شفتك مع اللي صار عقبي حبيبك......واحتارت العبره بعيني وصديت

شفتك مع اللي صار عقبي حبيبك=واحتارت العبره بعيني وصديت
مدري هي الصدفه لدربي تجيبك=مدري انا اللي في دروبك تحريت
ملكتني واقفيـت ربـي حسيبـك=ما تعرف الرحمه بقلب توليـت
يا قلب جرحك سبته من طبيبـك=يا قلب ليتك بالوفاء ما تما ديـت
من حبنا كل السعـاده نصيبـك=يا فاقد الاحساس عنـي تخليـت
وش فايده لا قلت عنـي حبيبـك=وانت بحياتك يوم ماظن حبيـت

الشاعر الأخ / عبدالله العليوي

رحمـــــــــــه الله رحمة واسعة

 

مع إحترامي لرأي الشاعر رحمه الله

الا أنه لو قال:

من باعنا بعناه لو كان غالي **** ومن باعنا بالرخص بعناه بزهود

وتحياتي ولد بداح

 

لاهنت ولد بداح ,, يمال العافيه ,, رحم الله الشاعر .

 

مدري هي الصدفه لدربي تجيبك
مدري انا اللي في دروبك تحريت

رحم الله الشاعر عبدالله العليوي
قصائده جميلة وخصوصاً التي غنيت بصوت عندليب القصيم
الفنان عبدالله الصريخ
مشكور أخوي ولد بداح وتقبل تحياتي

 

”	المشاركة الأصلية كتبت بواسطة فهد ال ثلاب مع إحترامي لرأي الشاعر رحمه الله الا أنه لو قال: من باعنا بعناه لو كان غالي **** ومن باعنا بالرخص بعناه بزهود وتحياتي ولد بداح

يافهد الغالي غالي ياكود بيعته يافهد

 

”	المشاركة الأصلية كتبت بواسطة حد الرهيف لاهنت ولد بداح ,, يمال العافيه ,, رحم الله الشاعر .

الله يعافيك يابو احمد وماقصرت يالغالي

 

”	المشاركة الأصلية كتبت بواسطة محمد القباني مدري هي الصدفه لدربي تجيبك مدري انا اللي في دروبك تحريت رحم الله الشاعر عبدالله العليوي قصائده جميلة وخصوصاً التي غنيت بصوت عندليب القصيم الفنان عبدالله الصريخ مشكور أخوي ولد بداح وتقبل تحياتي

ابوخالد مشكور للمرور والله يرحم الشاعر ويغفر له