موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة عـذب الكـلام

عـذب الكـلام شعر , خواطر , نثر

قصيده نادره للملك فهد طيب الله ثراه


إضافة رد
 
أدوات الموضوع انواع عرض الموضوع
قديم 08-14-2009, 01:59 PM   رقم المشاركة : 1
عضو فعال
 
الصورة الرمزية الدبلوماسي





الدبلوماسي غير متصل

الدبلوماسي is on a distinguished road


 

قصيده نادره للملك فهد طيب الله ثراه

قصيدة لخادم الحرمين الشريفين الملك/فهد بن عبدالعزيز- رحمه الله-عندما كان مريضا في لندن في شهر شوال من عام 1385هـ، حيث بعثها الى المرحوم الامير/ فهد بن سعد يشكو فيها قساوة المرض،،


يابو سعد صارت على اخوك غارات=شهرين اقاسي مـن شديـد الغرابيـل
سو المرض يحمل على اخوك حملات =مافي يدي حيله ولا في يـدي حيـل
والله فزع من فوق سبـع السمـاوات =وانا احمد الله يوم صـارت تساهيـل
ماينفـع الخايـف والايـام عجـلات=الخوف ماينفـع ولا القـول والقيـل
حنا هـل العوجـا ولا بـه مـروات=شرب المصايب مثل شرب الفناجيـل
لاشك انا مشغول في كـل الاوقـات=على الـذي حنـا بظلـه رجاجيـل
ماني على نفسـي كثيـر الحسافـات=لاسلم راسه روسنـا رفـاع بالحيـل
حامـي حمانـا بالليالـي المخيفـات=لـو صـار بالعالـم كثيـر الزلايـل
فخـر العروبـه بالعـدل والمسـاوات=هذاك هو فيصـل ولا فيـه تشكيـل
يشهد له اللـي شاهـدوا منـه ليـات=ويشهد له التاريخ جيـل بعـد جيـل



فأجابه الامير فهد بن سعد رحمه الله بهذه القصيده :



يامرحبـا بكتـاب زبن المـخـلات=اهـلا هلابـه عـد وبـل الهماليـل
حمدت مـن زال الكـدر بالمسـرات=فكاك مـن صكـت عليـه المحابيـل
فـزع لـك اللـي عالـم بالخفـيـات=مبري جروح ايوب غيـث المراميـل
لعل مايزعج علـى فقـدك اصـوات=ولعلهـا لـك يابـو فيصـل تماهيـل
الله يجيرك مـن صواديـف الافـات=عسـاك تسلـم ياعشيـر المشاكـيـل
ماانـت برخيـص ياربيـع القرابـات=لو هي بالايدي كان دونـك حلاحيـل
ترا لنا بـك يافتـى الجـود هقـوات=في وقتنا الحاضـر وباللـي مقابيـل
يفـداك ربـع قصـروا بالمهـمـات=اللي علـى القـالات ماتنطـح الشيـل
بعض العرب حي ومن عرض الاموات=مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات=هو درعنا الضافي الى ضدنـا الميـل
اللـي نقـل عنـا حمـول ثقـيـلات=راس الحصيـل ان كملـن الحصيـل

 







توقيع :

  رد مع اقتباس
قديم 08-15-2009, 02:13 AM   رقم المشاركة : 2
مشرف يا هلا فيك والرياضة للجميع
 
الصورة الرمزية سعد بن عبدالله






سعد بن عبدالله غير متصل

سعد بن عبدالله is on a distinguished road


 

الله الله

الملـك فهـد بن عبدالعزيز .. رحمـه الله عليــه ..

بيـض الله وجهـك إْخـوي .. الدبلومــــــاسي ..

 







توقيع :

سعد بن عبدالله القويزاني .
  رد مع اقتباس
قديم 08-16-2009, 05:30 AM   رقم المشاركة : 3
عضو فعال
 
الصورة الرمزية الدبلوماسي





الدبلوماسي غير متصل

الدبلوماسي is on a distinguished road


 

اقتباس:
المشاركة الأصلية كتبت بواسطة سعد بن عبدالله مشاهدة المشاركة
الله الله

الملـك فهـد بن عبدالعزيز .. رحمـه الله عليــه ..

بيـض الله وجهـك إْخـوي .. الدبلومــــــاسي ..
الله يبيض وجهك... وشرفني مرورك..أخوي سعد

 







توقيع :

  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved