موقع القبابنة لوحة تحكم العضو البحث تواصل مع الإدارة  




العودة   منتديات القبابنة منتديات متنــوعـــة إستــراحة المنتدى

إستــراحة المنتدى الطرائف والتسلية

سبحانيت عاشق نجد


إضافة رد
 
أدوات الموضوع انواع عرض الموضوع
قديم 09-10-2009, 05:56 AM   رقم المشاركة : 1
عضو مهم






عاشق نجد غير متصل

عاشق نجد is on a distinguished road


 

سبحانيت عاشق نجد

الله مير يسلمن ويسلمكم
تبون السالفة خذوها من وانا عاشق نجد مع انوه ضايقن قليبي بعد خروج الاخيضر اويلاه ماصدقت على الله ابيي يقول دوك هالسطيلات وانهج للرياض واياني واياك تتاخر شكله عقوبه مير وامر صديقي ولد الربدي واخذوه معي وسيده للملعب بلا سطيلات بلا هم وغثا بال واطربل الهايلوكس واسفط بمواقف الملعب انا وسطيلاتي الله لايعيده واجيك طاق البكار والتتنه :a018: اخر كيف وولد الربدي على بالوه مشخص بطاقيت الزري من قدوه معوه كامري المهم يابكبدي حكي مير انطقت من هلفشيله
نسيت السبحانيه من القهر لكن ابتذكره هالحين وامسط بجد جده بهلستراحه غدينا نفرفش وننسى المكافاه مدبوله وخطه علميه محكحكه :h035:
يقول الشاعر مره من المراريت السنين العجاف ( سنين نادي التعاون اللي من عرفتوه وهو بدرجة اولى والله اني أوي لوه مير الشكوا لله ) امحلت القاع بنفود الثويرات حول صعافيق
رحت انا وخوين لي تعرفونه ماعليه غطوه ولد الربدي ندور الربيع نجوب البراري والقفار غدينا نلقا عيشه :a050:
وحنا اللي نحجز بالطيارة على رحلت خمسطعش الصفرة يعني وقت الجن اللي بشعيب (ولد بداح ) :c040: مير يوم جت الرحله وحنا نطير رايحين لم موسكو شرق بقيق
المهم مالكم علي يمين قام واحد من الركاب وخطف الهايلوكس :e0025: قصدي الطيارة (ذبحتن الهايلوكس من كثر ماهبلتبي ) وحنا نفزع انا وولد الربدي ونفك الباب ونجدع ونحلت الخاطف برى الطيارة ونسكر الباب :e025:
وبعد شوين الا هذا مطار الثويرات الجديد اللي مسوينه ربعنا قبل خمسسنين بموسكو شرق بقيق
الزبدة والقشطة والله وصل رمضان يالربع الله الله بالتطلي ودزوه بالتوت الاصلي من شان يزحلق مضبوط
المهم تجيكم السالفة يوم نزلنا وحنا نمشي ونمشي وردد ياليل مطولك لمين ضعنا بالغابات اللي كله بياض وثلج
يوم شفنا الدعوى خندريس وخمبقة وحنا اللي نسوي كوخ ونشب النار وجلسنا نتعلل وبعد شوين طفينا نارنا ونمنا
يوم صحينا الصباح وبغينا نولع النار والله مابوه كبريت وحنا نقوم نتدسدس ورى الشجر :a042: وندور الشمس نبي الدفا ( تقل بنا بلاء )
إلا مافي فايده وش الحيله وش الدبره شوين إلا والله وانا خابرن جدن لي يوم ذبحه البرد قام يطررررد بالذيابه علشان يذبحه ويتدفا بجلده
وقامت تراودن هالفكره المهم اني رحت ادور على ذيب الا على طاري الذيب احد شاف القطو الي بتوقيعي شكله نظلن (ولد بداح ) تكفون ان لقيتوه ردوه لمكانوه الزبده تجيكم السبحانية وادور ذيب من شان ندفا بفروه انا وولد الربدي (امحق خوي ) لقطت غليص
رحت ادور وادور وادور لمين لقيت هاك الذيب الجذع الأشهب ( تقل ذيب حد الرهيف ) الي قبل وقت بتوقيعوه شفتو اني مذاكر زين والله وانا اندس ورا الشجره واقعد اسوي صوت ذيبه ( حرمت الذيب يعني زوجتوه بالعربي )
وهو يلتفت ويقرب لمي شوي شوي وانا مندس لكن اللي فضحن كانت معي بارود وارثه من جد ابو خال ولد جدت ام ولد الربدي
المهم انه شاف طرفوه وهو ينحاش وانا الحقوه وهو يركض وانا وراوه
لمين طق طبلونه وفصل انبيره وانا اجيبوه وصارت خشتي عند خشتوه مره هو يطالعن :k015: شوي ومره انا اطالع بوه
ومع الركض حسيت بالدفا قلت خلاص مابي الذيب خله يولي
الله الله ماعلي زود صح بدنك صح لسانك والله يهلخيضر مضيقن قلبي لافوز ولا بيع سطيلات
المشكلة وشهي بوه الذيب جاع من كثر الركض وصار هو اللي يبينن هالحين دبر نفسك عاد صار يلحقن عقب ماني الحقوه
والله وانا ادز دزت الهايلوكس (تعرفون دزت الهايلوكس انشدو ولد امير الشمل عنه ) بالله وين طس دوروه لي المهم وهو داز وراي وانا اجدع البارود الي معي واحلتوه لانه كان مثقل علي واهج لمين تبت وانا اوقف والتفت للذيب ولما قرب ونط علي وانا اصك ايدي وارشموه (اضربوه)على خشتوه :a045: وهو ينصرع مير واتركوه وامشي عنه واخليه بمطاحوه
مير والله وانكس لم ولد الربدي يامير والله ماهو بمحلوه قلت اكيد اقلع بالهايلوكس ومع تدويرتي عليه والقا دب جالس ينقش بسنونه ( توه طالع من مندي السعيد ) ودريت انه ماكل خويي
وانا اجيه وماكان معي سلاح الا ناب من انياب الذيب اللي نشبت بيدي يوم رشمتوه
مير واخذ الناب وافقع عينوه ( علشان كذا طلعو قصة الدب الاعور وترى انا الي فاقع عينوه ) من الفسقه :c040:
المهم اني شتوه بوز برجلي من بطنوه وهو جالس يطارحن وانا اطارحوه وغلتوه ( خنقتوه ) لمين توفى الله يرحمه ( هذا الدب لاتحسبونه ولد الربدي )
مير وانا اشق بطنه واطلع خويي وامطخوه هاك المطخه :e025: مع خشيشتوه وحنا نصلخوه ونتدفا بفروه وسويناوه مندي بالأرض
والله وحنا ننكس على اقرب طياره للشام ويوم نزلنا يابعدي ونشتري بعيرين فل كامل فتحه وجلد مخمل وازارير كرهب وننكس لم ديرتنا الثويرات وصعافيق وماحوله الا هالتطور والسيارت والعماير والتنكلوجيا والغلا وحمايت المستهلك نيمه مدري وينهيبوه والاجارات بالهبل والوظايف انسه امل بليس بالجنه الا اذا عندك واسطه ووغادينا بالشوارع هجوله وصرقعه ذبحهم الجوع وياليل مطولك والهايلوكس تحت الأثله تنتظر
عاشق نجد

