سلامي للجميع إحترت أين أحط(أضع) القصة لكن قرررت أن أحطها هنا. -------------------------------------------------------------------------------- أبوي : يالله 2*3 كم يساوي ؟ مناحي : امممممممممم 2*3 امممممم 2*3 يساوي سته أبوي : صحححححححح صححححححححححح حلو حلو .. طيب 3*2 كم يساوي ؟ مناحي : امممممممم 3*2 امممممم 3*2 يساوي 18 أبوي : كل تبن:9: طخ طاخ دووووووووووف يا حيوان قمت أهرول مسرعا لغرفتي بعد ان أكتملت اللوحه الفنيه على ظهري بخيزرانة الرسام أبوي وواصلت بكائي وشهيقي أرثي حالي وحال غبائي العظيم . وانا اسمع لعنات ابي وسبه تخترق باب غرفتي أمي: اذكر الله يبو مناحي اذكر الله الولد صغير توه أبوي : صغير ؟ يلعن شكله المتخلف الغبي عمره 16 سنه ولا زال في 3 ابتدائي:9: أمي : لا تعقد الولد يا أبو مناحي . ترا هالجيل يختلف عن جيلنا أبوي : تفو على هيك رجال .. ما بيستحو <- أبوي الإدعشري تمر الأيام وانا لا ازال أتلقى نفس الروتين اليومي .. تسميع لدروسي ينتهي بالتلزيخ والتصفيق وفي يوم من الأيام جلست أفكر و أحاول اني ابتكر طريقة عشان افتك من الجلد وفجأة ولعت لمبه فوق راسي اهااااااااااا لقيتها أخوي : وش لقيت مناحي : ولعت اللمبة اللي فوق راسي يعني لقيت فكرة أخوي : كل تبن بس . انا ولعت لمبة الغرفة يا غبي مناحي : اهااااااااا يعني انت اللي عندك الفكرة؟ طخ دوف طخ طخ يا متخلف يا معوق مناحي : تهيئ تهيئ ليش تطقني أخوي : لأنك غبي . انا اقول انا ولعت لمبة الغرفة عشان اقدر اشوف . لأني ما اشوف في الظلام مناحي : اهاااا .. يعني ولعتها عشان تشوف الفكرة لانك ما تشوفها في الظلام طخ دوف طاااااخ اي اي لا لا خلاص وركضت مسرعا ومتوجها لمخبأي السري. خزان المويه اللي فوق بيتنا دخلت الخزان وجلست افكر بطريقة افتك من هذا الضرب . خصوصا وان وقت صلاة العشاء اقترب . وهو وقت تسميع والدي لدروسي وجلست افكر وافكر وافكر .. ولم اخرج بشيء.. وحاولت أن اضغط على نفسي اكثر . ولم أخرج بشيء ايضا وضغطت اكثر . وخرج شيء لم يكن في الحسبان ونزلت مسرعا لأمي مناحي : يمه لحد يشرب من مويه الخزان أمي : ليش يا مناحي؟ مناحي : كنت افكر داخل الخزان . وحاولت اطلع فكرة من راسي . وطلع شي ثاني من تحت . فمثل ما قلت لك لحد يشرب مويه . بس ابوي عادي يقدر يشرب <- تجلت نذالتي هنا :S_45: ذهبت للحمام وغسلت نفسي وذهبت لألبس ملابسي وفجأة ولعت اللمبة فوق راسي طلعت وما لقيت اخوي .. فقلت ذي اكيد فكرة.. وكنت صادق في هذا إنها فكرة .. كما هو الحال . انا منجلد منجلد الله لا يعوق بشر.. فخلني البس خمس فنايل وخمس سراويل عشان اذا ضربني بالخيزرانه ما احس بالجلد .. اهاااا والله اني ذكي.. ونفذت الخطه . لبست خمسة فنايل وخمسة سراويل .. وفجأة سمعت صوت أبوي مناااحي جب دروسك حملت شنطتي على كتفي وتوجهت بخطى ثابته . على عكس العادة ودخلت ورميت الشنطه بوجه ابوي من زود الثقه .. وقام وجلدني وللأسف الجلد كله صار على وجهي <- حظي زبالة هههههههههههههههههههههههههههههههههههههههههههههههههه ههههههههههههههههههههههههههههههههههههههههه تورم وجهي وغادن حمرته تقول ورع مصري له ساعه واقف بالشمس.. للأسف لم تنفع الخطة. مرت الأيام وانا منزوي في غرفتي ما اشوف احد ولا احد يشوفني وفجأة رن هاتف بيتنا . ونادتني أمي مناحي: أبو المنذر يبيك عالتلفون نزلت على مهل ورفعت السماعه مناحي : هلا أبو المنذر : السلام عليكم ورحمة الله وبركاته أخ مناحي مناحي : وعليكم السلام أبو المنذر : كيف حالك ؟ لم نرك منذو زمن مناحي : كنت منشغلا في امور عائليه أبو المنذر : اعانك الله . مناحي : لعنك الله انت . تقعد تسبنا على كيفك ؟:9: أبو المنذر : لا لا يا اخي . قلت اعانك الله . يعني الله يعينك مناحي : اشوى أبو المنذر : طيب .. سوف نخرج انا واحد الأخوة إلى السوق وأرتئينا أن تخرج معنا . لكي نتحدث ونتسولف ونأخذ اخبارك <- ألم ألم يا شيخ . اجل أرتئينا مناحي : خلاص مروني أبو المنذر : إذن . موعدنا بعد صلاة العشاء في مسجد الحارة مناحي :خلاص قفلت السماعة وتوجهت لغرفتي . وانسدحت على سريري . اقلب صفحات مجلة سيدتي وزهرة الخليج لأقراء قصص الجنيه اللتي تزوجت مصري <- قلّوا الجن؟؟ما لقيتي الا مصري؟ (( حان الان موعد أذان العشاء حسب التوقيت المحلي لمدينة الرياض . وعلى الساكنين بالمحافظات مراعاة فارق التوقيت )) أمي : يالله يا مناحي قوم رح صل مناحي : توه ما اذن امي : وشو ؟ ما تشوفه يقول اذن ؟ مناحي : لا تسوين فيها.. توه يقول وعلى الساكنين بالمحافظات مراعاة فارقا التوقيت يعني توه ما اذن عندنا أمي : وشو ؟ حنّا بالرياض وشو محافظته ؟ مناحي : بالرياض ؟ من جد ؟ متى نقلنا ؟ اخبر تقولون لي اننا ساكنين بالسويدي ؟ أمي : كل تبن ورح صل . صدق ابوك يوم قال انك معوق امتلأت عيناي بالدموع . حتى انتي يا امي .. قلبتي علي طلعت لغرفتي ولبست ثوبي وتوجهت للمسجد عقب الصلاة خرجت ولقيت أبو المنذر وأحد الأخوة ركبت معهم في السيارة وذهبنا الى اسواق طيبه .. تجولنا داخل السوق .. وعن يميني أبو المنذر وعن يساري احد الأخوة فجأة سمعت أبو المنذر يقول .. لا حول ولا قوة الا بالله سألته وش فيك ؟ أبو المنذر : أنظر الى سفور هذه المرأة مع زوجها احد الأخوة : الله المستعان زوجها تاركها كذا . والكل يناظرها أبو المنذر : كأنها شركة مساهمة . متاحة للجميع احد الأخوة: ههههههههههههههههههههههههههههه مناحي : والله لأكتتب فيها يا شيخ .. آخ يا قلبي بس طخ دوف طاااخ دوف طاخ طخطخطخطخ اي اي خلاص امزح امزح وجلدوني أبو المنذر واحد الأخوة ورجعت بيتنا وانا كلي كدمات وحالتي صعبه دخلت الصالة لقيت أمي واخوي الكبير قاعدين يجلّدون كتب ودفاتر اخواني الصغار أمي:سلامااااااات يا شعرة قلبي ..من سوا بك كذا مناحي: ابو المنذر واحد الأخوة امي: ابو المنذر وعرفناه؟منهو احد الأخوة؟ مناحي: والله مدري..من يوم التحقت بجماعة التوعية ونص اسامي الموجودين احد الاخوة..الظاهر عيال عم امي: ما تشوف شر يا حبيبي...دامك فاضي . تعال ساعدنا بتجليد هالكتب رحت وجلست وقعدت اجلد كتب اخواني.. وامي كل شوي لأ يا مناحي . كذا . لأ يا غبي مو كذا.. يا حمار بتخرب كتب اخوانك شوي . وبدون اي مقدمات . طرررررررررراخ .. تعرضت لضربة على راسي وانسدحت عالأرض رفعت رأسي لبرهه ووجدت نافورة دم تخرج من رأسي ورأيت اخواني يضحكون علي وأمي تقول: منااااحي مناااااااااااحي بتوصخ الفرشه <- تسمع بالأمومة أستيقظت من نومي ووجدت نفسي على سرير أبيض. وعند رأسي أبوي وقعد تغورقت عيناه بالدموع وأمي على الجهة الأخرى تبكي .. واخوي يناظرني بنظرات ملؤها الأسى والحزن مناحي : وش فيكم امي : قمت يا قلبي . ما تشوف شر:co6: أبوي : كذا يا مناحي خوفتنا عليك أخوي : اسف يا مناحي موب قصدي مناحي : شفيكم وش صار أمي : اخوك بغى يمزح معاك .. وضرب راسك بالدبّاسه . ودبس كتاب الرياضيات حق اخوك براسك مناحي : طيب عادي جرح خفيف "تعريف الدباسة : أداة تستخدم لـتدبيس الأوراق مع بعضها البعض ،، ودائما تجدها بمكاتب المدرسين او الموظفين في القطاعات الحكومية ،، وتتميز بقوة التدبيس . وقدرتها على اختراق اي شي لكي تدبس" أبوي : تهي تهي تهي مناحي : شفيكم ؟ فيني شي أمي : اااااه يا رب تهي تهي منااحي يا وليدي وقامت امي وخمتني وهي تصيح مناحي : شفيكم ؟ انا حامل:060: وفجأة تغير الجو . طخ طاااااخ دوف طرررررراخ دوف لأه يا باشا لأه موش كده لأه وجاء الدكتور وفك ابوي واخوي عني عقبها سألت الدكتور وش فيهم اهلي الدكتور : بص يبني يا مناحي . انتا حالتك خطيرة قدن قدن . وكنت في غيبوبة من شهرين ودلؤتي صحيت مناحي : كلها من دباسه ؟ الدكتور : دبوس الدباسه . اخترق القمقمه . ودخل في المخ . وسبب اختلال في النبضات الكهربائيه في مخك.. وصار فيه اشكاليه في تدفق النبضات لبعض مناطق المخ أستقبلت هالخبر المفجع برباطة جأش وتحمل وصبر على المصاب لاني ما فهمت وش قال..والمصايب ميب غريبة علي كمشجع نصراوي . تسع سنين ما شفنا كاس.. حتى جائزة اللعب النظيف نسمع بها مع الأيام تحسنت حالتي .. لكن كنت اعاني من صداع شديد .. والدكتور نصحني ان اتناول مسكنات لكي يخف الألم رجعت لبيتنا . ولاحظت مراعاة اهلي لحالتي وحرصهم علي بعد كم يوم كنت جالس في الصالة وكان ابي بجانبي يحسب مصروفات البيت فجأة وجدته يصرخ .. يا ام مناحي .. 432 ريال ضرب 14 كم ؟ وبدون اي وعي مني قلت :6048 ابوي : كم ؟ مناحي : 6048 أبوي : بسم الله عليك . قمت تهلوس وفجأة ظهر صوت أمي من العدم يا أبو مناحي 432 ضرب 14 يساوي 6048 ابوي : يعني مناحي صادق.... مستحيل مستحيل وفجأه شالني عالمستشفى وراح للدكتور أبوي : خذوا ذا الولد وعطونا ولدنا.. الدكتور : دا ابنك يا باشا ابوي :مستحيل ياخي ..!! الدكتور : هو من ناحية مستحيل..دا مستحيل ينتمي لبني الأنس من اساسو هههههههه ابوي : والله انك صادق ..الظاهر طالع على خواله الدلوخ هههههه واذا بكندرة تصفق راس ابوي..التفت ابوي لقى امي ورا الكاميرا تأشر له تبي تلعن خيّره قام ابوي صرّفها وحكى سالفته معي يوم احل المسألة الحسابيه الدكتور : حاله غريبة . يبدو ان الدبوس اللي ناشب في راسه سبب حالة من التحفيز لمنطقة الذكاء والأستنتاج في المخ أبوي : يعني بيموت؟ طخ طاااااخ دووف طرررررراخ وفكيت ابوي من بين ايدين الدكتور الدكتور : انتا غبي مثل ولدك . انا اقول تحفيز يعني ابنك صار عبقري ابوي : هااااااهـ ؟ عبقري ؟ ما اصدق ما اصدق مناحي : شفت يا أبوي .. انا ذكي بس انت ما دريت عني وفجأة ضمني ابوي .. اسف يا مناحي اسف موب قصدي رجعت البيت وانا في قمة فرحي وقاعداغني . 60 ضرب 60 يساوي 3600 50 ضرب 50 يساوي 2500 لا لا ترا ترا ترم ترم <- خلاص صار ذكي يحق له لولو الصغيره وانتشر الخبر.. وعمت الأفراح البلدة . وجاء شهبندر التجار وزارنا .. يؤ معليش تحمست وصارو الجامعات ياخذووني القي محاضرات . ويتم استدعائي لكي احل المشاكل العلميه صرت مشهور ويحبوني البنات وفي يوم مشمس كنت متكي بالحوش مع ابوي نتقهوى وكان ابوي يحاول ان يضبط تردد اذاعة لندن لكي يسمع الاخبار وفجأة احسست برعشة شديدة في جسدي . وفجأة . بدأت استمع لأذاعة لندن داخل رأسي . يا إلهي . ان الدبوس يستقبل تردد إذاعة لندن وفجأة لفيت أذني وبدأ الصوت يرتفع . يالله .. شي غريب .. اصابني الخوف وقلت لأبوي . وقرب اذنه من فمي . وصرخ . ايه قسم اني اسمع اذاعة لندن . واصفى من الراديو عقبها استغلني ابوي . وشال الدش من بيتنا وشبك الرسيفر براسي .. مرت الأيام ولازالت على حالي .. استقبال عروض من شركات ضخمه لتوظيفي . محاولة تجنيسي في الدول الغربية.. لكن رفضت هذه العروض بشدة .. لن اترك ارض الوطن وفي يوم صحو رن جرس بيتنا فتحت الباب الا وذيك الطخمه الطخمه : مرحبا مناحي : اهلين وسهلين . من انتي ؟ الطخمه : انا الملازم أول ليزا من القوات الامريكية مناحي : ملازم أول ؟؟ يعني جندي ؟ طخ طخ دوف دوف لا خلاص خلاص بعد الجلد المرير دخلتها بيتنا وناديت ابوي ابوي : افاااااا جايب لنا بنات ليل يا الحقير يا الكلب ؟ مناحي : لا موب بنات ليل .. ذي ملازم اول ليل أبوي: اها كذا اشوى سولفت معانا ليزا ووضحت لنا ان فيه معلومات وصلتهم ان قدرتي على استقبال الاذاعات والقنوات سببت خلل في المراسلات السريه للقوات الامريكيه في العراق.. وسبب خلل كامل في انظمة الجيش الامريكي .. يعني لما يتراسلون عن طريق الاجهزة اللاسلكية .. انلحس نظامهم وصارو يسمعوني وانا اكلم ابوي خلال حديثنا .. انكسر قزاز بيتنا ودخل مجموعة من الرجال المرتدين الحلل السوداء اسود واحد فيهم : امسكوه هذا هو الملعون حاولت اهرب .. ما قدرت محاصرين المكان .. بدؤو يسحبوني مع رجولي . وانا متمسك في الكنب .. لا لا ما ابي ما ابي لا لا صاح واحد فيهم : هذا نظامه اغصبني واطيع انفلتت ايديني من الكنب . وحاولت امس بأي شي .. عقبها مسكت شي طري .. و كروي.. وتشبثت فيه .. طالعت .. لقيته صدر الأنسه ليزا بعدها لقيت نفسي بالسيارة مع السود . وبيدي صدر بلاستيكي .. والأنسه ليزا تأشر لي من بعيد بأشارات وتقول : يا كلب كلفني 4000 دولار يا حقير بعدها حطو منديل فيه رائحه الكلوروفورم وحاولو يخدروني ما نفع .. حقنوني بإبرة منومة وما نفع . بعدها حط اسود واحد فيهم ابطه على خشمي . وفقدت وعيي أستيقظت على قطرات الماء تتساقط على وجهي ولقيت واحد متلثم جالس على كرسي قبالي مناحي : من انت ووين انا وليش خطفتوني ؟ المتلثم اللي جالس على الكرسي قبالي : خطفناك لانك اطخم يا عمري مناحي : قول قسم انا اطخم ؟ المتلثم اللي جالس على الكرسي قبالي : كل تبن لا تصدق .. خاطفينك طمعانين ان ابوك يعطينا فدية وعقبها قام المتلثم ويمشي حولي ويرمقني بنظرات خبيثة مليئه بالدناءه والخسة مناحي : تبي من أبوي دراهم ؟ حلم إبليس بالجنة ؟ ياخي مرة جاب لي مدرس خصوصي مصري وبنهاية الترم لما جاء وقت دفع الحساب بلغ عليه الجوازات وسفّروه المتلثم اللي كان جالس والحين يدور حولي : ذيك الأيام ولّت .. الحين انت ثمين .. صرت ذكي .. اكيد بيدفع ابوك الدراهم ؟ عقبها طلع المتلثم اللي كان جالس والحين صار يدور حولي جوال ودق على جوال أبوي طووووط طووووووط عفوا . إن الرقم الذي طلبته غير موجود بالخدمة مؤقتا المتلثم اللي ... الخ : جوال ابوك مفصول ؟ مناحي : ما قلت لك قعيطي ؟ المتلثم اللي .. الخ : بدق على بيتكم طوووووووط طوووووط عفوا .. إن الرقم اللذي طلبته غير موجود بالخدمة مؤقتا المتلثم اللي .. الخ : برضو الثابت مفصول مناحي : شيء طبيعي المتلثم اللي .. الخ : طيب كيف تتواصلون مع الناس ؟ مناحي : ابوي موزع على اقاربنا اكواب بلاستيك وورابطينها بخيط لبيتنا اللي يبي يكلمنا يكلمنا عن طريق الكوب المتلثم اللي .. الخ : طيب بصور فيديو وارسله لأبوك مناحي : لا تتعب نفسك بياخذ الشريط ويبيعه لقناة العربية وبيسحب علي المتلثم اللي .. الخ : اقول .. سامحنا .. وخذ 200 ريال وارجع لأهلك فكني المتلثم اللي كان جالس وكان يدور حولي ونزلني على طريق خريص واخذت ليموزين ورجعت بيتنا .. لما قربت من بيتنا لقيت ابوي باسط قدام البيت ويحرّج على ملابس واغراضي شافني وركض لي . وركضت لي وانا عيوني تدمع وفتحت ذراعيّ لكي احضنه . واحسست بدفء باطن قدمه تصفق بوجهي أبوي : وش جابك ؟ مناحي : أفرجو عني أبوي : طيب رح السطح واشبك اسلاك الدش براسك بروح اشوف الأخبار وعلى خطى بائسة ملؤها الأسى والحزن طلعت السطح وشبك الأسلاك براسي وقعدت أفكر بدنيتي وحالتي شوي دخل ابوي السطح وكان معاه ناس وقعد يأشر علي هذا هو هذا هو قربو مني المجموعة اللي كانت مع ابوي وقعدو يطالعون فيني .. وقالو موافقين ابوي : خلاص الأجار 100 ألف بالسنة المجموعة : خلاص تم اثاريهم حقيت الإتصالات السعودية أستأجروني برج جوال وبيحطوني بالدخل المحدود علشان أقوي الإرسال مرت الأيام وانا حالي من سيء لأسوء بسبب استغلال ابوي لشخصي الكريم مرات دش ومرات برج جوال ومرات كينود وفي يوم من الأيام دخلت اتروش بعد يوم كامل من العمل كـ أريل تلفزيون وضعت رأسي تحت الدش وفجأة سقط الدبوس اللي كان مصدر دخلنا الوحيد حاولت ارجعه ماش رحت لأبوي وأنا خايف مناحي : يبه عندي خبر سيء وخبر جيد أبوي : عطنا الجيد أول مناحي : طاح الدبوس اللي براسي اللي كان مصدر رزقنا الوحيد ططاخ دوف يا حيوان يا كلب ركضت لغرفتي ولقيت أبوي سابقني هناك مناحي : كيف وصلت الغرفة وانا منحاش منك ؟ أبوي : وش دراني كاتب الموضوع قال اني بالغرفة فلقيت نفسي بالغرفة ومسكني ابوي وربطني وطاح فيني تدبيس بس ماش زاد غبائي وابوي يدبس وانا اصير غبي يدبس واصيرغبي يدبس واصير غبي عقبها ادمنت تدبيس وابوي وداني لموسوعة جينيس وباعني عليهم بـ 2000 ريال وبهذا انتهت حياتي كتمثال في مجموعة جينيس صدق أبو صالح لما قال دنيا دنيّة ما رضت لأم كلثوم ،،، عقب الطرب حطو قطنةٍ في ذ؟؟؟ـهـا <- املئ علامات الأستفهام بما يلائم اكتمال البيت المذكور ما يستفاد من القصة : ولا شيء
و سلامتها أم حسن
العرض العادي
