كنت اسير بلاهدف في احد شوارع الرياض
ماادري وش اسوي مريت على " باجا " حق الفصفص علشان نحارب التوتر
وقلت وش تسوي يالقباني وش تسوي قلت يالله خلنا نتعشى
وين تتعشى وين تتعشى البوفيه الفلاني ولا الطازج ولا هرفي وصدفة لقيت مطعم بيتزا هت مع اني احارب المحلات الامريكية لكن مرة ماتضر . دخلت بيتزا هت طبعاُ قسم العزاب دايركت ، وماشاء الله الاضاءة والالوان والكراسي شي جميل . رحت عند المحاسب وقلت وش عندكم ؟؟ قال : شف هذا المينو ،، وشفت اشكال البتزا اسامي غريبة كاست فرست ، جيك اب ، لاند جلنج اسامي ماعرفها طلبت وقلت : $هذه البتزا لو سمحت وكم الحساب قال ...$. قلت : تمام خذ المبلغ . وبعدها رحت للطاولة شي غريب احس اني في مكان غير مناسب وبعد 10 دقايق جت البيتزا والشوكة والسكين ياسلام . خلصت بحمد الله ورحت للمحاسب ومديت له المبلغ ،، قال : يااخي انت محاسب قبل شوي وش فيك
قلت : معليش والله اعذرني متعود على الفوالين
ياخوان خلونا على طبيعتنا لماذا التصنع لماذا نحاول ان نغير الناس خلو الناس على طبيعتهم وكل ميسر لما خلق له والتغير يبدأ من الداخل
العرض الشجري