 







توقيع :

[img]
[/img]
  رد مع اقتباس
قديم 09-17-2009, 10:43 AM   رقم المشاركة : 2
عضو متميز





ولد العناقيد غير متصل

ولد العناقيد is on a distinguished road


 

الله يعطيك العافية عليك قصص غريبة وتونس انا من اشد المعجبين لكتاباتك الترفيهية

 







  رد مع اقتباس
قديم 09-24-2009, 11:27 AM   رقم المشاركة : 3
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

الله من قل الدبرة خل راعي الشعيب ينفعك وإلا تدري
دق بيجر على ولد أمير الشمل

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس
قديم 09-25-2009, 02:21 AM   رقم المشاركة : 4
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

زين سويت فيه غلته , حيلك فيه ودير بالك على ذيبى تراه وداعه عندك ههههههههههههههههه

 







توقيع :

  رد مع اقتباس
قديم 09-29-2009, 11:50 AM   رقم المشاركة : 5
عضو مهم





فيصل القباني غير متصل

فيصل القباني is on a distinguished road


 

الله يلعن ابليسك على هالسواليف

 







توقيع :

تباعنا يبغونا تبع لهم=ياعنك ما فيهم مشير وعارف
إذا نزلوا الشعب ننزل مفيضه=متنطح منهم محيف وضايف
  رد مع اقتباس
قديم 10-17-2009, 09:20 AM   رقم المشاركة : 6
عضو فعال
 
الصورة الرمزية التنديل





التنديل غير متصل

التنديل is on a distinguished road


 

ارسي ياطيب لاتبطي علينا

 







توقيع :

[align=center][/align]
  رد مع اقتباس
قديم 10-25-2009, 08:33 AM   رقم المشاركة : 7
عضو مهم






ولد الدلم غير متصل

ولد الدلم is on a distinguished road


 

من جد فاضي هههههههههههه

 







توقيع :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا حبذا دلم والساكنون بها=وحبذا أرضها بالعشب تزدهر
سهل خصيب به نخل وفاكهة=والخرج من قدم بالقمح تشتهر
إذا رأيت نخيلا والسيول بها=أبصرتها لجة فى وسطها شجر[/poem]

  رد مع اقتباس
قديم 10-31-2009, 07:56 AM   رقم المشاركة : 8
عضو فعال






حامل المسك غير متصل

حامل المسك is on a distinguished road


 

ابداع ياعاشق نجد

 







توقيع :

[align=center][/align]
  رد مع اقتباس
قديم 11-03-2009, 08:21 AM   رقم المشاركة : 9
عضو مهم





لورد غير متصل

لورد is on a distinguished road


 

خيال واسع واحلام سعيدة يابطل

 







توقيع :

  رد مع اقتباس
قديم 11-05-2009, 10:16 AM   رقم المشاركة : 10
عضو متميز






الزعيم المانلال غير متصل

الزعيم المانلال is on a distinguished road


 

قمة في الإبداع

 







توقيع :

[line3][/line3]
أشهد أن لا إله إلا الله وأن محمد رسول الله
  رد مع اقتباس
قديم 11-08-2009, 12:45 PM   رقم المشاركة : 11
عضو متميز





عمار غير متصل

عمار is on a distinguished road


 

الله يكفيك شر الفسقه

 







توقيع :

  رد مع اقتباس
قديم 11-17-2009, 09:21 AM   رقم المشاركة : 12
عضو فعال






بعيد المطاريش غير متصل

بعيد المطاريش is on a distinguished road


 

الحمدلله دامك سالم تهون

 







  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved