قصـــه السعودي والكويتي ....

قصه السعودي والكويتي




كان فيه سعودي وكويتي زملاء يدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي قبل ماتروح للسعوديه تعال معي للكويت وبعدها رح للسعوديه فوافق السعودي وهم في الطيارة رايحين للكويت دق اخوى الكويتي من الكويت وقال لاخوه ان جدتي توفت




فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدره ولا احرجه نصلي على الجنازة وكنها لاحد من جماعتنا لما وصلوا وصلوا على الجنازة وقعد السعودي له مدة في الكويت اعجب ببنت جيران الكويتي وقال لزميله اني ودي اتزوجها فرح الكويتي وقال انا مستعد اخطبها لك وفعلا خطبها له وخبر السعودي اهله وسوو الزواج ورجع السعودي لديرته وبعد مدة طويله كبرت تجارة السعودي وطلع تاجر وغني والكويتي خسر كل امواله وتجارته فقال مالي الا اروح لصديقي السعودي اكيد بيساعدني وفعلا راح للسعوديه وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا وبعد مارجع البواب عطى الكويتي فضلة عشى السعودي تخيلوا .................................


فضاق صدره الكويتي وقال هذا جزاء الصداقه المهم وهو راجع في الطريق لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون وتاجربها في السعوديه وقبل ما يرجع للكويت لقى عجوز معاها بنت وقالتله العجوز ابي اخلي البنت عندك واروح احج اذا مارجعت تزوجها ولما طولت العجوز عقب الحج اتزوجها وسوا حفله الزواج بالكويت وفي اثناء الزواج كان من ضمن المدعوين زميله السعودي ................................. لما شافه الكويتي غضب

وقال للحضور اطردوه هذا خاين العشرة والصداقه تخيلوا انه لما جا معي للكويت وكانت جدتي ميته ما علمته عشان ما يضيق صدره على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضلة عشاااااااااااه

تدرون وش قال السعودي؟؟؟؟؟؟؟؟؟؟؟؟؟؟؟؟؟؟؟؟؟؟؟

قال اسمعوا واحكموا علي .....انا يوم جاني الكويتي وهو محتاج ماحبيت اشوفه على حالته هذي عقب ماكان تاجر وكبير اشوفه صغير ومحتاج واتفضل عليه بشي من عندي عشان كذا عطيته فضلة عشاي

وبا النسبه للتاجرين اللي متراهنين على مليون هذولي اخواني انا مروحهم له عشان يفكون ضيقته

اما با النسبه للعجوز اللي معاها البنت فهاذي امي والبنت هذي طبعا اختي فوش رايك ما احضر زواج اختي


منقول

 

ياسلام على الاخوة والوفاء , قصه معبره اتمنى ان تكون قدوة لكل زميليين ,,, تمنياتى لك باالتوفيق يانايف , لاهنت .

 

شكرا لك يانايف
موضوع يعبر عن الصداقه
والاخلاص
ولا تنسى ان السعودي راعي مجد وطيب ومكارم
وفعله فعل رجال
تسلم يانايف
تقبل سلامي

 

”	المشاركة الأصلية كتبت بواسطة حد الرهيف ياسلام على الاخوة والوفاء , قصه معبره اتمنى ان تكون قدوة لكل زميليين ,,, تمنياتى لك باالتوفيق يانايف , لاهنت .

ولاتــهـــــــون يــاحــد الــــرهــيــف .....

 

”	المشاركة الأصلية كتبت بواسطة ريم السبيعي شكرا لك يانايف موضوع يعبر عن الصداقه والاخلاص ولا تنسى ان السعودي راعي مجد وطيب ومكارم وفعله فعل رجال تسلم يانايف تقبل سلامي

ولاتنســين يــاريم ..

صــــاحب الفـــضل الأول هـــو الكـــويتي ..
وتسلمين يــاريــم وتقبلي احتـــــرامــــي ..

 

عتبي على السعودي وكيف يعطي الفضلة لرجل قدره وأكرمه
حتى وإن كان يقصد بها شيء ثاني ما يمده بهذه الطريقة
هذا رأيي الشخصي وللجميع الحكم
تحياتي نايف

 

يعطـــــــيك العافيـــــه
محمد القبـــــاني ....