الرؤس العنيدة

يلاحظ على الكثير من الناس انه دائم منتقد للناس وهو دايم على حق وصواب وغيره هو المخطي سواء في تصرفاته او في كلامه او في افعاله .
عنيد الرأي وراسه يابس لايمكن ان يعترف يوم انه على خطأ بل يكابر ويعاند ولاعنده في احد ماشي على دربه وفاله ومن شين اطباعه اذا حاجيته او تكلمت معه وحاولت تقنعه انه على خطأ طار فيك وشبك عليك نار الله الموقده وقام يعطي المبررات اللي مالها داعي .
الاعتراف بالحق فظيله وصفه طيبه والتراجع عن الرأي العسر منجاه للرجال ولا احد ناقد عليه اذا ترك عنه
العناد اللي ماله لزوم .
يقلب راسك بالمبررات اللي مالها لزوم ولاسنع يحاول ان يقنع من حوله على ان رأيه هو الصح واللي حوله هم المخطين .
هذه الفئه المذكوره من الناس واجد ونواجها بشكل يومي ونتعامل معهم بشكل مستمر وخاصه في هذا المنتدى نجد هذه الفئه موجوده ويعيشون بيننا .
أحترام رأي الاخرين مطلوب ومسايره وجهات نظر الاخرين مطلوب وترك العناد والتمسك براية لوحدة صفة سيئة يكرة الناس من يتصف بتلك الصفة .
الانفراد بصفة التملك ومغرفة الامور لوحدة وأنة دايم على حق وصواب وغيرة ناس ماتفهم وتعتبر جاهلة في هذه الحياة .
الكثير يرى في نفسة أنه مدرسة يعلم جميع الاجيال وغيرة ناس أغبياء مايعرفون شي .
مهما حاولت أن تقنع تلك الرؤس لاتجد جدوى ولافائدة في جميع المحاولات بل تزيد المسافة بينك وبينهم ويرونك بعدها انسان جاهل .
التمسك بالرأي
والاصرار على معرفة جميع الامور
والعناد وفرض الرأي بالقوة
وخلق الحجج الواهية
والتفرد بقول كلمة الحق وغيرة ناس ماتفهم
أعتقد أن هؤلاء من الناس يحتاجون الى علاج نفسي مكثف أو أن الناس يتجنبون الاحتكاك معهم أو حتى تجاهل جميع آرائهم وسفههم في هذه الحالة يكون من ضمن العلاج والدواء المفيد .
مسايرة خواطر الناس أمر طيب يخلق نوع من المحبة والاحترام بشرط أن لايكون له تبعيات سيئة .
ولكن من يرى في نفسة أنه على حق وصواب ومتأكد من ذلك فإن علية في هذه الحالة التمسك بقوة على رأية حتى لو أختلف معه الاخرين لأنه على حق وصواب ودائم راعي الحق مصيب مهما حصله من معوقات في أبداء الرأي أو قول كلمة حق أو تصرف في شئ مـــا .

 

السلام عليكم ورحمة الله وبركاته هلا بزيزوم الروح....كلام درر....أخوي أصحاب الاخلاق النبيله وعيال الشيوخ الاصيلين ما ينزلون انفسهم الى اساليب الغوغائيه بل يطمحون زلة الرفيق ويفرحون بتواصل القرابه....واثقين بالله ثم بأ نفسهم وبأ هدافهم النبيله الساميه...لا يؤثر بهم معاند أو جامد الرأي اذا كان على غير دليل أو سلم معروف.....الله يجمعنا واياك على المعزه والطاعه
أخوك أبوسعد

 

[font=Arial Black]نعم كلامك صحيح ياالغالى زيزوم , وهؤلاء ينطبق عليهم المثل اللى يقول > خالف تذكر < ولاكن نقول اللة يهديهم

ويصلحهم ,لايفيدون نفسهم ولايفيدون غيرهم بس يعارضون وينتقدون بس نقول (كل عاصى من الزمان يلين ) .[/font]

 

لاد قبان
وعيال الشيوخ الاصيلين ما ينزلون انفسهم الى اساليب الغوغائيه بل يطمحون زلة الرفيق ويفرحون بتواصل القرابه....واثقين بالله ثم بأ نفسهم وبأ هدافهم النبيله الساميه...لا يؤثر بهم معاند أو جامد الرأي اذا كان على غير دليل أو سلم معروف.....الله يجمعنا واياك على المعزه والطاعه
...............

آمين يجمعنا ربي على طاعته وعبادتة يابوسعد
من سمع كلامك هذا ياخوي قال وش ذالواثق بل الجازم والحازم والعازم على أن عيال الشيوخ لايخطون ولايزلون
ولاينزلون انفسهم الى امور تافة قد تعيبهم
اسمحلي أن اقول لك بصراحة العبارة انك مخطئ وارجو ان تعيد حساباتك زين وتنظر الى ماحولك وليس هناك
داعي الى المكابره والمعاند لأن الحقيقه عكس ماتقول وكلي ثقة ان عقليتك وتفكيرك اعلى مما ذكرتك
اخي يكون في محسوبيتك انني لا اعرف المجاملات مهما كانت وخاصة في مثل هذه المواضيع
لذلك ارجو ان لايزعلك ردي عليك
وشاكر لك على هذا التعقيب الجميل ونبقى كلنا الاد قبان
اخوك محمد

 

حد الرهيف
وهؤلاء ينطبق عليهم المثل اللى يقول > خالف تذكر < ولاكن نقول اللة يهديهم .....

مرحبا بك مليون
وكلامك صحيح وياكثرهم مع الاسف بين الناس هؤلاء الفئة يتقلبون على كل شكل
ولون عسى الله يبعدهم عنا .
مشكور على المررررررررررور ولاهنت