وكم جثة مجدوعة مابهـــــــا راس

اليوم الدور على عنزه

عقاب وحجاب ابنا سعدون العواجي من شيوخ عنزه من لايعرفهم ومن لم يسمع عنهم

بلغ سعدون العواجي أن أراضي بيضا نثيل مخصبة ووهذه يملكها مسلط التمياط ، شيخ قبيلة التومان من شمر ، فالتفت سعدون الى ولديه عقاب وحجاب ، وقال لهما : انني أحب أن أرحل الي بيضا نثيل وأخذها عنوة من مسلط التمياط وجماعته شمر ، فأجاب ابناه بالسمع والطاعة ، وقالوا عليك ان تأمر ، وسنأخذها قسراً ، فأمر سعدون العرب بالرحيل لاخذ بيضا نثيل من التمياط ، وقال سعدون : سأرسل له هذ القصيدة ان يترك بيضا نثيل بدون حرب لانه يحب ان يدلل ابله بها لانها نخصبة وهذه هي القصيدة :

ياراكب اللي مالهجها الجنينا=ماهي وحدها ثامنة له ثمانــا
فج النحور محجلات اليدينــــا=من ساس عيرات وابوهم عمانــا
يلفن لمصلط ترثة الغانمينــا=قل ارحلوا عن جوكم صار مانـا
نبي ندله مقرعات الحنينــــا=أذواد من رعي المخافة سمانـا
ماهم بورث اجدودنا المقدمينا=كسب بالايدي من حلايب عدانـــا
نفكهن من لابة معتدينـــــــا=ومن دونهن عود العريني عصانا
يرعن بظل عقاب مروي السنينـا=اللي ليا صارت علينا حمانــا
وقولوا ترانا يمهم مقبلينــا=ويقصر عن الطولات كانه بغانـا
عدونا نجيه لو مايجينــــــا=ونضفي على عدونا من خطانـــا
ونركب على اللي كنهن الشنينا=خيل الصحابة ماعترضهن حصانـا
والموت عند قطيهن وأن حدينـا=وياسرع رد وجيههن مع قفانــا

بعد انتصار سعدون العواجي على مصلط التمياط وقتله ابن اخيه جريس قال الشيخ سعدون هذه القصيدة بمناسبه انتصاره في مناخ ظفره :

ياراكب من عندنا فوق نسنــــــاس=ليشدي ظليم جافل مع خمايــــــــل
زين القفا ناب القرا مقعد الـراس=لومعرب من ساس هجن اصايـــــــــل
لامد رواي ولا راح عســـــــــــاس=لعرو الى مافات حمو القوايــــــل
يلفي لوايل مروية كل عبـــــــاس=لمكللين شذرته بالفعايــــــــــل
اليا جيتهم في ربعة الشيخ جـــلاس=لينشدك من هولي صديق يسايـــــــل
قل صبحونا اجرودهم مالها اقيــاس=سـكن الجبل جانا مع الصبح صايـــل
وانا احمد اللي عاضهم كسرة الباس=كـسيرة وصلت قفار وحايــــــــــل
في روضة التنهات قرطن الالبــــاس=وذبـح لياما جيت بيضا نثايــــــل
وكم جثة مجدوعة مابهـــــــا راس=بـسيوف يشفن الطنا والغلايـــــــل
وكم سابق راكبها طاح منحــــــاس=مـن المعرقة يجيك للقاع مـــايــل
والصبح جانا مطلق دايخ الــــراس=وجـاه العقاب الصيرمي فوق حايـــل
واعذر بنقل السيف واعذر بالالبـاس=وراحـت تقمز به زبار المسايـــــل
وجريس خلي في زواقيب حـــــــراس=ويـا ويل مصلط عقب وافي الخصايــل
واليا قعد بالبيت يزهي بالالبــاس=عـمره صغير وماضي له فعايـــــــل

