موقع القبابنة لوحة تحكم العضو البحث تواصل مع الإدارة  




العودة   منتديات القبابنة منتديات متنــوعـــة إستــراحة المنتدى

إستــراحة المنتدى الطرائف والتسلية

سواليف سكران


إضافة رد
 
أدوات الموضوع انواع عرض الموضوع
قديم 07-10-2006, 09:37 AM   رقم المشاركة : 1
عضو مهم






عاشق نجد غير متصل

عاشق نجد is on a distinguished road


 

سواليف سكران

هلا والله بالشباب هذا الله يسلمن ويسلمكم واحد شلتوه على الهايلوكس في جيتي من القصيم لاتشرهون على كلامه تراوه سكران مثل ماقلت لكم وانا جاي من القصيم اليين بوه واحد يشر لي … يوم وقفت لوه اليين ريحتوه تعثور من السكار … بعد ماركب السكران اللي وقفت لوه بالطريق وانا جاي من القصيم سالتوه … وين يابوعلي ؟ كان معوه غرشه عرق بيدوه اليسرى … مسكها بيدوه اليمنى (يدور الاجر) ثم شرب منه…. ورفع قدمه اليمنى ووظعه على الطبلون … والتفت لمي… ونظر بي بطرف عينوه (ابوشديان)ثمن اخذ يحك راسوه ويعظظ شفتوه السفلى وكانه يبحث عن رد … وبعد تفكير دام خمس دقائق .. تكلم وقال قدام يالبناني قريح (مدري ليش كل من شافني يحسبن لبناني ) قلت له اللبناني جابته اميمك …. نظر بي والقاروره بفموه … ثم ادخل يده بجيبوه واخرج سكين اخذ يلعب به .. وقال لي وش تقول …قلت لوه اقول وين تبي تروح طال عمرك ( على بال عاشق نجد قوي ) :a02010: وبعد هذا الموقف سادت فترة سكوت دامت خمس دقائق … بعدها ضحك ضحكة كبيرة … قلت لوه والله مهوب منك من الغرشة اللي تقعبه( لهجة قصيمية بحته ) حلوة بحته … قال لا والله تشوف الي انا اشوفوه … شف القش الي بالسيد الرايح ترى تحته سياره … وانا بصراحة تذكرت جارنا الله يذكره بالخير … هو مدرس وكان بيروح للشام … قرب المازدا البقس عند بابه … وقعد ثلاث ايام يحمل به … ثلاجه وفرن وغساله وبراميل غاز ومراقد وغرفتين نوم … وفرشات وطراحات وهدايا وووو … المهم يوم خلص محمل السياره كتب على القش ترى السياره تحتوه :c040: ويوم جو يركبون بالسياره مالقو مكان لولدهم الدب … قام ابوه ومردغوه بصابون ودخلوه (احم لاتروحون بعيد) دخلوه بالسياره غصب … وما انصك الباب الا يوم طلعوا يدين ولدهم مع الدريشه وربطوها مع العفش … المهم ما بقى الا ابوهم يوم ركب ما انصك بابوه … انا لله وانا اليه راجعون وش السوات … قلت مالك الا تفضي الي بجيوبك قام وطلع بوكوه وحطوه مع العفش فوق السياره وانصك الباب التفت علي وقال تصدق اني انبسط وافتخر ببلدي اذا شفت هالقشوش يتساقطون على الخط … الله يكثر خيرك بلد … بس من يقدّر :c065: سواليف سكران خذ وخل ـــــــــــــــ قلت له طيب انت متزوج ؟ :g042: اغمض عينيه … ثم رفع راسه الى اعلى… واخرج بكت المالبورو … واخذ منوه زقارت تتن ووضعه بفموه (جايب جديد) ثم اخرج الولاعه واشعل الزقاره … ثم تنهد وقال …الله يسامحس يامويمتي ورطين … لو اللي ناصحن بالزواج غيره كان قلت يكرهني … المهم وافقت على الزواج وتم التعميم على الطلب … وبعد بحث دام اكثر من شهر وجدنا طلبنا … لكن المشكله ابوه يضرب بوه المثل بالبخل … خذنا موعد من ابوه ورحنا نقابلوه … طقينا الباب وطلع علينا ولدوه الصغير يصيح … سلمنا عليه وسالنا عن ابوه ورد علينا وهو يصيح وقال تفضلوا يحتريكم بالمجلس … دخلنا ولقينا ابوهم يخيط بالخبزه … سلمنا عليه وعرفناوه بانفسنا … وهو قاعد يخيط بالخبزه … سالناوه وش بلاوه الولد يصيح .. قال السمرمدي المبذر تونا متغدين من 5 ساعات وما دريت عنوه الا وهو ماخذ خبزه من الثلاجه وعارمه … يبي ربي يعاقبنا طقيتوه وخذت منه الخبزه وهاذاني اخيطه … قال الوالد لوه (هالهذر كلوه هذر السكران لاتحسبونوه انا)حنا جايين نبي بنتك موضي لولدي … قال ياهلا وسهلا … و بدون مقدمات ترى مهره 300الف ريال … قال ابوي لوه دور غير هالكلام … قال ماعندي الا هالكلام … توكلنا على الله وطلعنا يوم جينا نركب سيارتنا لحقنا وقال علشانكم 270 هاه وش قلتوا ….قلنا الله يرزقه … قال طيب بـ250 والله ما اسفطه لغيرك بهالقيمه حول خل اتصل على المملك وخذه معك هالحيين … قلنا الله يرزقه قال طيب وقفوا عندي لكم اخته الي اكبر منه مطلقه … ماقعدت مع رجله الا شهرين يعني استخدام حشمه :c040: وتراه ارخص وصدقني بتدعي لي … رحت ومارديت عليه وانا متحسف على بنتوه اللي يمدحونه ثمن دورنا وطحنا بناس اجاويد جزاهم الله خير … رحنا نقابل ابوه … فتح لنا اخوه محمد ابيض وطويل ومالبس شماغ … دخلنا وجا ابوه وهلا بنا ورحب … وقال لي تعال ابيك … وحطن بغرفه ومادريت الا ومحمد لابس فستان وداخل علي … شكلهم اهل مزح ضحكت وقلت حلوه يابوحميد والله ملعوبه تصدق اني استحيت منك اول مادخلت احسبك ساره… صار وجه محمد احمر .. ودخل ابوهم وقال انت صاحي هذي بنتي ساره الي جاي تخطبه … بصراحه برد وجهي وتبرجلت ماعاد قدرت ارد احس اني احرجت البنيه … قامت البنيه وطلعت تركض … قلت لابوه كان قلت لي انها تشبه اخوه وتكفيك شوفته … :c040: بس والله احراج عند العالم الي يشوف اخوه يصير كنوه شايفه وش السوات وراوه مااشرط عليهم ان اخوه يتحجب او يقلبونه بنت … المهم ان الامور سارت على مايرام وقررت آخذ محمد آسف اختوه … وما شرطوا الا بيت وعطيتهم 50 الف مهر … واستاجرت دور بـ25 الف ريال وجهزتوه بـ50الف ريال … وشريت له شبكه 10 الاف وذهب بـ40 الف … وكلفت ليلة الزواج حوالي 40الف … ومشيته بـ30الف ريال المهم وانا مسافر انا وابوحميد قصدي ساره قلت خل اشوف خسايري لقيت الزواج كلفن 245الف ريال وقلت لنفسي البخيل ابو موضوي قايل لي 250 الف وخذه … ثم اطيح في محمد 245 … وحاولت ابرد سبيدتي ان الفرق 5000 تنفع لكن ما امدان اوصل الرياض وازور اهله الا وامه وجدانه صافين يبون الفتاشه … انا لله وانا اليه راجعون هذا الي خذناه من قنوات لبنان المستقبل و الـ LBC عادات وتقاليد ما لمه داعي … يعني الفتاشه قبل مانعرف قنواتهم ماكنا نعرفه … لكن هذي مضار العولمه … لاتلومنن من الحره اهذر طيب انا ما ابيهم يفتشون غصب يعني … بعدين انا مفلس هالحيين تقبلون فيزا .. او شيك مؤجل المهم دفعت المعلوم .. وفتشت لي امه وجداته كاتيا ونيرمين واستمر زواجي نكد بنكد وكلوه تسديد بهالديون … وجتني منه بنت حلوه واموره سميته حصيصه على ست الكل ام جيرانا بعدها سكت لانه لم يعد قادرا على الكلام ومن ثم رفع يده وفصخ نظارته الشمسية .. واخذ منديلا ونثر خشمه وقال تصدق ان بخل اولياء الامور والعادات والتقاليد وجهان لعملة واحده ما قلت لكم سواليف سكران ــــــــــــــــــــــ عاد يوم شفته متاثر من موضوع الزواج حاولت اغير السالفه وقلت تصدق انا مايقهرن الا تلفزيونا … والله ماطيحنا بالدشوش الا هو وبرامجه الي تجيب الضغط … وش رايك انت ؟؟؟؟ وضع الغرشه بفمه واخذ يقعب منه … ثم نظر الي وابتسم وقال….ياحبني لتلفزيونا اموت فيه انا … وش ابدى به بس … بصراحه كلش فيه مفيد ـ افلام الكرتون … يعجبن تلفزيونا الحبيب انه عند كلمته مايغيرها ـ الفروسيه … انا عاد اموت بشي اسمه الفروسيه … اقعد قدام البرنامج من يبدأ اليين يخلص … ما ارمش علشان مايفوتن شي … ولا مره فاتتن منه ولا حلقه … اذكر مره كنت جاي متاخر وما لحقت عليه … لكن اهلي عارفين الوضع يسجلون لي كل حلقات ومسابقات الفروسيه … وبصراحه انا من زود حبي للفروسيه اشكر المسؤليين على التلفزيون على تغطيتهم الاكثر من رائعه … واقول في فترت مابين الاذان والاقامه وراوه ماتجيبون لنا حلقه عن الفروسيه بيني وبينكم صالح كامل لو يشفر مسابقات الفروسيه قطيت معه ـ الاخبار … مره انا والشباب متفقين نروح للشرقيه … ومعنا واحد هلالي … وكان فيه مباراة بين النصر والرائد غير منقوله … وكانت الساحه 9.30 في اليل … يعني تو الاخبار باديه اخت الصحن وبصراحه انا عجل .. وزميلنا الهلالي يقول مناب رايحيين الا اذا شفنا النتيجه في الاخبار … قلت له اسمع اركبو والله ان يمدينا على اخبار الرياضه في الدمام … وركبوا الشباب ومسكنا خط الدمام … ووصلنا الدمام وخوينا يتمقرص يخاف تخلص الاخبار قبل نوصل … الظاهر انه جاهلن في تلفزيونا او انه يتمسخر بنا … المهم يوم وصلنا الشرقيه الين التلفزيون بوه حفل … حمق زميلنا ونام من الزعل … وبعد ساعه انتهى الحفل … وطلع لنا منصور الخضيري ومزيد السبيعي شكلهم راحو لبيوتهم وتعشوا وجو يكملون الاخبار … وانا الي اصرخ على رفيقي قم قم الله يرجك ما وعدتك انك تلحق على الاخبار الرياضيه … ثمن زعل علينا خوينا الثاني … يقول والله القهر فاتني الحفل … والله لو ادري انهم بيجيبونه في الاخبار ماجيت معكم الا اليين ينتهي … وما امداه يكمل كلمته الا مزيد الله يخليه يقول بنعيد الحفل لكم بعد الاخبار … تلومونن في حب تلفزيوننا البرامج الرياضيه … يجيك ابو شنب يطامر ويغني وما بقى الا شوي ويقوم يرقص … والا رفيقه الي كنه بلاستيك … الظاهر انهم منشينه مايتحرك … ورغم كذا هو البرنامج الي يبرد على كبودنا شوي الاعلانات … بالنسبه للشنبو … وبما انكم تجيبون البنت الي تسوي الاعلان متحجبه … ليش ماتجيبون واحد ثقه معه في الاعلان يحلف قدام الناس ان شعره صار ناعم وطال بعد ما استخدمت الشنبو ؟؟؟؟؟ ما قلت لكم سواليف سكران خذ وخل ــــــــــــــــــــــ الا وش رايك يا ابو الشباب في الصياعه الداخليه ؟؟؟ شف عاد انا من اكثر الناس تشجيعن للسياحه الداخليه تقدر تقول عني متعصب للسياحه الداخليه … من تعصبي لو يحللون لقو دمي سياحي … تعرف المشجع الشبابي الي انتقل للهلال الي يصايح في المدرجات لحاله… وبصراحه انا اذا رحت للأماكن السياحيه اسوي زيه ادور اعلى مكان وارقى فوقه واقعد اصايح سياحه سياحه سياحه ـ صحيح ان الناس مايلقون حجز بالخطوط السعوديه الا بالواسطه … لكن ما اعتقد انهم جابرينك تروح معهم ؟؟؟؟ …. رح مع غيرهم ؟؟؟؟؟؟ …. ويكفينا ان الكبتن يطلع لنا بعد كل رحله ويقول اشكركم على اختيار الخطوط السعوديه ـ اسعار السكن ببلاش … وش ببلاش ياخي أي واحد راتبه 15 الف يقدر يحجز له غرفه في أي فندق لمدة اسبوع بالراحه … بس الي مضيقن صدري بالسكن ان الفنادق والشقق متفقين على اللون البني ؟؟؟؟؟ ـ المنتزهات وسعت الصدر في الجنوب… وهذا يعتمد على قومك الصبح … يعني اذا مارحت من الفجر تحجز لك شجرة انت وعيالك تقعدون تحته الين المغرب اقعد ببيتك احسن لك ؟؟؟؟… رحنا لتلفريك السوده … وقصينا تذاكر الواحد بثلاثين ريال وحنا حول 8 نفر نزلنا لقينا باص يحترينا … قالو هذا يوديكم لمتحف رجال المع … جينا بنركب قالو الواحد 10 ريال … قصينا تذاكر للباص وركبنا …. قالو الطريق للمتحف 20دقيقه بتشوفون في الطريق قرى وشلالات ومناظر حلوه … وما امدان نركب في الباص الا والسواق يقول حولو وصلنا … الي يشوفه وهو يسوق بنا يقول ذا مسعفهم … وصلنا رجال المع يوم وصلنا المتحف قالو ادفعوا علشان تدخلون … دفعنا ودخلنا … وبصراحه المتحف مافيه شي قديم ولا فيه شي حلو … المهم يوم طلعنا من المتحف اليين فيه مصلى قلت خل اصلي العصر … وجنب المصلى واحد قاعد على طاوله وباسط بتذاكر … انا لله وانا اليه راجعون حتى الصلاة بفلوس … قلت له كم التذكره قال … الي قدام بـ300 والي ورى بميه … قلت طيب والي بيدعي لك في الصلاة كم تخلي التذكره له به … قال تدعي والا ماتدعي هذي فلوس ناس مالي والله فيها شي … قلت طيب والي بيصلي برى في ساحة المسجد كم تاخذون عليه … قال انهبلت انت … هذي تذاكر الحفل الي بيقام اليله . :a02010: ومره وحنا في احد المنتزهات مرت سيارة حديقة الحيوانات معها اسد … :h035: وما امداها تمر الا وها العالم منتشرين في كل مكان يقولون الي شاف الاسد يوم تمر السياره يدفع 20 ريال .. المقصود من هذا الكلام الخيالي ان كل شي هناك صار بفلوس هذا هو مفهوم السياحه عندنا سياحه سياحه سياحه سياحه سياحه يالله ياسياحه :c035: اقول فهمتوا من كلام هاالسكران شي ؟؟؟ ـــــــــــــــــــــــ الا ابسالك انت متعلم ... واذا كنت متعلم وش رايك في مناهجنا اللي حطمت الارقام القياسيه ؟؟؟؟؟ شف عاد الا المناهج عندنا … انا اكثر واحد استفاد من كثرت المناهج … على ان ما معي الا شهادة ثاني ليلي … اول كنت احمق ويضيق صدري الين فضى الغاز عندنا في البيت … وعقب مادرس اخوي الصغير … على فكره هو ها الحيين في ثالث ابتدائي… المهم اني ارتحت … قام هو اللي يشيل براميل الغاز ويحطها في السياره ويحولها بعد اليين عبيتها … وهذا كله من كثر مايشيل هالمناهج

