إنشد عن الشارع اللي فيه قباني

إن كان تبغى الشحم والكيف والدله=إنـشد عن الشارع اللي فيه قباني
تلقى النشامى وترحيب ٍ على حله=يشهد عليه الـبعيد ويـشهد الداني
حب الوفاء طبعهم وسلومهم فله=والجود ورث الجدود اللي لهم شاني
كـلمة هـلا مرحبا من لايق ٍ دلـه=تستـقـبـلك وأنت مسـيّر يمـهم عــاني
في مجلــس ٍ ماتـضيق منه ولا تـمله=الطيب به عادة ٍ من عبر الأزماني
مفتوح بابه وقبله فاتح الفله=ماأبالـغ إن قلت به ماحط بيباني
مجلس رجال ٍ تكيد النذل وتذله=مدهال من يقصده بـدو ٍ وحضراني
الطيب منهاجهم وإن صار به زله=تكاتـفوا مع بعـضهم مثل الإخواني
آلاد قبان ماخذت الظفر كله=من غـير قصور ٍ بشعب ٍ ساكن أوطاني
أخلاقهم عالية ما هيب منحله=ربعي وأباهي بهم في كل ديواني

محمد القباني

 

قصيدة جزلة وتستاهل مليون المليون يا بوخالد




حب الوفاء طبعهم وسلومهم فله
والجود ورث الجدود اللي لهم شانـي
كلمة هلا مرحبـا مـن لايـق ٍ دلـه
تستقبلك وأنـت مسيّـر يمهـم عانـي
في مجلس ٍ ماتضيـق منـه ولا تملـه
الطيب به عادة ٍ من عبـر الأزمانـي

 

صح السانك يأبو خالد

وأوجيز القصيده وننتظر رد الغالي حد الرهيف

 

”	المشاركة الأصلية كتبت بواسطة القباني قصيدة جزلة وتستاهل مليون المليون يا بوخالد حب الوفاء طبعهم وسلومهم فله والجود ورث الجدود اللي لهم شانـي كلمة هلا مرحبـا مـن لايـق ٍ دلـه تستقبلك وأنـت مسيّـر يمهـم عانـي في مجلس ٍ ماتضيـق منـه ولا تملـه الطيب به عادة ٍ من عبـر الأزمانـي

حياك الله يابونواف
المليون مرورك طال عمرك

 

صح لسانك ابوخالد وبسألك عن قصيدة يبدو لي انها لك

اللي يقول

حدروا والسعد والعز يبراها=لاد قبان ياماحلا عزاويها
يوم الاشراف تجر الكبر بخطاها=انتحت زعب لابن قبان يحميها
وقفت القبيلة بكامل اعضاها=قصدها تحمي الجيره وما فيها

اذا كانها تحضرك ياليت نقراها في المنتدى لأنها قصيده حرام تكون غائبة عن الساحة

تقبل تحيات اخوك

 

ابوخالد صح لسانك وبيض الله وجهك ابيات جزلة من راس جزل

وانا مع عديل الروح في الأبيات الي ذكرها

اتمنى ان اراها قريبا في المنتدى

 

إن كان تبغى الشحم والكيف والدله=إنـشد عن الشارع اللي فيه قباني
مفتوح بابه وقبله فاتح الفله=ماأبالـغ إن قلت به ماحط بيباني

محمد القباني

قصيدة جميلة

وأجمل ما فيها
المعاني الحديثة

عن الكرم في المدن

مثل
الشارع اللي فيه قباني --- فاتح الفله --


وصح لسان ابو خـــــــــــالد

 

صــح لســانك يابوخــــالد ولاهنت على القصيــده ونــعــم في الاد قبــــان
اخوووك الـــمـــان الــعـــرب

 

ارد على اخى العروان واقول ,, مافيك حيله يابوخالد من فحول شعراء القبابنة , ياحى الفريق والشارع اللى فيه قبابنة , لاهنت ياشاعر القبابنة واقول مافيك حيله وتستاهل البليووووووووووووووووووووووووون .

 

حب الوفاء طبعهـم وسلومهـم فلـه
والجود ورث الجدود اللي لهم شانـي
كلمة هلا مرحبـا مـن لايـق ٍ دلـه
تستقبلك وأنـت مسيّـر يمهـم عانـي


مشكوووور على الابيات

 

العروان صح بدنك

 

صح لسااااااااااااااااااانك يابوخالد

رح ياشيخ فالك المليون

قصيده جزله ووافيه

ولا تبخل علينا يابوخالد عطنا اول باول

 

صــح لســانك يابوخــــالد ولاهنت على القصيــده الجزله من رأس جزل ونــعــم في الاد قبــــان

أبن عمك الشماسي

 

”

المشاركة الأصلية كتبت بواسطة عديل الروح صح لسانك ابوخالد وبسألك عن قصيدة يبدو لي انها لك اللي يقول حدروا والسعد والعز يبراها=لاد قبان ياماحلا عزاويها يوم الاشراف تجر الكبر بخطاها=انتحت زعب لابن قبان يحميها وقفت القبيلة بكامل اعضاها=قصدها تحمي الجيره وما فيها اذا كانها تحضرك ياليت نقراها في المنتدى لأنها قصيده حرام تكون غائبة عن الساحة تقبل تحيات اخوك

صح بدنك الغالي عديل الروح
وما دام فيها يبدو
فقد أحرجتني لكن إن شاء الله تقراها

 

حياك الله ولد بداح ومشكور على المرور