد القباني وقال:

قم يا محمد حب لي راس شايبك
شيخ غدا للمرجلة رمز ووسام

ابو مساعد لا ادلهمت نوايبك
حلّال صعبات المواقف والاحكام

(سعود بن عبدالعزيز بن غنيم)

ورد عليه الشاعر/ مطلق بن رشيد القباني قائلاً:

قرب لي اللي لااستوى الخط يطربك
وان طال خطه ما شكى دوس الاقدام

منصاه شيخ ٍ ماعلى نخيلهم شبك
ياكل ثمرها الضيف وضعيف وايتام

يا سعود يابن غنيم طابت مشاربك
يالقرم ياللي في المهمات مقدام

وياصقر ياللي عاليات ٍ مراقبك
ضاري وكسبه من ثمينات وجسام

وانا اشهد انك رابح ٍ من تجاربك
وبمنطقتنا تنحسب ضمن الاعلام

ونعم ياشيخ ٍ على الطيب دربك
والأُسد دايم شبلها ايجيك ضرغام

(مطلق بن رشيد بن مساعد)

ورد عليه الشاعر/ صابر بن رشيد القباني على لسان خاله محمد بن مطلق القباني قائلاً:

يا مرحبا بك يا رفيقي وصاحبك
في خوّتك ما يستمع هرج لوّام

ما كنّه الا واحدٍ من قرايبك
تاقف معه وتكون له درع وحزام

دايم وجودك ينهمر من سحايبك
افعالك تنومس ووقفاتك جسام

ياسعود ياللي عالياتٍ مراتبك
يالنادر اللي في سما المرجله حام

يا عون من هو في المهمات يندبك
انا اشهد انك في الصعيبات مقدام

يالوافي اللي ما تغيَّر مذاهبك
قولت نِعم تنساق لك فرض والزام

ابوك يا ابن غنيم بالطيب جاذبك
الله يمد بعمره اعوام واعوام

وابو مساعد لا لفت له ركايبك
كنه بيوم العيد من فرحته قام

ياقف على ساق وقدم لاجل واجبك
ولجيّتك يبني لك بصدره خيام

(صابر بن رشيد بن مساعد)

وكان ختام هذه الردود مسكاً من الشاعر الكبير والراوية / رشيد بن مساعد القباني بأبيات قال فيها:

يا سعود يا جعل السلامة تصاحبك
يالنشمي البهلول يا نسل الاكرام

يا نادرٍ عوق الحباري مخالبك
حر ٍ إلى من هد ما هوب حوّام

فيك الكرم والجود مع سهل جانبك
حيث الكرم محمود في دين الاسلام

فلّت حجاجك للضيوف وعجايبك
وكبش ٍ تجرّه من مربين الاغنام

هذا من اهدافك وغاية مكاسبك
رمت المراجل والوفاء عادك غلام

نفسك لمصعاد العوالي تهوم بك
كما يهوم لأبرق الارياش غشّام

ولانيب من يمدح على الهجس والدبك
خطوات مغرور ٍ تضيّعه الاوهام

منّي تقبّل مفردات ٍ تليق بك
تليق بك يا سعود في الموقف الهام

عساك تبطي ما تركّز نصايبك
تبقى معا سود الليالي والايام

وانا ادري ان ما اخطاك ماهوب صايبك
وما كتب لك ما عنه يا سعود مهزام


الشاعر/ رشيد بن مساعد القباني

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس
قديم 05-20-2018, 06:08 PM   رقم المشاركة : 2
عضو





عبدالمحسن القباني غير متصل

عبدالمحسن القباني is on a distinguished road


 

بيض الله وجهك يابوخالد
ابيات جميلة
صح لسان ابومساعد وابنائه مطلق وصابر
ابيات جزلة ووافية
وصح لسان من بداء بها سعود بن غنيم

 







  رد مع اقتباس
إضافة رد


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

 

الساعة الآن 06:44 AM.



Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved