جـــاها النصيب وعلموني بالاخبار......
جاها النصيب وعلموني بالاخبار
ولاعاد عندي غير ازف التهاني
ياليتها تنسى المحبه وتــــــــختار
زمان غيري لاتدور زمــــــــــاني
سمتني الرحال على شان الاسفار
اجي لها من شاطي الشرق عاني
في حبها ذقت النكايد والامـــــرار
واللي وطا مجنون ليلى وطــــاني
كم مرة ٍ لعيونها دست الاخـــــطار
وارخصت عمري يوم ربي وقــاني
ماطعت من هوشار في خير الاشوار
اللي عن دروب الموده نهــــــاني
الموووت قدامي على سكة النــار
والنفس ماترضى طريق الهواني
لا شك تدبير الليالي والاقـــــــــدار
راااحت وانا سلم القبايل حــــداني
عندي خبرها تترك الدار لديـــــار
وانا مكاني ماتغير مكــــــــــــاني
اما الزمان اللي تعشمت به جــــار
والا ان حظي عن هواي احـــتداني
والله ماكنت اتكلم بالاســــــــــــرار
لولا القهر غطا سماي وغـــــشاني
علي اصد ويكفي النفس ماصـــــار
يكفي علي من الظروف امتـــحاني
ادعي لها الله دايما ً سر وجهــــــار
تلقى سعادتها مع انسان ثـــــــــاني
اليوم ابحرق لاجلها كل تذكـــــــــــــار
كل الرسايل والعطر والاغـــــــــــاني
واحرق بطاقة عرسها ضمن الاشعار
وارضى بما قدر عليّه وجــــــــــــاني
واقول ياقلب العنا خل الافـــــــــــــكار
وانسى السنين اللي تعدت عشــــاني
العرض الشجري
