يابـــــــــــــــــوي

ظلمتني يابوي لك عد مرات = وحرمتني يابوي شي بغيته
شرفتهم يابوي عدت زيارات = وحرمت عيني طيف زولن هويته
خابر زعلك اني ترديت حزات = وجفيت من هو في اللوازم نصيته
لكن جهلنا والرجل فيه جهلات = والله يسامحني بذنبن جنيته
خذ لك عهد يابوي وعدت يمينات = اني لا اموت وشايبي ما جفيته
وحقك بوجهي يازبون الونيات=وحقه بوجهي يوصله وسط بيته
بس اطلبك بجاه رب السموات = وبجاه كتاب الله وبجاه بيته
انك تسامحني اليا صار زلات = ولا تحرم عيوني زولن بغيته