عندك خبر لامن خسر جون كيـري<<<<<تقوى علاقة بوش مع توني ابليـر

يالندن انا فاقـد(ن) لـي مطيـري=ومطير غير وهيبتي عندهـم غيـر
ولا انكر طيـب القبايـل ضميـري=لكن انا ميت علـى خـوِة امطيـر
سلام يا خالـد سـلام(ن) اميـري=لو انك مواطن بلـد منـت باميـر
خليتني في وسط لنـدن مصيـري=مثل مصير مقيط في جعبـة البيـر
والوقت لو يبكي رفيـق الحريـري=بكا على جساس او سالـم الزيـر
عندك خبر لامن خسر جون كيـري=تقوى علاقة بوش مع توني ابليـر
اتصدق اني من مسجـك الاخيـري=ماغير اقـول الله يذكـرك بالخيـر
قصايدك مثل الذهب في الحريـري=شاعر وما شاء الله وعندك جماهير
وترى القصيده كلها من ضميـري=من بيتي الاول الي البيـت لاخيـر

محمد بن الذيب

 

وترى القصيده كلها من ضميـري
------------------من بيتي الاول الي البيـت لاخيـر

خسارة ابن الذيب ما واصل في مسابقة شاعر المليون
أنا أشهد انه كان بيمتعنا بقصايده

ومشكور يا ولد بداح

 

الحقيقة يافهد ان انسحابه يثير اكثر من علامة استفهام عن الأسباب الحقيقية
ولاهو لحاله المنسحب حتى سعد الطلحة
وقالو الشاعر الي كانت قصيدته عن دبي الي خاطب بنت عمه

 

مشكور اخوي ولد بداح

عندي توضيح بسيط

انسحاب ابن الذيب كان بسبب ان واحد من جماعته كان متأهل من ضمن ال48 ولكن القائم بالمسابقه الشيخ محمد بن زايد قام بشطبه وإحلال الشاعر السعودي ياسر التويجري في مكانه مما دعا محمد بن الذيب الى الانسحاب
على فكره علاقة ياسر التويجري مع الشيخ أقوى من قويه

هذه المعلومات أكيده

ولكم تحياتي

 

معنى هالكلام ياعديــل الروح

ان الواسطــه تــدخلــت سلـــم لي على الذيــب الي فهمــه من بدري

وخــرج بكــرامتــه

 

هلابك ياعديل الروح
ومشكور على التوضيح وماقصرت
والحقيقة ان الأسباب تعددت منها من قال انها اكمال دراسة
واخرون قالو السبب الي ذكرته
وهناك من قال ان السبب انهم فوزو الاماراتي الي فاز مع العصيمي وان الجائزة بتروح له
لكن شوي ويطلع السبب الحقيقي

 

العروان شفت الواسطة وش تسوي لكن تبي الصراحة ودك ان الواسطة لين جت ليها في شي يسوى

 

صح لسانك ولد بداح , والخبر راح يبين عن سبب الانسحاب من ابن الذيب نفسه , ياخبر بفلوس بكره ببلاش .

 

صح بدنك يابو احمد ولاهنت طال عمرك وكاد ان الخبر بيبين

 

أخوي الكبير ولد بداح
مشاركة رائعة وقصيدة جميلة للشاعر محمد ابن الذيب
وإن كان لي من مداخلة على كلام الأخوة من ناحية إنسحاب ابن الذيب
عن مسابقة شاعر المليون فهي حكاية مفبركة ومن شروط المسابقة أن يكون الشاعر
ليس من المشاهير وأعتقد أن شاعر مثل ابن الذيب أو ياسر أو غيره يعتبروا من الذين
وفقوا في مسيرتهم وأصبح الكثير يعرفهم لا نختلف على ذلك
أما ما قاموا به من تسجيل في حلقات البرنامج هو دعاية إعلامية وتسليط الضوء
وسحب الجماهيرية والسواد الأعظم من المشاهدين إلى برنامج شاعر المليون وهذه الحكاية كلها
تقبل تحياتي ويعطيك العافية أخوي الكبير ولد بداح

 

مشكور يابوخالد على التوضيح وماقصرت لكن تركي الميزاني رشحوه امس وفوزوه