السلام عليكم
الســـــلام عليكم ورحمة الله وبركاتة ,,
التسذوب ,, البكّاش ,, النصّاب ,,
حجّر للآرنب ,, لاقينا انت ,, لاصرت اصغر عيالك قلّي
مصطلحات تطلق عاللي يتسذب < لا بالله
ماتخلو جلساتنا من واحد معروف إنه نصاب ويجيب لك سالفة وتعطيه جوّه فيها وانت داري إنه تسذوب ,, بس قوّة نصبه وإصراره إن السالفة صح تدّخلك جوّ مع سالفته ويعطي جو للجلسة
يعني مثلا اذكر واحد من العيال قاعد يسولف علينا ,,
أخبر مرة واحد يقول مسافر على طريق .. تبوك - المدينة ..
المهم شوي الا السيارة تخبط .. يقول : وقفت على جنب وافتح
الكبّوت .. والا والله السير مقطوع . يقول منا منا مافيه أمل
يقول : والا وأحط عقالي مكان السير وأدق سلف الين وصلت المدينة
-------------
هذا واحد ثاني شايب الله يحسن له الخاتمة .. يقول انه كان يشتغل عند
الملك فيصل .. وجاء مرة يبي إجازة يروم لم الديرة .. يقول
أحاول المدير حقي يتوسط لي مافيه أمل .. يقول قررت أدخل عليه أكلمه
يقول قبل ما اوصل عند الباب الا هو طالع .. أسلم عليه وشرحت له ظروفي
وإن الوالدة تعبانة ومن هالكلام يقول : شوي والا دموع الملك
فيصل وقام يحضنه الملك الله يرحمه ويقول لاتبطي علينا يا سويلم
الله يرحم الملك فيصل ..
اذا تذكّرنا شئ ثاني سيّرنا عليكم
العرض العادي
