قصيدة عتاب للشاعر/ غنيم الخبيش تعبر عن نفسها
جاني خبر واقول ماعندي اشكوك=ماكنت اصدق واحدن فـي كلامـه
اثرك سمعة اخبار غيرك وغروك=لين انتكبت وخسر حظك غرامـه
جعله ماهوب سعيد حظك ومبروك=عرس الفلس والمرذلـه والندامـه
خليت عطران الشوارب وخلـوك=واخترت كرعان الجمل عن سنامه
يازين لو تمشي مع الناس صعلوك=اخير من عـرسٍ كسبلـك ملامـه
منتب على ماتكره النفس مملـوك=الادمـي يتبـع هـواه ومـرامـه
ياما وطيت بكبد رجلي على شوك=مانيب افكـر فالخطـر والسلامـه
لرضاك يومك كان فرضاي مشبوك=واليوم خذ حبك وهـاك استلامـه
لاشفتني مريت والباب مصكـوك=جـود مفاتيحـه وحـط الردامـه
جعله ذلوف الطير والسبق مفكوك=تالي نهار ومطلبـن لـه حمامـه
العرض الشجري