هذه من مقتطفات الشاعر/ الشبح
سريتك ياليل العنا وطال مسراي=لابيّن نور الصبح ولانوّخت ريمه
اجتلد والهمّ بين اقبال واقفاي=وكل ماتنهّضت شفت الدروب العسيمه
سقت الخطاوي والزمن قصّر خطاي=وأنا اجابه الزمن بصبر وعزيمه
وقت(ن) حداني حدو وألحقني مداي=كل ماغزيت النصر هدّفت الهزيمه
أجتهد على المواصل والفرقا جزاي=ضاع الجهد وكسبت الفرقا غنيمه
عقب المواصل بنيت من الجفا ناي=وأقفيت عني مصدّ وذودي محيمه
جيتني برايٍ ورحلت من دون راي=ماتدري ان اقفايتك غبن وظليمه
وماتدري ان بعدك داي وقربك دواي=وماتدري ان الفرقا للمفارق مضيمه
صحيح اني أخطيت ولاحسبت خطاي=يوم علّقت الرجا فالليالي العتيمه
أحسب اني مقيم والليالي ارضاي=أثرني رحّالٍ والليالي مقيمه
أقفيت عني وشمّت جملة عداي=الله يجزاك ويجزا النفوس الحليمه
وكان تالي العشرة يالغضي باي باي=في ذمتي مافيك مروه ولاشيمه
والعشرة اللي تاليها ياالغضي فاي=تراها تعد في حقوق الهوى هضيمه
العرض الشجري
