|
” |
اقتباس:
المشاركة الأصلية كتبت بواسطة الدبلوماسي
هذه القصيدة للشاعر الكبير غنيم الخبيش
تفارقت أنا وياه واثر الفراق صعيب=عنى العين جاها كانها طالت المده
نهار الوداع الدمع من حاجري صبيب=ودمع الحبيّب من فراقي على خده
فجيع المحبة لاتويل وشق الجيب=صديقه يحنّه والعدو عنده امسده
تغانم رفيقك من سهوم الهوى ياذيب=ولو كان عندك لازمٍ لازمي بده
أنا لانخيتك خابر انك مقر الطيب=تسد اللزوم ولازمي ماعنه صده
رفيق الرخى ماهوب عند اللزوم صحيب=ولابه رفيقٍ الا رفيقٍ على الشده
خدعني زماني بالعنى ماقريت الغيب= معا واحدٍ جدي بعيدٍ على جده
تولعت بك يالأجنبي والنصيب ايصيب=خذ القلب بين ايديك فيما تبي وده
أنا فيك لا اسمع بعيدٍ ولا قريب=غرامك طبع في داخل القلب مسوده
الا اقفت اسلوع القلب ماللنصيح امجيب=كلامٍ تقوله فيه ياعاذلي لده
وألا ياشبيه الريم عذبتني تعذيب=على بعدك صابر مير صبري لحق حده
الا من سمعت الذيب في الليل له قنيب=قنبت ابقنيبٍ يرهج الضلع ويهده
وجودي وجود المعطش اللي ورده قليب=ورد في سموم القيض عدٍ بلا عده
على من سهرت الليل وانحب عليه انحيب=طويل الجديل اللي بدمث النحر كده
حديثه يداوي الكبد واحلا من الحليب=أوده ونفسي عن هوى الغير منسده
لو ان المناوي تنفع الهايم العطيب=تمنيت لامى من طواني كما القده
ماغير اتنهت كني الشايب اللي صيب=ردي جهد وآنس من بني عمه الضده
جلا له زمان وراح من لابته غريب=وشاف الجفى من لابته والجفى رده
|
|
الله يعطي أبوسعد الصحة والعافية وصح لسانه
قصيدة غزلية جميلة فيها التوجد والتغزل بالمحبوب لذا نجدها تلامس المشاعر
لما فيها من أبيات عذبة أطربت مسامعنا
أخوي الكريم الدبلوماسي لاأدري كيف أشكرك على ماأمتعتنا به من مشاركات تبيض الوجه
ومهما قلت لن أوفيك حقك ولكن الشهر عليك مبارك والله يمتعك بطولة العمر والصحة والعافية
دمت برعاية رب العزة والجلال
العرض المتطور
