موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة سوالف الطيبين

سوالف الطيبين لروائع القصص في الجزيرة العربية

قصة عجوز مع شايبها قالت قصيده بعد ما شافت انه متردي في اموره الزوجيه


إضافة رد
 
أدوات الموضوع انواع عرض الموضوع
قديم 05-29-2010, 11:20 PM   رقم المشاركة : 1
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

قصة عجوز مع شايبها قالت قصيده بعد ما شافت انه متردي في اموره الزوجيه

قصة شايب ومعزبته وهي عايشة معاه طول السنين وتعرف حاله وامكانياته وما هي متحمله اكثر مما يقدر عليه ومسايرته وهو شايب كبير في السن وهي كذلك كبيرة، ومعاه ولد نشمي.. جاه الولد وقال يا يبه وشي رايك تبينا نزوجك ؟
قال: والله الساعة المباركة.. اي والله يا ولدي، يا ولد السعد.. اي والله زوجني
قال الولد: ها ما به خلاف.. قام وخطب له في ذيك البنت، وهم شغالين في ترتيب الزواج درت العجوز وتأكدت ان الشايب
بيعرس، الا وتغيرت عليها الأمور .. الا وقامت تمترح وماهي متأكدة ان الشايب بيعرس من جد لأنها خابره امكانياته متقاربه
وبياخذ له بنت
قالت للولد: ياولدي انتو بتزوجون الشايب؟ لا تزوجونه ماله لزوم.. الشايب ذا المفروض ما تزوجونه ..
العجوز ذي شاعرة وكذلك الشايب شاعر..
المهم قامت وسوت لها بيتين في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته اللي من أوله قابله منه الميسور وراح تتغير عليه الامور

قالت العجوز:

جملنا جملنا باركن له ثلاث سنين *** وهو ليّا جبنا له الحمل ما شله
ماغير القتب والمزودة وصطها مدين *** وهو بارك عجزان عن شيلها لله
وذا اليوم جبتوا حملةٍ وزنها طنين *** وذا الحمل يا الجواد ما هو قد له
جيته وقلت بالهون بالهون يا مسكين *** هذا الحمل يبغاله جمال تجهم له
ماهوب انت ياللي جايب فيدك من الصين *** أنا اللي أعرفك زين يا بارد الدله

قام الشايب والظاهر عنده امكانيات.. لكن ذي العجوز واقفه في طريقه ومدقره له

الرد من الشايب:
جملكم ماهو مسكين يا جعلك السكين *** جملكم يبي ينقل زهاب العرب كله
وهو اللي نفع العرب في الزمان الشين *** لكن الجمل في تاليه طاح في عله
وقع في رحوم طول سيقانها مترين *** صخاف الجنوب ضلوعها كنها هله
وحتى الجمل من شوفها صار حاله شين *** وهي السبب في طيحته جعلها العله
لها ذيل أجرد عمرها من ورا السبعين *** وعز الله انها تمرض القلب وتعله
لكن جيبوا للجمل بكرةٍ عمرها عشرين *** وتشوف الجمل يعطي كلش على حله
ليا عيّن الحمرا الردوم اشتغلها زين *** وخله بعيد من أم شاصين منحله
اذا الله عطانا عمر وانتوا من الحييّن *** تشوف الجمل لو حمله طويق يشتله

 







توقيع :

  رد مع اقتباس
قديم 05-30-2010, 08:15 AM   رقم المشاركة : 2
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

يعطيك العافية العروان قصة جميلة وقصائد طريفة تحياتي

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved