بققوا عيــــــــــونكم واقروا صح

ياكثر اللي ودي اكتبه يوه الدنيا مآآآسي ش لكم بالطويله الغثيث!
حز بخاطري حال ولد بنت خالت اخت ام جارتنا هو مو ولد هو شاب
وسيم حليو مميز عليه اخلاق ياااااااااااااااي عسل سيرة ذاتيه روعه تهبل
يااااي ابتسامه خوقاقا مااااااااااره اجتماعي دايم يقولون عنه خلوق مهذب ولد كفو ناجح دراسيا<<<ذي احسها البلا كلها ليته كسلان كان تهون السالفه اقلها ينقال الولد يدرس مير البلا خلص الجامعه استولى على شهادات الين الشهادات طقت منه شوي وتصيح بوجهه فارق يالدافورة
المهم بعد مامرت السنين الولد اصبح شاب وصار له قلب<< ليه قبل كيف كان بدون قلب ا لحلو المزيون اصبح قلبه يدق دق دق والعله بنت شافها صدفه هزت كيانه فوق تحت << بدايه المسلسل المأساوي زمن اصبح الحب اول اشارات القراده والبنت المزيونه بعد هذي بس عاد قلبها مو دق الا تحول صاله افراح طيران الله لايبلانا مقرودة الثانيه ليتها ماتولعت المسيكينه
مرت الايام والشهور ذا يسير على اهل ذا وهي ماغير يمه نروح بيت ام فلان ونسير على امه وهو يمه ماتمرين بيت ام فلانه وشوي وده يقول واسير على امها وعليها <<خراب
وعليها مرت سنين والحلم يكبر قيس وليلى المقاريد
فجاه البنت خربتها قالت وش رايك نتزوج << يافالحه تحملي ماجاك وخل الحب ينفعك قال نحب نتزوج بلا بشكل اللي ماني قايلته وهو بعد نفسه يعرس ويجيه ولد طخمه ابو خدود يناديه يبه ابي ريال اشتري عسكريم <<< هنا مربط الفرس رياااااااااااااااااااااال
الوتر الحساس الريال خلا صاحبنا يبطل والبلا يوم يحلم طفله يطلبه ريال
الله يازمن الريال اصبح كابوس يخلي الواحد يبطل يصير اب من اصله ههههههههههه شر البليه مايضحك
بعدها الولد مدري الشاب مدري المعنس مدري اللي حب بنت شابه ثم عنست معه اصبحوا شيبان لازواج ولا ولد طخمه ولابيت ولاعيال مطاخيم ولاحتى زول هياكل بس اسم انه ينقال عيال ابو العيال مير ماهو بحاصل له لاطخمه ولاهيكل ولاحتى ابو يابو ولاهي بعد ام يأم
مرت سنين مغبرة لقيتهم صدفة بالشارع مير ماغير انط من بين سلكين واير لس<<< ههههه الواير لس له سلك اول مره اسمع عبالي لاسلكي خخخخخ
المهم انط من سلك المزيون الاعزب ابو شهادات خل الدفاره تنفعه
ثم من السلك الثاني ابو المزيونه العانس ام الاحلام الورديه
واسمع قصايد الغزل والليل واخرها اكتشفت اكتشاف ختير ماره
انهم ماتزوجوا والسبب تافهه جدا

((( الولد تخرج ولازال عااااااااااااااااااااااااااااااااااااااااااااااااا ااااااااطل)))
يعني كيف بيتزوج ام المطاخيم وهو عاطل
ياهو بكوني ذول الاثنين قوة يارب وظفه<<< ودي احب واحلم مير اخاف القصه تتكرر
تدرون مانبي ام او اب وش لنا بالزحمه وزياده السكان خل نوفر الاكسجين اولى به
ويمدحون الكساله لانهم اذكى من الدوافير وحسبوها صح
عرض خاص::
عندك عيال كسالى لاتعقدهم انت محظوظ لأنك تملك نفسيات مفهيه وخل عنك الدفاره ام النفسيات ماربح منها الا عيادات النفسيه ندرس نتخرج ثم نفسيه
الله اكبر
اتمنى انه عندكم كلينكس علشان واثقه بتضحكون بتبكون من القصه
دمتم سالمين