قصتنا وسالفتنا هذه المره عن الشاعر دغيم الضلماوي حيث كان في وقت الامير محمد العبدالله الرشيد وقد ذاع صيت دغيم الضلماوي الشلاقي الشمري بالكرم وخاصة القهوة وهو صاحب البيت المشهور ( ياكليب شب النار ياكليب شبه )
ياكليب شب النـار ياكليـب شبـه=عليك شبة والحطب لـك يجابـي
وعلي أنـا ياكليـب هيلـه وحبـه=وعليـك تقليـط الـدلال العذابـي
وادغث لها ياكليب من سمر جبـه=وشبة الي منه غفـى كـل هابـي
باغـي ليـا شبيتهـا ثــم قـبـة=تجلب لنـا ربعـا سـراة غيابـي
بنسريـةً ياكليـب صلفـا مهـبـه=لاهب نسناسـه تقـل سـم دابـي
سـراة بليـل وناطحيـن مهـبـه=متكنفيـن وشوقـهـم بالعـذابـي
الوالمـة ياكليـب عجـل بصبـه=والرزق عند اللي ينشي السحابـي
صبـة لقرم ٍ صرفتـه ما حسبـه=يوم البخيل مكنهب الوجـة هابـي
وصبة لمنعوريـن ليـا جـاة نبـه=يرخص بعمره والدخل لها ضبابي
وعدّه عن اللي مايـداري المسبـه=اللـي يـدور بالقصيـر الغيابـي
عن الطيب عدّه نـازلا لـه بغبـه=يضرب علي درب الخطا مايهابي
لا باطن الهلبـاج خطـوا الجلبـه=يا حلو خبـط عصيهـم بالركابـي
أطمر لهم وأبـدي سـلام المحبـه=لا جو على هجناً يديهـم خرابـي
سلام أحلى مـن شخاليـل جبـه=وأحلى من السمن الجديد العرابـي
مع كبشً مصـلاح راسـه نجبـه=لا أدبـر الهيـّن متيـن العلابـي
خطو الولد يـوم الملاقـي نكبـه=يأتي علينا من حسـاب الزهابـي
وحتى يش لو يلبس وبينن وجبـه=معيـرة علـى غضيـر الشبابـي
أنا لقيـت الصبـر يازيـن غبـه=يرقيك رؤوس مشمرخات الهضابي
من لاصبر ياكليب في حكم ربـه=هذاك يـوم البعـث مالـه ثوابـي
يقولها اللي مـا حسـب للمسبـه=ولا عرقل الاجواد ببعض الهلابي
هذا هـوى بالـي وهـذا مطبـه=من قبل مايسفـح علينـا الترابـي
فلما سمع الأمير محمد العبدالله الرشيد بصيت وكرم الضلماوي أراد أن يختبره في هذا البيت
الوالمه يا كليب عجـل بصبـه=والرزق عند اللي ينشي السحابي
فقام الأمير بن رشيد في أحد الليالي وقال لبعض من رفقائه ترانا نبي نسير ولم يخبرهم إلى أين وجهته حتى أناخ إبله عند الضلماوي وقال الأمير محمد ما تقولي يالضلماوي وش عندك يوم إنك تقوصد يا .. كليب يا كليب .
فعرف الضلماوي أن الأمير زعلان فقبل رأسه وقام ومد يده للأمير وقال :-
مده رهن لولاك ماقلـت ياكليـب=ولا قلت شب النار وصر موقد ٍ له
في ليلة ٍ تجدع سـواة المشاهيـب=نسريـة ٍ تلصـق خليـل ٍ لخـلـه
نطعن بعزك ياحصـان الاطاليـب=عسى الله جمع حزمتك مـا يفلـه
يالجوهر الناريز يالمسك يالطيـب=يـا عنبـر ٍ مـن جربـه ما يملـه
تكفي محاليـب وتملي مجاليـب=وكبـد ٍ تيبسـهـا وكـبـد ٍ تبـلـه
ياطير شلوى مالقي بـك عذاريـب=لو تستحتي ما تجمع الطيـب كلـه
يا بو اليتامى والارامل ومن عيـب=وأبوا لمن صار العصى ثالث ٍ لـه
وأبو المحرول والاعمي والمحاديب=ومن ضامته بعقاء تصير ولدا لـه
إن كان هرجي به عليكم عذاريـب=سامح عسى اللي عقبك بألف حلـه
فلما سمع هذه القصيدة الأمير محمد العبدالله الرشيد نعّم بالضلماوي وقال والله ماتشريه غير ماشريته مدام إني حيّ كل مااحتجت تجي يمي وتـأخذ حاجتك
وإلى أن يحين لنا الموعد مع سالفة وقصيدة أخرى تقبلوا تحياتي
ودمتم برعاية رب العزة والجلال
العرض العادي
