أمرك علي معصي ومطلبك مرفوض

أمرك علي معصي ومطلبك مرفوض=وأنت الذي تقدر تسويه سوّه
حبل ٍ ربطني فيك منقوض منقوض=أما رضى وإلا نقضناه قوّه
عجّل وفارقنا ترى القلب ممروض=وشلون أجالس شخص مابه مروّه
غرتني الكشخه وشفت الشعر فوض=وأثر بلا بعض المخاليق جوّه
ياعل ما أنته لي بذاك البشر عوض=وبيت ٍ سكنته عجّل الله خلوّه
ياكثر بغضي لك ولاني بمحظوظ=مثل العدو اللي يقابل عدوه
إن غبت عن عيني فلا أنته بمحفوظ=وإن جيت أبا أقابلك ماقلت قوّه

الشاعر / علي القحطاني

 

الله الله بيض الله وجهك يابوحالد اختيار موفق
صح لسان الشاعر المبدع علي القحطاني
سمعت ان فيه قصايد بينك وبينه يابوخالد نبي منها ابيات

 

صح لسان الشاعر علي القحطاني ومشكور محمد على النقل وانا مع كلام اخوي ولد بداح ولا ازود عليه

 

إن غبت عن عيني فلا أنته بمحفوظ
وإن جيت أبا أقابلـك ماقلـت قـوّه


والله قوية
صح لسان القحطاني ومشكور محمد القباني على المشاركة

 

”	المشاركة الأصلية كتبت بواسطة ولد بداح الله الله بيض الله وجهك يابوحالد اختيار موفق صح لسان الشاعر المبدع علي القحطاني سمعت ان فيه قصايد بينك وبينه يابوخالد نبي منها ابيات

صح بدنك ولد بداح وطلبك مجاب قريباً
أشكرك على المرور

 

”	المشاركة الأصلية كتبت بواسطة مهنا صح لسان الشاعر علي القحطاني ومشكور محمد على النقل وانا مع كلام اخوي ولد بداح ولا ازود عليه

صح بدنك مهنا يعطيك العافية على المرور والتواصل

 

”	المشاركة الأصلية كتبت بواسطة المها إن غبت عن عيني فلا أنته بمحفوظ وإن جيت أبا أقابلـك ماقلـت قـوّه والله قوية صح لسان القحطاني ومشكور محمد القباني على المشاركة

مشكورة أختي المها على المرور