لي بنت عم ٍ ما وطت درب الأدناس

سالفتنا هذه المرة وقصيدتنا نسبت لكثير من الشعراء وكثر اللغط والجدل حولها إلا أن أكثر الرواة ينسبونها للشاعر شرعان بن فهيد بن ثاران الرمالي الشمري وتدور أحداثها في قصة عشق بين الشاعر وبين إبنة عمه إلى وصل الامر إلى الزواج وكانت هذه المرأة من أجمل بنات قبيلتها وعرفت بجمالها الكبير وعرف الشاعر شرعان بحبه لها وكان النساء في ذلك الوقت يجلبون ويروون الماء من البئر وكانت تذهب هي وخمسة من بنات قبيلتها وذات يوم أتاهم قاطع طريق وطلب أن يقبلهن واحده تلو الأخرى وإلا سيقوم بقطع ( قربة ) من ترفض ووافقن جميعهن إلا هي لم ترضخ فقام بشق ( القربة ) وخوفاً من الفضيحة قام باقي النساء بإشاعة خبر بين القبيلة أنها مكنته من نفسها ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الأمر إلى الشاعر شرعان وقام بتطليقها لكنها كما يبدو بينونة صغرى يستطيع أن يسترجعها من خلالها وبعد مضي ( 3 ) أشهر جاء قاطع الطريق وبيّن حقيقة الأمر وعندما علم شرعان بالحقيقة ذهب إلى عمه لإسترجاع زوجته لكن عمه رفض في البداية فكتب الشاعر شرعان الرمالي هذه القصيدة التي كانت سبباً في عودة زوجته إليه ويقول فيها

ياراكب ثنتين يشدن الاقواس=من دار ريضان الحجر حركني
مافوقهن كود الدويرع وجلاس=وسفايف بين اربع يلعبني
تحركن من عندنا حين الامراس=ومضى سواد الليل مابركني
حطن علم عذفا يسار من الرأس=والظهر مع ورد الحفر يشربني
وحطو لهم مع هقلة الحضر بلاس=عن الحضر واللي بالخلا يسرحني
وليا لفيتوا عند مدقوق الالعاس=الجادل اللي بالمحبه محني
قولوا على حبل الرجا نطوي الياس=والبيض غيره كلهن يحرمني
ولو يندوي جرحي دويته بزفواس=ولا بني رفاف البيت منكم ومني
والله يعلم بالخفايا والآجاس=حيث مضى من صغر سنك وسني
وياعمي اللي طعت بي هرج الانجاس=طاوعت هرج الناس واخلفت ظني
أطعت بي ياعم دايس ودرباس=وعوارض صدقتها وابعدني
ومن لا اخذ من درس الاسلاف نبراس=تمضي حياته بالرجا والتمني
واقفيت ادير بضامري كل هوجاس=على وليف بالحشا غاب عني
تكبي خواطرهم ليا جيت عساس=ولا قل انا منهم ولاهم مني
ومريت دار ما تقل جنة الاوناس=وونيت ودموع العيون ذرفني
جيت المراح اللي به العشب محتاس=العشب في مضرب وساده معني
محذا سماد النار ومشاقة الراس=وثلاث لايبكن ولاينبكني
لي بنت عم ٍ ماوطت درب الادناس=ولا دنست يوم النساء يدنسني
ضربتها وانا احسب الضرب نوماس=طلقتها يوم اخفت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبي على ذيب الاخماس=يسرح مع الطليان ما يجفلني
ولو ينشكي حبي على طير قرناس=اضحى الضحى بمويكره مستكني
ولو ينشكي حبي على قب الافراس=عيّن نهار الكون لا يفزعني
ولو ينشكي حبي على الميت ما ناس=يثور من بين النصايب يوني
ولو البيوت مشددينه بالامراس=عيّن مع الخفرات لا ينبنني
وحتى النجوم اللي مع الليل غلاس=لو ينشكي حبه لهن وقفني
ولو ان غوطة ( دم سلمان ) واضراس=يدرن بما قلبي لقلبه يكني
تلقى سهل جبة هضاب ومنحاس=وحتى الجبل بالقاع صار متثني
اشرفت رأس أضراس من فوق الاطعاس=ولا لوم طراد الهوى لو يجني
هليت دمع العين و أوميت بالراس=ورافقت كور العيس ياما ابعدني
ورفعت نفسي عن شبا كل وسواس=البعد أحلى من حياة التمني
انا زبون الحرد للخيل مدباس=يا كلشن شهب الشوارب نخني
نفسي تشوم عن التدلبح مع الساس=ولاعاش من هو عن رفيقه يكني
من شيدوا ( زينة ) على غيد واغراس=ليا نسيت رسومهم ذكرني
ياعم انا لي طلبة الراس بالراس=ياعم شوف رسومهم ماانمحني
ولو صرت ان القلاع ماشلت الاضراس=والموس ما يقطع بليا مسني
يا صار ماربعن على الراي جلاس=وجنحان طير السعد يلفحني
نصير دوم للصقاقير مدواس=مثل الذي اللي يسمع صفير المغني
والله يا لولا بكرة يابو ونّاس=حبه سكن بأقصى الضماير محني
والله لو هي ماتبيني فلا باس=لاشك خبثان النفوس طردني
وانا احمد اللي خالق كل الانفاس=وجعل وساع القاع مافيه مني
دار بدار ولا مناخات الانجاس=يا صار ما يمناك عينك تزني
في بلدة الغراف من جملة الناس=ولا نيب من يرجي الخلايق تحني
دار به الاكرام والطيب به ساس=دايم تذكرني ليال مضني

وبعد أن كتب هذه القصيدة ووصلت لعمه رجعت له الزوجة وعاشت معه

وإلى أن يحين لنا الموعد مع سالفة وقصيدة أخرى تقبلوا تحياتي
ودمتم برعاية رب العزة والجلال

 

مشكـــوووووووووووور على القصـــــــــــه والقصيـــده

 

صح لسانك يابوخالد , وصح لسان الشاعر , والله انها بنت رجال , يستاهلها وتستاهله , قصيدة جزله من شاعر مفجوع بظلمه لزوجته العفيفه الشريفه ,,, بأنتظار المزيد من نوادر القصص ,, تحياتى لك بوخالد .

 

العفو العروان على المرور تحياتي

 

”	المشاركة الأصلية كتبت بواسطة حد الرهيف صح لسانك يابوخالد , وصح لسان الشاعر , والله انها بنت رجال , يستاهلها وتستاهله , قصيدة جزله من شاعر مفجوع بظلمه لزوجته العفيفه الشريفه ,,, بأنتظار المزيد من نوادر القصص ,, تحياتى لك بوخالد .

هلا بك حد الرهيف وصح بدنك
عاجز عن الشكر لتواصلك ومرورك الجميل
لك خالص التحيات

دمت برعاية رب العزة والجلال

 

ابوخالد بيض الله وجهك وسلم يمينك على الموضوع المتميز

 

ماعليك زود أخوي الكبير ولد بداح
تقبل تحياتي وتقديري
على مرورك وتواصلك

 

ابوخالد هلابك
اليوم المداخلة هي على السالفة او موضوع القصيدة التي اختلف فيها الرواة
ولكن اتوقع ان الرواية الي اطلعت عليها هي الصحيحة لوجود رد على القصيدة

يقال ان الشاعر سعد بن مشعل المطرفي البلوي كان سعد يعيش مع زوجته حياة سعيدة
تسرع سعد وطلق زوجته فندم من ساعته ندما شديدا
وبعد مدة من طلاقه لها مرأمام منازل سبق أنهم نزلوها. فتحركت قريحته بأبيات
وتذكرالعشرة الانسجام والمدة التي عاشها معها وأنه الم يبدر منها خطأ كما
ذكرعفتها وأنها ماوطت درب الأدناس

هذه بعض الأبيات التي ورد بها خلاف عن الأبيات السابقة

نوخت سمحة فوق مزموم الاطعاس=أرمي نظرعينـي علـى قـد ظنـي
جيت المراح وشفت به مشعة الرأس=وذكرعلي أجروحـي اللـي مضنـي
شفت الثلاث اللي على الدارجـلاس=أبـا الخبـر منهـن ولا خبـرنـي
ياراكـب ثنتيـن يشـدن الأقـواس=من عند رمـان الحمـر درهمنـي
ما فوقها إلا الكور والخرج بقيـاس=و سفايـف بيـن أربعـة يلعبنـي
لي بنت عم ما وطت درب الأدنـاس=يوم أن خطوات النسـاء يدنسنـي
شتمتها يوم احسب الشتم نومـاس=و طلقتها يوم افخـت العقـل منـي
لو ينشكي حبه علـى طيرقرنـاس=يضحي الضحى في ما قعه مستكنـي
ولو ينشكي حبه لعجلات الامـراس=تنفر عن الحيـران مـا يرزمنـي
ولو ينشكي حبه على قب الأفـراس=عيـن نهـار الكـون لا يطردنـي

ويقال ان عمه هليل بن عيضه المطرفي والد زوجته أجابه بأبيات مماثله منها

قولوا لأبن مشعل خذ الهرج بقياس=ذي عـادة الأيــام لا ادبـرنـي
اللي معه ميز ونامـوس بالـرأس=يقدم لأهل عوص النظى كل فنـي
ويحط له بـن وهيـل ومحمـاس=ودلال في حـد الوريثـه أيجنـي
وحياة جلاب المطـررازق النـاس=يافيك نيـات الـردا مـا طرنـي
لكن ما أبغى اللمس في خاتم الماس=حيث أن فنـك مـا يباعـد لفنـي

وسلامتك يابوخالد وسلامة زوار الموضوع

 

اشكرك على ذا السالفة والقصيدة وبصراحة القسم مميز

 

لاهنت ولد بداح على التعليق واختلاف الرواة وارد في القصص والقصائد القديمة
واختلاف الرأي لا يفسد للود قضية
تقبل تحياتي

 

العفو قلب الذيب والتميز بمرورك ومشاركاتك