بسم الله الرحمن الرحيم
طلب الشريف سلطان ابن حاكم الحجاز من الشيخ محمد بن هادي بن قرمله ان يعطيه او يبيعه جوادا من اشهر جياده فاجابه بهذه القصيده
ياراكب من عندنا فوق هجهوج
سواج مواج بعيد معشاه
مافوقه الا الكور والنطع وخروج
وسفيفتين فوق وركيه تزهاه
اسبق من الدانوق في غبة الموج
ملفاك سلطان زبون المخلاه
ياالعبدلي لاتكثر السوم باالغوج
لو كان طارينا الثمن كان بعناه
شفي عليه بردة والغلب غوج
ان حل بنحور السبايا مثاراه
وان لجلج المجمول فوق الحنى العوج
ذهل الغطا واهل الرمك قام تنخاه
تناطحوا واوقف على الزمل عمهوج
من شح في عمره عسى الخيل تاطاه
نحدكم حد الجوازي عن الموج
ونردكم رد البدن صوب مسناه
هل سربة وان دبرت ركضها عوج
وان اقبلت شروى الحرار المغذاه
وكم عندل تبكي على العم والزوج
تجر صوت غافي النوم قزاه
وكم سابق تشرى من المال بخروج
غدت بروس ارماحنا بالمثاراه
حريبنا ما يمرح الليل مفلوج
الناس قد ناموا وعينه مقزاه
وعدونا لو قطب الخيل بسروج
لازم يخلي منزله لانصيناه
انا جنودي كثر جوج وماجوج
حريبنا لو هو بعيد نصيناه
ذا قول من يلوي على الهرج بهروج
يلوي ولا يلوى على بعض ملواه
فلما وصلت القصيده للشريف سلطان اجابه بهذه القصيدة حيث قال
حي الكتاب اللي من الفخر ممزوج
حيه وحي اللي لفابه وعناه
اهلا وسهلا به ولاهوب مسهوج
حشمه لمن كزه ونرفا خطاياه
تكريم مثل الدر مخلوط ببلوج
وانوج من العنر الى غلي مشراه
القول له حشمه ومعنى ومهروج
عند الذي يفهم جوابه ومعناه
جانا جواب معرب الجد معروج
ومعوسر لكن حنا عرفناه
من عند من ياخذ على نجد مخروج
وياخذ على من حل في عشبه الشاه
محمد اللي له حوالات ورموج
بعيد بعزم رايه وبارياه
تطري لنا ان الشح لازمك بالغوج
يوم اننا جيناك ولا اعطيتنا اياه
من شح في ماله فلا هو بمهروج
وانت من اللي يستحقه ويزهاه
وكم طيع من فوقها اللبس مزنوج
للشيخ ترخص ما نبي له مجازاه
في راي من يجعل مع السيف ساروج
عن الذليل ويذعر الخيل بعزاه
سيد الجميع اللي له الحكم معنوج
حكم البحر والبر يوم الله اعطاه
من حاربه حاله سقيم ومسنوج
كنا الدبا الحناب بالليل يرعاه
وش عاد لو عيا محمد على الغوج
بخيل الطواله واحد كنه اياه
فيها ثلاثميه وتسعين مسروج
غير الجنايب فوقها اللبس تزهاه
نعطي المهار اللي عراقيبها عوج
والى عطينا مدة ما تلبناه
كم سابق تشرى من المال بخروج
والى عطينا ما نبيله مجازاه
انتم سهيل له مطاليع وبروج
وحنا القمر في ليلة النصف غطاه
فان كان قومك كثر جوج وماجوج
كفرت بالطاغوت وامنت بالله
السد من بين الحفيفين مرتوج
بناه ذا القرنين يوم الله اعطاه
وانتم سالمين وغانمين والسلام
العرض الشجري