لقد استفحل امر عقاب العواجي وجندل عدد كبيرا من فرسان شمر ولقد اتفقوا شمر على ان يصبوا فنجال من البن ويضعهوه بينهم ويقولون لفرسانهم : الذي يشربه هو المسؤول عن قتل عقاب في أول معركة نخوضها معه وانه لايستطيع احد شرب الفنجان الا من لديه الشجاعة بنفسه فقام شاب من بين الصفوف اسمه اباالوقي ولم يكن من عائلة لها فروسية وقال انا اشرب فنجال عقاب وأقابله على ظهور الخيل ، وعندما التحمت شمر مع قبيلة ولد سليمان وعندما رأي ابا الوقي عقاب بين الخيل دفع نفسه وعندما رأي كل منهما الاخر أطلقا الاسهم على بعض ولم يصب أحد ثم التصقت جوادهما وتماسكا بالايدي وسقطا عن الخيل فهبت فرسان شمر لانقاذ ابالوقي وهبت فرسان عنزة لتخليص عقاب ، وعندما دارت المعركة وحمى الوطيس ، والغبار يحجب كل واحد عن الاخر ، وقعت يد عقاب على سيف بالارض وأمسك بجواد واقف فوق رأسه وكذلك أبالوقي ، وعندما افترقا ، فاذا بالسيف الذ مع عقاب هو سيف ابالوقي وكذلك الجواد ، وابالوقي وجد أن السيف الذي معه هو سيف عقاب والجواد جواد عقاب ، وانفصلت المعركة بعد ذلك..

وقد تأسف الشيخ سعدون على هذا الامر أن شابا غير معروف من شمر يأخذ سيف عقاب وجواده فجاؤه شيوخ ولد سليمان وقالوا لاتقلق يا ابا عقاب فخيولنا وسيوفنا كلها رهن يد عقاب ، فقال أنا لا يشغلني الا أن شاعر شمر مبيريك التبيناوي قد وقع على بيت من الشعر ...
وفعلا بعد ان هذه القصة قال شاعر شمر هذه القصيده :

ابا الوقي يالبيض خضبن يمنـــاه =وانا اشهد انه من عيال الحمايل
السيف من يمنى عقاب خذينــــاه=والخيل بدل كدشها بالاصايـــــل
هذي سلوم بيننا يالقرابـــــاه=يا زين بيع المنسمح يابن وايـل
وعقاب ما سبه ولا سب حليـــــاه=ان جو على قب المهار الاصايـــل
يركض على الصابور ما به مراواه=شي تعرفه كل سمو القبايــــــل
لاشك عندي له قهود مغـــــــذاه=عيال شمر فوق قب الاصايـــــــل

فرد عقاب على مبيريك التبناوي بهذه الابيات:

عشبه طويله يالتبيني رعينـــــاه=غصبا على دوله قفار وحـــــــايــل
وبيضاء النثايل بالمعارك خذينـــاه =بالسيف ماهي للجدود الاوايــــــل
يحرم عليكم يالسناعيس مــفلاه=فان جيتها يالشمري فأنت عــايـل
ومفتاح الغيثي بثركم حدرنـــــــاه =روحوا وراكم يا رفاع الحمايــــــــــل

اتمنى ان اكون قد اوضحت جزء من حياة عقاب وحجاب ابناء سعدون العواجي
وسنورد بعض ققصهم في المستقبل بأذن الله
وسلامتكم

 

هلا بالغالى ولد بداح وسؤالك عنى غالى على , والله يخوك مشغووووووووول وعندى ترميم فى البيت وادخل النت واقرأ ولااشارك وانشاالله انى بفضه هااليومين واتأخر حتى باالنوم والحين اذن الفجر برد عليك وبروح اصلى وانام .

العواجى وعياله لهم قصص كثيره وحلوه ونعم فى عنزه الولد سليمان ونعم فى شمر زحازيح رجال مايحتاج كلام , تسلم على القصص الجميله وسرد سوالف الاوليين الحلوه . تحياتى ياالغالى ولاهنت

 

أخوي ولد بداح
بارك الله فيك وكثر الله من أمثالك
ومشكور على الموضوع الجميل
دمت يالغالي برعاية رب العزة والجلال

 

حياك الله ياحد الرهيف وتسلم طال عمرك على المشاركة
الحقيقة ان شمر والنعم فيهم ماعليهم قصور وهم من قتل عقاب وحجاب
وسوف اورد قصة قتلهم باذن الله مستقبلا
ولكن هذا حال الدنيا في ذلك الوقت

ومن قال انا خير الملا ربحه العنا = ومن قال انا ضيم الرجال يضام

وتقبل تحياتي

 

”	المشاركة الأصلية كتبت بواسطة محمد القباني أخوي ولد بداح بارك الله فيك وكثر الله من أمثالك ومشكور على الموضوع الجميل دمت يالغالي برعاية رب العزة والجلال

ابوخالد لاهنت على المرور وجزاك الله كل خيـــــــــــــــر

 

ولد بداح

مشكوووور على الطــرح الطيـــــــــب

 

ولد بداح
مشكور على القصيدة
والقصة بارك الله فيك

 

حياك الله يالعروان وتسلم على المرور

 

مشكور على الموضوع الجميل وبيض الله وجهــك