ياشيب راسي من الأيام ياشيبه ..
قصيدة رائعة .. مما راق لي ..
ياشيب راسي من الايام ياشيبه =وياشيب عيني من الي شبرهم دانـي
خويي اليا دخله الشك والريبه =ودي يروح ويخاوي واحد ثاني
لاصار بعض الطبائع فيه مالي به =لاكان حبه بدمي وسط شرياني
دامه غدت شيمته في بطنه وجيبه =ماله مكان مع ذربين الايماني
رجال مايمتلك سمعه وهيبه =في ذمتي مايحققه على أمتاني
نقد معازيبي ونقد معازيبه =وأثر على سمعتي من دون صدقانـي
ليته تجمل ولاكثر مطاليبه =أما على شانهم ولا على شاني
وجدي على اللي يماري بي وأماريبه =ويعدني أخوه واعده من أخواني
ويزتاد من طيبنا ونزتاد من طيبــه =و لا يطاوع كلام فلان وفلانـي
العرض الشجري