الله مير يسلمن ويسلمكم
عساكم بخير والحمد لله على السلامة
وقفت الحرب وأنا كنت خايف على الهايلوكس لايصير له شي
مع إني مسبله للطواري إذا أحتجتوه دقوا علي بيجر والله ماله ثمن
ياهو فزع معي أنا وهالرطيبات ماغير أقلبه بهالسطيلات من القصيم للرياض
وبيع ياربي لك الحمد
وأنا جاي بالطريق دق علي ولد عمي اللي هو أخوخال ولد الربدي وعلمن بسالفة والله وأنا بالطريق
ياعظيماتي إنها ترتجف والحمد لله إني وصلت سالم ياهو خرعن الله يصلحه
المهم هالقصة اللي برويها لكم قصة غريبة ومخيفه واللي ما يتحمل يختصر على نفسه
وإذا معزم لا يقرأ الموضوع إلا في النهار لجل ما يخاف
انا حذرت والباقي عليكم
يقول مرتن من المراريت هذا قول ولد عمي اللي هو أخو خال ولد الربدي حبيت آخذ العييل في كشته
قصيره لم البر بجوار الرياض يعني يبون يغيرون جو ( مالت عليك ياعاشق نجد جوك مسك خطوط بس )
المهم قال ولد عمي اللي هو أخو خال ولد الربدي جهزو انفسكم ياعييلي نبي نطلع نشوي ونتمشى شوي
الأم ماصدقت خبر بلاه تاكها بهالحوش جهزت كل طلبات الطلعه ( العدة ) من ماء وشاي وقهوه واغراض الشوي
ركبو سيارتهم و راحوا الى اقرب محل يبيع كل انواع المشويات ( عيال نعمه ) حتى ياخذون لحيمات وفراخ على كلام اخواننا المصريين اللي عندنا بالمزرعة فاروق وأبو حسين فراخ طازج من أجل الشوي خذوا اللحم والدجاج
وركبوا السيارة
راحوا على طريق مكه واول ما نزلو من ( القديه) وبعد قصور المقبل اتجهوا مع طريق ديراب
وكانو يقصدون احد الأماكن التي يتفسحون فيها سكان الرياض ( بلا ماعندهم منفس والعياذ بالله طقوها كلها بشبوك وخلوا هالمساكين يشمون هواء مثل عاشق نجد وربعه كثير الله يرحمن برحمته وإلا الدنيا زايله وشبيضرهم )
المهم اختارو مكان هادئ وجميل وبعيد عن الأزعاج
بجوار أحد الجبال وكان الوقت ( طفيلين ) يمكن معناه قد شارف على المغرب
نزلوا الأغراض وخذ ياشوي على ودنه والعييل يلعبون كوره جنبهم المهم خلص المشوي وجهز العشا وعندما اكلو وحمدوا ربهم وصلو ا المغرب وجلسوا يتبادلون الحديث ( اللي يشوفهم يقول رومانسيين ) مالت عليكم
حتى حصل ما لم يتوقعوه
سمعوا صرخه وصياح
ترعب القلوب
صرخه ترعب الكبير قبل الصغير
دب الخوف في العائله و لا شعرورياً ركبوا السيارة وتركو كل ما احضروه معهم من
طعام يبون النحشه ولا شي غيرها يبون السلامه ( خوافين وطقتهم أم الركب تصوروا عاد ) والنجاة بأنفسهم
لأنهم سمعو مالم يسمعوه من قبل فقرروا النجاة وعندما اطمن ابو العائلة على عييله ووغادينه اتصل على الشرطه حضرت الشرطه وطلبوا منه ان يرافقهم ولكنه رفض واعتذر بسبب العييل
وهو بصراحة انه يخاف ان يحدث له شي فما سمعه ليس سهل طالبوه بأن يقترب حتى يعرفون المكان ثم ينصرف
وافق بعد جهد ( ما شاء الله تقل بوش وجماعته يوم قررو وقف الحرب ) على ان يدلهم على المكان
ذهبت الشرطه الى الموقع والوقت ليل غدراء بدون مشكلة فكيف وهم حضروا على اساس بلاغ كان عددهم اثنين ولم يكن معهم إلاإضاءه خفيفه ليتسلقو الجبل وهم يترقبون ماذا سوف يقابلهم ومااذا يخبي لهم هذا الجبل
ماذا وماذا أسئلة عديده تدور في افكارهم لا يريدون العوده بدون معرفه الموضوع حتى لا يقال لهم جبناء وخوافين الزبدة إنهم استمرو في السير
وكل واحد لا يعرف ماذا يقول لزميله هل يقول نرجع ام نستمر وعندما وصلو منتصف الجبل سمعو صوت يبث الرعب في القلوب من شدة الصوت نزلوا عدياً لاينظرون خلفهم ولا ينظرون الى ما تحت رجليهم ولا وقفوا لين وصلوا سيارتهم
طلبو فرق تعزيز وانتظروا وجتك هالجيوب سلم لي على الهايلوكس وصلو الفرق عندما وصلت الفرق تكلم عليهم الضابط انتم جبناء وخوافين الله يعين هالجنود دايم ينفخون عليهم الضباط مايخافون من الله علشانهم شريط وبعضهم سادةوطلب من الذي جو معه ان يوجهون الإضاءه على الجبل وامر اثين منهم بالتوجه الى الجبل وتقدموا المساكين المغلوبين على أمره والخوف يسيطر عليهم فهم يعرفون أن الذين قبلهم لايخافون واستمروا في التقدم واثناء التقدم سمعو الصوت المرعب اللي يخرع واثناء هجتهم سقط احدهم وانكسرت رجله وحاول زميله مساعدته وبعد جهد كبير نزلو وشالوا خويهم للمستشفى
الضابط زاد غضبه على جنوده وطلب ان يذهب بنفسه وكان رجل كبير في السن ( المفروض يقاعدونه ويشوفون هالشباب ويوظفونهم في محله ماسك خانه على الفاضي وغيره يدور وظايف ولا لقى عنده واسط ماهي مثل واسطة عاشق نجد ماتشربه مويه ) تقدم برفقه احد الجنود وصعدوا الجبل والأضاءه موجه الى الجبل والضابط في المقدمه واثناء التقدم انقطعت الأضاءه واخذ يراسل المسؤل عنها لعله يعيدها بسرعه ولا يريد النزول حتى لا يقال له انه خواف وجبان ويحتقرونه الجنود حتى ولو كلفه هذا الموقف حياته لابد ان يصل اخذ يشجع الجندي المرافق والجندي يشجعه ويتبادلون الكلام ( الجندي يجامل الضابط علشان لايكمل به :c040: ) حتى يذهب الصمت الذي يعم المكان
اعيدت الأضاءة واستمروا في السير واثناء السير سمعوا نفس الصوت ولكن هذه المره اقوووووووووووى
فكر الضابط ومرافقه ماذا يجيب ان نفعل لابد ان نواصل واصلو الصعووود الى القمه قمه الرعب قمة المجهول قمة العودة ولا عودة ولكن كان يجب عليهم ان يواصلوا الصعود وعندما اقتربوا من القمه سمعو الصوت وكل مرة في ازدياد هاهم الآن قد وصلو القمة ( على بالهم قمة ايفرست :c040: )
في هذه القمة كهف وهذا الكهف مظلم لو دخل به ولد أمير الشمل فطس
مظلم في النهار وشلون أجل بالليل حاول الضابط الدخول الى الكهف ولكنه تردد كثيراً اخيراً قرر الضابط قرار خطير
قرار الدخول الى المجهول وطلب من مرافقه ان ينتظر في الخارج ( حالة ولادة :c040: ) دخل الى الكهف المظلم
وبكل خطوه كان يزيد الصوت وكان يثبت نفسه بالدعاء
عسى ربه ان يخرجه من هذا المكان وعندما وصل اخر الكهف وش شاف لقد فتش كثيراً
:a02010:
:a02010:
بحث في كل مكان :a042:
بحث تحت الحصى تقل يدور متفجرات :a042:
وخلف الحصى :a042:
وفي كل مكان :a042:
واخيراً قبل لايفوتن حراج الرطب معي كم سطل برحي وخلاص وسكري أبي أبيعهم وأنهج للقصيم توصونن بشي
لا والجو كايف اليوم شكله غيوم الله يجيب المطر
أحب أن أهدي تحياتي وسلامي لحبايبي الحلوين حد الرهيف وولد بداح اللي غثن بالله يرجك رجت صميلن وللعروان وباقي الربع والجماعة اللي ماعرفهم ولايعرفونن
واللي ماذكرته يعذرن لن مانيب كمبيوتر وسلام حار كالشطة ام ديك للغايب الحاضر ولد امير الشمل غديه مرتاح بسفره واقول لكم والله انتم اهل المنتدى ماهم ذوليك اللي جالسين يتطنزون من تحت الأسوار ومخفين انفسهم يوم جاء وقتهم وشافوا ربعهم حطوا لهم منتدى يخدمهم ويخدم القبيلة هجوا والله في قلبي شي كثير عليهم وودي اتكلم بس اخاف يفصلونن علشان ماني قباني لكن قسم بآيات الله وفي صلاة أوميمتي وأبيي إني أحبكم يالقبابنة وتحملونن شوي
واخيراً وينك ياولد أمير الشمل تفزع لهالضابط :c040:
وجد مصدر الصوت :a020:
مصدر الصوت :a020:
لم يكن يتوقعه :a042:
حتى انا اللي هو انا عاشق نجد لم اتوقعه :a042:
ولكنه كان هو مصدر الصوت
وتدرون وش كان هالمصدر
كان هذا الصوت صوت نمله زوجها طلقها :c040:
وانتهت حكاية وقصة ولد عمي اللي هو أخو خال ولد الربدي
ومن ذاك اليوم اللي قصها مانامت عيون
عاشق نجد
العرض الشجري
