حادث عاشق نجد

هــلأ والله بالطيبين إناث ام ذكورا مسلمين ام مسيحين بالغين ام بزارين <<< تهور :c040:
اليوم الله يسلمن ويسلمكم مريت عليكم بعد غيبة طقن فيه البرد بباريس نجد (عنيزة) ياااااااااابعد قلبي وخلف بييي وأميمتي قلت اروح اتدفا عند اهل الرياض هالخميس وانكس للديرة وراي كشته بالمستوي والربع ينتظرون
لكن عند سالفتن حبيت اقول لكم إياه قبل النكسه ساالفه طلعت من رااسي وانا منسدح على كبووت الهايلوكس جو شاعري كتبت به كم قصيدة
المهم انا بقوول السالفه وارجووا انها ما تعجبكم
مرهـ من المرات من المرااير
كنت طاالع من المدرسه الله يذكر المطرسه آسف المدرسه بالخير والاستاد مدحت ياحنا شيبنا به يوووووووه :c040:
والا يجي وااحد يطقني ويطيح الشنطه حقتي ويطيح درووسي وانا اللي افز فزت الهايلوكس
ونااظرته نظرهـ تجعل القلب يتنتف من الخووف <<< ياا زينن سااكت
ويووم ناظرته قاال خير تنااظر قلتله لييه تتطيح شنطتي ؟؟
قال با الغلط قلتله ثااني مرهـ انتبه لا تغلط <<<<< تراني الحين قااعد اخووفه
وقال وش تهددني قلت أيه اهددك <<< اخــس
ويقوم يسطرن بكف قعدت اتمضمض بضرووسي :c040: من قوت الكف
وقال انقلع وياويلك ان صقعتك با الغطلط <<< مدري كيف تجي بس قلتله انشااء الله مير يطول عمرك
وبعدين حسيت ان جيب الجوال يدق <<< اموت انا ع الاحااسيس
وطلعته لقييت ولد الربدي الله يرجه رجت صميل ولدبداح:c040: ذبحن الله يهديه بهالرجه
الزبده لقيت ولد الربدي دااق علي ::: المحاادثه :::
ولد الربدي : الوو
عاشق نجد : الوو
ولد الربدي : هــلأ والله وش اخباارك ؟
عاشق نجد :: بخير <<< ماله خلق يهرج
ولد الربدي : وش فيه صووتك كن واحد معطيك كـف <<<< با الله علييييييييك
عاشق نجد : لا ما صار شي ايه وش كنت تبي ؟
ولد الربدي : اقول العيال بيمشوون عنيزة تخاوينا <<< عنيزة : هي مدينه سااحليه :c040:
تعج با السكاان والسياح وتشتهر با لمكتومي والبرحي
وتوجد بها كثير من المطااعم مثل : كودو وكوُدٍٍوُ و كٌٌوُُدوو وبيتزا هت تحت الانشااء
عاشق نجد : ايه خلاص تعال مرن عند المدرسه
ولد الربدي :زين انا با الطريق وقفل السماعه
ويوم حطيت جوالي في جيبي جاان الهندي حق المقصف يقولي انتا باقي 2 ريال ما فيه رجــع وانا اقووله بعدين
ويوم قلت له بعدين شب علي وقام يناافخ وراح اشتكى علي في القسم
وتجرجرت في المحاااكم الين قاام القااضي زهق من القضيه ودفع ريالين من عندهـ :c040:
وش اسوي لاوظيفة ولا شي طبعن هالحين
الزبدة طلعت من المحكمه ولقيت العيال وولد الربدي ينتظرونن عند الباب وركبت معهم ودزينا عنيزة
طبعاً المساافه يجيلها 320 كيلو يعني سااعه ونصف سااعتين با الكثير هذا على الهايلوكس اما على البورش الله العالم من خمس الى ست ساعات
وحنا في الطريق <<< حنا والا زيت خروووع :c040:
انفقع علينا الكفر وطبعن كنا نمشي 180 (هايلوكس قديمه وغمارتين ونمشي ميه وثمانين الله من التنسيم )
الزبده ما فيه امل نووقف السياارهـ يعني متقلبين متقلبين
ورحت انا طلعت رجلي من بااب السيارهـ وشت الشاارع <<<< اللي يبي يسأل عن نوع الحليب اللي اشربه تراهـ حليب السعوديه
المهم وقفنا السيااره بدوون إصاابات بس ولد الربدي توفى وولد ذا الثاني مات وولد ذاك الثالث غيبووبه
وبعد سااعه كلهم قااموا انكتبت لهم الحياهـ <<<< يبي يصررف بس ما يعرف
المشكله ما معنا استبنه وتوهقنا
وش نسوي وش نسوي ما فيه الا ندق على واحد يجينا بس ما مع احد جوال كلهم بيااجر << طيب الجوال اللي كان في جيبك وين رايح واحد فطين على باله يسألن
طلعنا على الشاارع نبي نوقف احد اذا اشرنا يرمون علينا علب قشطه وعلب منااديل << يوم يقوول قشطه كاان مشتهيها
ما فيه الا حل واحد نرووح رجليه لعنيزة << والله لو ان عنيزة بااريس <<< وانا اشهد انها بااريس نجد << أيه با الحيل
ونمشي لنا 800 كيلوو <<<<
وطبعا تعدينا عنيزة بـ600 كيلو بس وش نسوي كنا قويين <<< با الله
ايه ورجعنا لعنيزة بس ندوور بيووت ما لقينا شي
وفجأهـ اصبح الجوو ظلاما << الجو وظلام ما تركب بس وش اسوي الثقافات لاعبه فين لعب
ندوور سيارات ما فيه ندور اواادم ما فييه احد وش صاير
وين ديرتنا وين ولد امير الشمل :c040: يفزع ما فيه وين الحياييل اختفت وبدينا نصيح ونبكي على فقداان هذه المدينه
العظيمة وفجأهـ << يا كثر ما بتفااجأ سمعت صووت محرك سياارهـ يشتغل وكانت حراارته تحرق ظهري
واسمع صووت بووري واقووم واناظر تحتي الا اني على كبووت السياارهـ وفيه كم شعر بيت في يديني
وطلع ها لهرج كله من هااجسي وخياالي <<< انا انولدت فيلسووف احلى يوسف الثنيان على غفله :c040:
ماذا نستفيد من هذهـ القصايد قصدي القصه ؟؟
1 - إذا جيت تنسدح على كبووت السياره لا تنسدح على ظهرك
2 - أعطف على اللي اصغر منك ولو بنقالي
3 - النووم مبكرـا عند الساعه 8 ليلاً <<<<< رااحـ بعيد الاخووو
4- إذا شفتوا مثل ها المواضيع عليكم بقوول الاتي ( اللهم عاافنا ولا تبتلي عاشق نجد )

 

هلا بالطيب الغالي = عزيز وشوفتك منوه

وبن الغيبات تروح وتخلي ولد الربدي عندي والانسيته وش اخبار مكه
الظاهر من اعتمرت وانت مادخلت نت ترى مهوب حرام:c040:
اما الفائده راعيها ابخص

 

عاشق نجد

مرحبآ الــف بعودتك وين الناس

موسم التمر الي كان ماخذن وقتــك اانتهــى وستبشــرنى خير

قلنا خلاص الرجال بيتواجد معنا على طول وبنستمتع بكتبــاته وقصصـــه التي

لاتخلــو من المشاكل والمصائب

 

الحمد لله على السلامه
على فكرة عاشق نجد ولد بداح يبي مساويك العمرة
وإلا تدري خلها مع مساويك الحج

 

ابوخالد اي مساويك الله يهديك الرجال يالله شفناه وتقول مساويك
ياخوي احولت عيوني وانا اطالع اللي يبيعون في شوارع الرياض
ورحت لبريده ولقيت كل الديره هايلوكسات:c040:
وكلها فيها سطول وسبحان الله لهجتهم وحده
وشبهم واحد كل ماشفت واحد قلت وصل عاشق نجد

 

الا عاشق نجد عندنا تحديث معلومات وانت عنوان سكنك من عرفتك وهو نفود الثويرات
الا على طريا الثويرات عسى مهوب عيال ...............:a046:
المهم حدث المعلومات
اسمك الأن :a0200:
عنوان السكن :a050:
البريد الألكتروني هذه اذا عرفته الكتروني
الا صحيح تقدر تقولها عشر مرات :c040:

الله يذكرك بالخير والله اني مشتاق لك

 

هلا بولد بداح هماك ( حلوة هماك :c040: ) تقول من اعتمر وهو مادخل النت
يعني ماجاب لك مساويك وبعدين قلت خله يجمعها مع مساويك الحج ويضيف عليها المسابيح هذا إذا حج :c025:
عمره وتخب عليه أستغفر الله العظيم
ولد بداح أي اللي يبيعون الرجال مختص بالتمر لا تروح بعيد وبعدين لا تروح لبريدة إلا وأنا معك
تراي أعرف سيارته مسحب السست :c040: أما من ناحية اللهجة لاتخاف عندي كورس فيها

تامر شي ثاني

 

ولد بداح الرجال شكله طاق خيمه هناك ومسميها سطول الثميرات ماتبينا نسير عليه :c040:
وبعدين يالله يتخارج مع الهايلوكس لا غرزت تبيه يتخارج مع البريد الكتروني
إلا هذي تكفى لايقولها عشر مرات أخاف يجيب العيد يازينه ساكت :c040:

 

:c040: :c035: ههههههههههه :c040: :c035:
ابوخالد الرجال صرنا نمون عليه بالحيل
.
.
.
.
عاشق نجد لاتزعل من فرحة الواحد بجيتك صار يمون
سلمني على ولد الربدي سلام واجد
وباقي الشباب
وبسير عليك انشاء الله في نفود الثويرات
وبنجيب لك نياق
عندنا الناقة الي حملها ولد امير الشمل
اطلق الشماله واحلب وتراها بتعطف عجله
طيبة بالحيل

 

والله صدق يا ولد بداح صرنا أهل محل نمون :c040:
وزين إنك سلمت على ورد الربدي يستاهل رفيق دربه
بلاك ماتدري هو صاير مثل سهيل مايظهر إلا مره وفرصة نسولف معه
الله يرجه رجت صميلن :c040:
اخوي عاشق نجد لا تزعل وانا اخوك ترى ولد بداح مايعطى وجه :c040:

 

هههههههههه حلوه ماينعطى وجه

ان صار مثل سهيل زين لكن لايصير مثل صديق ابو نواف
مثل مذنب هالي ماتشوفه الا كل 80 سنه

 

ا

الله يرحم الحال

 

حى الله عاشق نجد , اخبارك وعلومك دايما تبطي علينا , رجاء خاص لاتغيب عنا , ياهلا فيك وفى سوالفك وسلم على ولد الربدى . تحياتى لك

 

ولد بداح العروان محمد القباني حد الرهيف الله مير يسلمن ويسلمكم على المرور وعديل الروح الله مير يرحمن ويرحمك بس ولد بداح ومحمد القباني حاطينن مطنزه الله مير يهدينن ويهديهم شكل ماعندهم شغله