موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة الــوســمي

الــوســمي لأخبار الأمطاروالسيل والربيع والنجوم والرحلات البرية والمقناص

( يا هبوب الوسم ) قصيدة لشاعر التوباد


إضافة رد
 
أدوات الموضوع انواع عرض الموضوع
قديم 10-22-2006, 11:49 PM   رقم المشاركة : 1
فريق الاشراف





فهد ال ثلاب غير متصل

فهد ال ثلاب is on a distinguished road


 

( يا هبوب الوسم ) قصيدة لشاعر التوباد

بمناسبة إفتتاح منتدى الوسمي
فهذه قصيدة لشاعر التوباد / سعد بن ثلاب القباني عن الوسمي
أرجوا ان تستمتعوا بقرائتها

يا هبوب الوسم هبِّي بالبـــرادي =مـا وراك من الهواء لا تذخرينه
كود نسناس الهوا يحيي فـــوادي=تفرح عيوني عقب ما هي حزينه
لا انشغل قلب الفتى حرم الرقـادي =عزتي للي تعنَّى في سنينــــه
في سواد الليل للذيب اجتـــلادي=ومن لقى له حاجةٍ تروب عينــه
الله اللي يرزقك من كـــل زادي =وما كتب للعبد في عالي جبينــه
من قلبٍ ضاق من شوف البـلاوي= ما يبي صوت البواري والمكينــه
صجَّوا اذني بالمسجّل والــروادي =والعراوي في السكك تسمع حنينــه
في الضحى في راس الأشقر صرت بادي=يوم قلبي ما قدرت اكتم ونينـــه
ما حلا شوف الشجر في كـل وادي=وكل شِعبٍ مع مسيله حادرينـــه
ما تشوف إلا الرقيطي والســوادي =والحجل مع كل ريعٍ شايفينـــه
ذي عطايا الله تو ثرهــا جـدادي=والفحل خلف البيوت مقيدينــــه
زين بني البيت في الأرض الحمادي=زين بَنْيه من شَعَر مهوب طينَـــه
مددت لطنــاب ثم دقت اوتــادي=قُوِّم ارواقه ونصفه حاجبينــــه
حوله ارجالٍ يصيــدون القـوادي=ما يعرفون المثاثا والرطينــــه
زين شوف الصيد في لرض الريادي=لا التفت خويكم يقول : وينـــه ؟
ما حلا لامن كفخ طير الهـــدادي=عقب ما للطير حِلّ مبرقعينــــه
يوم نفسي ما تحب إلا البـــوادي=زين شوف البر يا هل العرف زينـه
كود نسناس الهوا للنو قــــادي=بامر ربي والرعد تسمع دنينـــه
لاح برقه وانتثر وبله وجـــادي=سالت الشعبان والوادي بحينـــه
جعل يسقي ديرة الشيخ الجــوادي =خادم البيتين : مكة والمدينــــة
من ورا نجران وحدوده وغــادي =لين طريف والباطن ولينـــــه
حامي البيتين كل أمره ســـدادي=" أبو فيصل " طوَّل الله في سنينــه
يا الله إني طالبك يا خير هــادي =من بغى له حاجةٍ الله يعينـــــه
رب وفقنا على درب الرشـــادي =وكل واحد لا تحرمه من جنينـــه
ختمها صلوا عدد زوف الجرادي=للنبي اللي توفّى في المدينــــه

 







توقيع :

  رد مع اقتباس
قديم 10-23-2006, 12:30 AM   رقم المشاركة : 2
عضو متميز





ولد بداح غير متصل

ولد بداح is on a distinguished road


 

ما حلا شوف الشجـر فـي كـل وادي=وكـل شِعـبٍ مـع مسيلـه حادريـنـه
مـا تشـوف إلا الرقيطـي والسـوادي=والحجـل مـع كـل ريــعٍ شايفيـنـه


بيض الله وجه القائل والناقل وصح لسان ابوثلاب على البيوت الجزلة

 







توقيع :

[align=center][/align]
  رد مع اقتباس
قديم 10-25-2006, 12:41 AM   رقم المشاركة : 3
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

بيض الله وجه القائل والناقل وصح لسان ابوثلاب على البيوت الجزلة

 







توقيع :

  رد مع اقتباس
قديم 10-26-2006, 12:28 AM   رقم المشاركة : 4
فريق الاشراف





فهد ال ثلاب غير متصل

فهد ال ثلاب is on a distinguished road


 

ولد بداح /
وبيض الله وجهك
ولا هنت على مرورك الكريم على الموضوع

 







توقيع :

  رد مع اقتباس
قديم 10-26-2006, 12:31 AM   رقم المشاركة : 5
فريق الاشراف





فهد ال ثلاب غير متصل

فهد ال ثلاب is on a distinguished road


 

اخوي العرووان/
مرحبتين ومسهلتين
ومرورك نور الموضوع

اخوك فهد ال ثلاب

 







توقيع :

  رد مع اقتباس
قديم 10-26-2006, 02:36 AM   رقم المشاركة : 6
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

يوم نفسى ماتحب الاالبوادى = زين شوف البر ياهل العرف زينه


صح لسان ابو ثلاب وعز الله انه صدق يازين البوادى والبر زيناه ويازين شوفته , لاهنت يافهد وقصيده معبره وجزله .

 







توقيع :

  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved