الأخوة الكرام ابناء وزوار القبابنة
السلام عليكم ورحمة الله وبركاته
قصيدة لاتقل عن المعلقات
ان قلتم انها معلقة فهي معلقة بمعانيها الباسقة
وان قلتم انها محاضرة فهي محاضرة بماتحتويه من شرائد الكلام
وان قلتم انها نصيحة فهي فوق ميزان النصائح ولكنها تمشي في كنفها
اتمنى واتمنى واتمنى من كل زائر قرائتها الى نهايتها
فقد يجد فيها اكثر مما وجدته فيها اترككم مع احدى معلقات الخلاوي غفر الله له
من عاش مثلي في الملا دوم يبتلى=والاحرار ماوى كلّ بلوى ونايبه
ويازي من الاشعار شعرٍ مذبذب=لا فاز بالدّنيا ولا الدين فاز به
شعرٍ يموت وصاحبه حي ما فني=وشعرٍ يعيش بحد ما عاش صاحبه
متى شاب راس الشاب وابيض لونه=قد فات من عمر المعنّى أطايبه
إلى فات له يا صاح سبعين حجّه=فما البيض في لاماه بالعون راغبه
ولا تعفو عن من لا يرى العفو منّه=فالضد عفوٍ عنه يقوي رغايبه
فلا طاعك إلا من فرى الزّان جنبه=ولا هابك إلا من وطى السّيف غاربه
وحريب جَدِّك لو صفا ما يودّك=وعيناه لو تبكي لك الدّم كاذبه
فاحْذَرْ حريبك في الملا فَرْد مرّه=واحذر صديق السّو ألفٍ تحاط به
ومن هان نفسه للملا هان قدره=حتى تشوف الذّر يسعى بغاربه
ومن لا يعدّي عن مراعي جدوده=بالسيف عِدّي عن مراعي ركايبه
وحذراك تبقى راس من هان قدره=فكم فارسٍ أفناه من لا يقاس به
وراسٍ تقصه تكتفي باس شَرَّه=وروحٍ بلا راسٍ فلا جات حاربه
وترى ابرك ساعات الفتى ما بها الفتى=وما فات مات وساعة الغيب غايبه
والعمر عِدّه عارةٍ ولْد ساعه=إلى فات هل تعطى لعمرٍ يعاض به
فاغنم متى لاحت من الوقت فرصه=وان هبّ نسناسٍ فاذر في سوايبه
وحياةٍ بلا عزٍّ محا الله حظّها=حياة الفتى ما فاتها العزّ خايبه
فالذّل داءٍ للضّواري يسلّها=كما سَلّ داء السَّل معلوق صاحبه
حياةٍ عداها العز والمجد والثنا=حياة العنا ليست لْحرٍ مناسبه
فلا بالتمنّي تبلغ النفس حظّها=ولا بالتّأنّي فاز بالصّيد طالبه
ومن لا يعدّي عن حياضه تشرَّع=ومن لا يكرِّم لحيته حِلْق شاربه
والى حلَلْت بدار قومٍ فدارهم=مراعاة قول الله وفي الشرع واجبه
والدار ما يِحْصَرْ عليها وليدها=دار الفتى ما طاب فيها مكاسبه
ومن الراي يا مشكاي خمس تعجَّل=ونقصٍ تأخّرها جرى بالتّجاربه
الجذّ والتزويج والحرب للعدى=والفرض والقر الذي في مواجبه
والملك تاج ما له إلاّ المصونه=ومن لا يصونه ينزع التّاج واهبه
وامر الفتى في عالم الذّر قِدْ مضى=وما صاب ما اخطا وما اخطاه غايبه
والارواح زرعٍ والمنايا حصيدها=والموت عِدْ وزرع الارواح شاربه
ولا يَدٍ إلاّ يد الله فوقها=ولا غالبٍ إلاّ له الله غالبه
فالى الحر صار العار والذّل حَظّه=فالموت ستر له يغطّي معايبه
اشتر تبيع ونافِسْ الناس في الشرا=وحذراً تغرّ وخايب الخال جانبه
وترى شور من لا يستشيرونه الملا=شمعة نهارٍ في ضيا الشمس ذايبه
وترى النصايح في البرايا فضايح=كم ناصحٍ اضحى له الناس عايبه
واهل الزّمان الخير فيهم بضدِّه=والشر خيرٍ ما تأمّلت غايبه
والسالم اللى كَفّ خيره وشَرّه=ومن لا يسوّي خير ما جاه نايبه
وسِلْت الزمن وقلت: شِفْ لي مساعد=صديقٍ يناوبني على كل نايبه
تعذَّر زماني واعتذرني وقال لي=مرامك رجالٍ تحت الأجداث غايبه
كثير الورى قد حوَّل الله حالهم=على الدّار والدّينار في الله كاذبه
ومن عَزّت الدنيا قريبٍ تذلّه=ولو كان عزّه بالثريّا مناجبه
فلا خير في مالٍ عن الله شاغل=ولا خير في دنياً عن الله حاجبه
فدنياك لو لك بايعت لاتغرّ=غَدّارةٍ تفري حشا من تصاحبه
اختر سنام الكُوم واحْذَرْ بطونها=ومن يشتري مشرى تداناه خان به
خليلٍ على الشِّرّات ما يستعِز لي=أعدى عداتي باسطٍ لي مخالبه
خليل الجفان ومظهِرْ الود فان خلت=تخلّى فكلب الكلب من لا يحاربه
ومن حَب شيٍ لازمٍ بيطيعه=وينقاد له قود النّضاة المداربه
متى النفس لم توقي من الله شَحّها=فلا للتّقى والدين والعِز طالبه
ومن كان ذا مالٍ ولم يكسَبْ الثنا=فلا المال موفورٍ ولا الحال كاسبه
ولا خير في حالٍ غلا المال دونه=ولا خير في مال حوى ذم صاحبه
وما المال إلاّ ما به الحر يتّقي=مذمّات أفواه البريّات جانبه
وما للفتى إلاّ لبوسه وقوته=وما قدّمه لله في يوم واجبه
وقلب الفتى وان كان ما فيه واعظ=ولا من حديث المصطفى لان جانبه
ولا من كلام ذاب لجبال يا فتى=ما يتِّعظ لو شاف الاطواد ذاهبه
ولا ضر بدر التِّمْ في رابع السما=ما بات كلبٍ نابحه في غياهبه
ولا ينكدر بَحْرٍ ولا ضَرّ موجه=لا ضفدعٍ بالت بطامي غبايبه
ولا عاب قومٍ قَطْ إلاّ حسودهم=ومن عاب شخصٍ عاجزٍ من مراتبه
ومن عاب شخصٍ قبل يبصر بنفسه=زيرى فيه مالا ينحر من معايبه
وكم حافرٍ بيرٍ خباها لغيره=فامسى خديعٍ ذاق فيها معاطبه
ترى حسد الحسَّاد ما ضر غيرهم=ولا حاق مكر السّو إلاّ بصاحبه
والحر ما ضاقت به الخد والفضا=وفسيحٍ ولا فخٍّ للاعدا يصاد به
ولا خير في جارٍ متى ضيم جاره=زولا في خليلٍ بات مضيوم صاحبه
والناس من طينٍ ترابٍ معادن=منه الكرام ومنه سَفْلٍ زلايبه
والاطباع تارِدْبالفتى مارد الرَّدى=وما الدّين والدنيا والاطباع خاربه
والطّبع عضوٍ في ابن آدم مْرَكَّبْ =والاطباع للتّطبيع لاشك غالبه
ومن به جِبِلاَّتٍ من الله حطّها=تزول الرّواسي والجِبِلاَّت ناصبه
وايّاك مد الكف للكف يافتى =ولاّ ليمنى مالك الكون قاطبه
ولا يَدٍ تجود إلاّ عزيزه = ومن جاد ساد وكف يمناه غالبه
فلا عاقلٍ إلاّ جليلٍ مكرّم = ولا قانعٍ إلاّ يحبون جانبه
والاطماع ذلٍ والقناعه معزّه =والصدق نورٍ والتقى صان صاحبه
ومن لا يكون غْناه في داخل الحشا = فالطّرف ما يملاه إلاّ ترايبه
ومن هَوَّن الدنيا على النفس هانت=ومن شالها حملٍ به النفس تاعبه
ومن شال حملٍ فوق ما النفس طاقت =ضلّ القدا واخطا من الراي صايبه
ولا صحّة الإنسان تبقى مدى المدى = لابد من بلوى ونوبات نايبه
ولا شي إلاّ له من الله ضِدّه =فلا حال بالدنيا على حال دايبه
العرض العادي
