قصيدة الشاعر // رشيد بن مساعد القباني السهلي
قالها قبل ثلاث سنوات حيث رأى شخص يمدح شخص لايستاهل المدح
يافلان ابن فلان غلطان يافلان=مدحك لذاك الشخص ماهوب قدّه
مدحك لذاك الشخص زور وبهتان=يومك تعرفه هات فعله وعدّه
المدح يزهونه طليقين الايمان=أهل الوفاء لاصار في الوقت شدّه
كسّابة الناموس من ماض الازمان=كِرام الايادي والمعادي تصدّه
والا الردي ياخيبته حيث ماكان=عن مجتمعنا جعل ربي يلدّه
نذل على ماقيل محواج نسوان=طير الرخم ما ربح من هو يهدّه
ما يمدح الا اللي يسمى بليهان=النشمي اللي كل نبّ يسدّه
احصان مايزعلك لا قالوا حصان=لاطوّل الميدان ماباح سدّه
يعجبك في كل المواقف كحيلان=لامنه صار العلم هاته وودّه
ترى الردي مايقضي النوب كوبان=حتيش لامن طاب خاله وجدّه
مايقضي اللزوم لاصار لك شان=بِرقة سراب بقيعة مجرهدّه
مامنه زود بل شر ونقصان=عنّا عسى اللي يقلعه ما يردّه
عساه يمحى محية العج دخّان=يخلي جميع الدار والكل ضدّه
ينفى من أقصى طريف لا سوق نجران=ومن منطقة سلوى إلى غرب جدّه
مع أجمل تحية من اخوكم::
عديل الروح
العرض الشجري