تبون الجد الله لا يعيدها من شيله انفقعت مرارت عاشق نجد

 







توقيع :

[img]
[/img]
  رد مع اقتباس
قديم 07-10-2006, 01:31 PM   رقم المشاركة : 2
عضو متميز





ولد بداح غير متصل

ولد بداح is on a distinguished road


 

الله يوسع صدرك بالعافيه ياعاشق نجد والله انك رهيب

 







توقيع :

[align=center][/align]
  رد مع اقتباس
قديم 07-10-2006, 04:46 PM   رقم المشاركة : 3
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

صياغه حلوه منك ياعاشق نجد للاوضاع الاجتماعيه ,, كتاباتك حلوه وشيقه وطريفه ولها طابع خاص يتميز فيها عاشق نجد , اتوقع لك مستقبل ممتاز باالكتابه باالصحف وراح تكون الكاتب الناقد والساخر ,, باالتوفيق ولاهنت .

 







توقيع :

  رد مع اقتباس
قديم 07-11-2006, 01:51 PM   رقم المشاركة : 4
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

أخوي عاشق نجد
الله يستر عليك أنت والهايلوكس
وإنتبه من السكارى وأنا أخوك
خلك على ما قلت ( ذهين )
على العموم يعطيك العافية على المشاركة
الجميلة ....... تقبل تحياتي

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس
قديم 07-21-2006, 12:09 AM   رقم المشاركة : 5
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

عاشق نجد

نصيحــه لك لاتوقـــف لاحــد

( مــاكل مـــره تسلـــم الجــــره) فهمـــت

 







توقيع :

  رد مع اقتباس
قديم 07-23-2006, 12:36 PM   رقم المشاركة : 6
عضو مهم






عاشق نجد غير متصل

عاشق نجد is on a distinguished road


 

ولد بداح
الله مير يسلمن ويسلمك
ماعليك زود
قل امين
عسى الله يرزقن وياك وولد امير الشمل
هو وبعراته بالجنة
انت رعبوب قصدي رهبوب قصدي ارهب :c040:

 







  رد مع اقتباس
قديم 07-23-2006, 12:38 PM   رقم المشاركة : 7
عضو مهم






عاشق نجد غير متصل

عاشق نجد is on a distinguished road


 

ولد بداح
الله مير يسلمن ويسلمك
ماعليك زود
قل امين
عسى الله يرزقن وياك وولد امير الشمل
هو وبعراته بالجنة
انت رعبوب قصدي رهبوب قصدي ارهب :c040:

 







توقيع :

[img]
[/img]
  رد مع اقتباس
قديم 08-24-2006, 07:31 AM   رقم المشاركة : 8
عضو مهم






عاشق نجد غير متصل

عاشق نجد is on a distinguished road


 

العروان حد الرهيف محمد القباني
الله مير يسلمن ويسلمكم
غريبة اليوم وين رابعكم
ايه صح ولد بداح فوق ومن غلاه رحبتبوه مرتين يستاهال
لله دركم تستاهلون بوسة من بوسات عبدالله بالخير

 







توقيع :

[img]
[/img]
  رد مع اقتباس
قديم 11-07-2009, 11:51 PM   رقم المشاركة : 9
عضو متميز






الزعيم المانلال غير متصل

الزعيم المانلال is on a distinguished road


 

شئ حلو

 







توقيع :

[line3][/line3]
أشهد أن لا إله إلا الله وأن محمد رسول الله
  رد مع اقتباس
قديم 11-08-2009, 12:42 PM   رقم المشاركة : 10
عضو متميز





عمار غير متصل

عمار is on a distinguished road


 

فعلا سكران

 







توقيع :

  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved