محاورة بين بوش وبلير

	أحبائي أعضاء المنتدى زوارنا الكرام محاورتنا هذه بين الشاعرين الكبيرين بوش وبلير يقول بلير : الله لا يجزاك بالخير يا بوش=ورطتنا في حرب صدام ورطه عزمتني تقول بترول وقروش=بس الحقيقة روحتي معك غلطه * بوش يا بلير رد العلم عن بوش بن بوش=الله خلقنا للمقاريد سلطه وأبوي عنده للرياجيل دنبوش=كم واحد ٍ شلنا فلوسه ونفطه * بلير أبوك والنعمين مير أنت مربوش=تموت بالبترول وتحب شفطه صحيح عندك مال وسلاح وجيوش=مير أتوقع لك تدهور وسقطه * بوش يا بلير كانك خفت يوم احتمى الهوش=حرام ما تاخذ من النفط نقطه قبلك ترى (شيراك) قد راح مكروش=شوفه يصرح كل يوم بمحطه * بلير وراك ما تعطي لشيراك عرموش=تراه مشغلنا بشيله وحطه واليا انتهى موضوعنا نرسل طروش=ونجمّع المبلغ من الربع قطه * بوش شيراك هذا عنده الفكر مغشوش=فرط علي في مجلس الأمن فرطه يدزه اليابان والصين ويطوش=ومجهز الفيتو لتحقيق شرطه * بلير يا بوش أنا مرهق وخايف ومدهوش=وانته تقول الحرب خدعه وخطه أسراي وأسراك امتلاء منهم الحوش=عز الله انه صابني منك جلطه * بوش ما قلت لك كم فيه اذاعات ودشوش=لا تكشف المعنى وأنا أقول غطه وإن قالوا إنا (علوج) وأصحابنا جحوش=ما همنا (الصحاف) واللي يحطه

 

الله الله اثر بوش شاعر وتوني بلير مهوب سهل
مانقصهم الا الصفوف
صح لسانك يابوخالد وبيض الله وجهك

 

عز الله انهم تورطو ,, ؟؟ من عظم المصيبه قامو يلعبون ,,, تحياتى بوخالد

 

صح لسانك يابوخالد وبيض الله وجهك

 

”	المشاركة الأصلية كتبت بواسطة ولد بداح الله الله اثر بوش شاعر وتوني بلير مهوب سهل مانقصهم الا الصفوف صح لسانك يابوخالد وبيض الله وجهك

ماشفت شي ولد بداح
الخافي اعظم
اشك في شاعريتهم
والظاهر انهم يشترون مثل بعض الناس:c040:
مشكور على المرور

 

”	المشاركة الأصلية كتبت بواسطة حد الرهيف عز الله انهم تورطو ,, ؟؟ من عظم المصيبه قامو يلعبون ,,, تحياتى بوخالد

إلا والله من الفراغ وبعد صدام
قالوا ينفسون عن انفسهم بالشعر :c040:
مشكور حد الرهيف

 

صح بدنك يالعروان